រាជធានីភ្នំពេញ ៖ តំបន់ជុំវិញផ្សារដើមគ ស្ថិតនៅក្នុងកម្រិតហានិភ័យខ្ពស់ក្នុងការឆ្លងរីករាលដាលនៃជំងឺកូវីដ-១៩ ប៉ុន្តែនៅតែមានអាជីវករតិចតួចបន្តលក់ដូរលើតំបន់ហាមឃាត់ មិនស្តាប់ការណែនាំស្តីពីវិធានការបិទខ្ទប់របស់រាជរដ្ឋាភិបាលកម្ពុជា ទើបនៅថ្ងៃទី២២ ខែមេសា ឆ្នាំ២០២១នេះ កម្លាំងគណៈបញ្ជាការឯកភាពខណ្ឌមានវិធានការក្តៅ…
រាជធានីភ្នំពេញ ៖ តំបន់ជុំវិញផ្សារដើមគ ស្ថិតនៅក្នុងកម្រិតហានិភ័យខ្ពស់ក្នុងការឆ្លងរីករាលដាលនៃជំងឺកូវីដ-១៩ ប៉ុន្តែនៅតែមានអាជីវករតិចតួចបន្តលក់ដូរលើតំបន់ហាមឃាត់ មិនស្តាប់ការណែនាំស្តីពីវិធានការបិទខ្ទប់របស់រាជរដ្ឋាភិបាលកម្ពុជា ទើបនៅថ្ងៃទី២២ ខែមេសា ឆ្នាំ២០២១នេះ កម្លាំងគណៈបញ្ជាការឯកភាពខណ្ឌមានវិធានការក្តៅ បន្តចុះរៀបចំ ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ នេះបើយោងតាមសាលាខណ្ឌទួលគោក ។
បើតាមអនុគណៈកម្មការស្រាវជ្រាវជំងឺកូវីដ១៩ ប្រកាសថា ផ្សារដើមគ (កម្រិតហានិភ័យខ្ពស់) ព្រោះករណីឆ្លងជំងឺកូវីដ-១៩ គិតត្រឹមថ្ងៃទី២០ ខែមេសា ឆ្នាំ២០២១ មានអ្នកពាក់ព័ន្ធសរុបចំនួន ២៥៣នាក់ ត្រូវបានរកឃើញ វិជ្ជមានកូវីដ-១៩ (អាជីវករ សន្តិសុខផ្សារ កម្មករ និងអ្នកអនាម័យ) ។
សូមជម្រាបដែរថា រដ្ឋបាលរាជធានីភ្នំពេញ បានសម្រេចធ្វើការបិទផ្សារដើមគ និងផ្សារបន្លែ ដែលស្ថិតនៅជុំវិញតំបន់ប្រជុំជនផ្សារដើមគ ក្នុងខណ្ឌទួលគោក និងខណ្ឌបឹងកេងកង រយៈពេល១៤ថ្ងៃ ដោយគិតចាប់ពីថ្ងៃទី១៨ ខែមេសា ដល់ថ្ងៃទី១ ខែឧសភា ឆ្នាំ២០២១ ដើម្បីបង្ការ និងទប់ស្កាត់ការឆ្លងរាលដាល នៃជំងឺកូវីដ១៩ ទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋដែលចេញចូលផ្សារនេះ ។
បើតាមរដ្ឋបាលរាជធានីភ្នំពេញ ក្នុងតែរយៈពេលប៉ុន្មានថ្ងៃចុងក្រោយនេះ គេបានរកឃើញអាជីវករ ក៏ដូចជាកម្លាំងសន្តិសុខផ្សារដើមគ ច្រើនរយនាក់ បានឆ្លងវីរុសកូវីដ-១៩ ក្នុងស្ថានភាពយ៉ាងឆាប់រហ័ស គួរឲ្យព្រួយបារម្ភបំផុត ៕
ចែករំលែកព័តមាននេះ