ប្រធានមន្ទីរសុខាភិបាលខេត្តតាកែវបញ្ជាក់ថា រកឃើញអ្នកកើតកូវីដ២នាក់នៅស្រុកបាទី
- តាកែវ
ខេត្តតាកែវ ៖ លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ ប្រាប់នៅព្រឹក ថ្ងៃទី២៤ ខែមេសា ឆ្នាំ២០២១…
ខេត្តតាកែវ ៖ លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ ប្រាប់នៅព្រឹក ថ្ងៃទី២៤ ខែមេសា ឆ្នាំ២០២១ នេះថា រកឃើញករណីឆ្លងវីរុសជំងឺកូវីដ-១៩ លើស្ត្រី០២នាក់ រស់នៅភូមិត្រពាំងត្រាវ ឃុំពត់សរ ស្រុកបាទី ។
លោកវេជ្ជបណ្ឌិត នុត ស៊ីណាត បានបន្តថា ថ្ងៃនេះក្រុមគ្រូពេទ្យបានធ្វើតេស្តរកឃើញករណីវិជ្ជមានឆ្លងវីរុសកូវីដ-១៩ ចំនួន ០២នាក់ ជាស្ត្រី រស់នៅភូមិត្រពាំងត្រាវ ឃុំពត់សរ ស្រុកបាទី ក្រោយប៉ះពាល់ផ្ទាល់ជាមួយអ្នកជំងឺឈ្មោះ ឆិន ងឿន ។
លោកប្រធានមន្ទីរ នុត ស៊ីណាត បានធ្វើការអំពាវនាវដល់បងប្អូនប្រជាពលរដ្ឋ ដែលធ្លាប់ប្រាស្រ័យទាក់ទងជាមួយអ្នកជំងឺឆ្លងកូវីដ-១៩ សូមចូលរួមសហការ ជាមួយអាជ្ញាធរមូលដ្ឋាន និងក្រុមគ្រូពេទ្យយកសំណាក ធ្វើតេស្តរកមេរោគកូវីដក្នុងគោលបំណង ដើម្បីបង្ការ និងទប់ស្កាត់ ការឆ្លងរីករាលដាលនៃជំងឺកូវីដ-១៩ កុំឱ្យកើតមានឡើងនៅសហគមន៍របស់យើងទាំងអស់គ្នា ៕
ចែករំលែកព័តមាននេះ