ឥណ្ឌូនេស៊ី ៖ ប្រទេសឥណ្ឌូនេស៊ីបានដាក់ពង្រាយនាវាចម្បាំងចំនួន៦គ្រឿង ក្នុងការរុករកនាវាមុជទឹកមួយគ្រឿង ដែលបានបាត់រួមជាមួយនាវិកចំនួន៥៣នាក់នៅលើនាវានោះ ។ នេះបើតាមការចេញពីផ្សាយពីសារព័ត៌មាន BBC នៅក្នុងថ្ងៃនេះ។ ឧទ្ធម្ភាគចក្រមួយគ្រឿង…
ឥណ្ឌូនេស៊ី ៖ ប្រទេសឥណ្ឌូនេស៊ីបានដាក់ពង្រាយនាវាចម្បាំងចំនួន៦គ្រឿង ក្នុងការរុករកនាវាមុជទឹកមួយគ្រឿង ដែលបានបាត់រួមជាមួយនាវិកចំនួន៥៣នាក់នៅលើនាវានោះ ។ នេះបើតាមការចេញពីផ្សាយពីសារព័ត៌មាន BBC នៅក្នុងថ្ងៃនេះ។
ឧទ្ធម្ភាគចក្រមួយគ្រឿង រួមនិងក្រុមរុករកប្រមាណ ៤០០នាក់ត្រូវបានរដ្ឋាភិបាលបញ្ជូនទៅចូលរួមក្នុងដំណើរការរុករកនេះ។ ស្របពេលដែលប្រទេសសិង្ហបុរី និងម៉ាឡេស៊ី ក៏បានបញ្ជូននាវាជួយសង្គ្រោះរបស់ខ្លួនទៅចូលរួមផងដែរ។ ខណៈដែលប្រទេសជាច្រើនរួមមានសហរដ្ឋអាមេរិក, អូស្ត្រាលី, បារាំង និងអាល្លឺម៉ង់ ក៏បានឆ្លើយតបតាមការស្នើសុំជំនួយនេះផងដែរ។
នាវាមុជទឹក KRI Nanggala-402 ដែលផលិតនៅអាល្លឺម៉ង់បានធ្វើសមយុទ្ធនៅភាគខាងជើងកោះបាលី កាលពីថ្ងៃទី ២១ ខែ មេសា កន្លងទៅ។ ប៉ុន្តែវាបានបាត់នៅចម្ងាយប្រហែល ១០០គីឡូម៉ែត្រពីឆ្នេរនៃកោះបាលី។
ឧត្តមនាវីឯក Julius Widjojono បានថ្លែងប្រាប់ទីភ្នាក់ងារសារព័ត៌មាន AFP ថា «បច្ចុប្បន្នកងនាវាចរកំពុងបន្តដំណើរស្វែងរក។ ហើយយើងបានដឹងពីតំបន់នោះ ប៉ុន្តែវាពិតជាមានជម្រៅជ្រៅខ្លាំងណាស់»។
ស្របពេលដែលកងទ័ពជើងទឹកឥណ្ឌូនេស៊ីបាននិយាយថា ការលេចធ្លាយប្រេងមួយត្រូវបានរកឃើញនៅជិតកន្លែងដែលនាវាមុជទឹកនោះបាត់ខ្លួន។ ដែលអាចបង្ហាញពីការបែកធ្លាយធុងប្រេង ឬក៏អាចជាសញ្ញាពីនាវិកផងដែរ។
នាវា KRI Nanggala-402 គឺជានាវាមុជទឹកមួយក្នុងចំណោមនាវាមុជទឹក ៥ គ្រឿង ដែលប្រតិបត្តិការដោយឥណ្ឌូណេស៊ី។ វាត្រូវបានផលិតនៅចុងទស្សវត្សឆ្នាំ ១៩៧០ និងទទួលការកែលម្អរយៈពេល ២ឆ្នាំនៅប្រទេសកូរ៉េខាងត្បូង ដែលបានបញ្ចប់នៅឆ្នាំ ២០១២ ។
ហើយបើតាមសម្តីអ្នកនាំពាក្យកងទ័ពជើងទឹកបានថ្លែងប្រាប់ BBC ថានេះជាលើកដំបូងហើយ ដែលប្រទេសឥណ្ឌូណេស៊ីបានបាត់នាវាមុជទឹកបែបនេះ៕
ចែករំលែកព័តមាននេះ