អំពើបាបរមែងឱ្យទោស៥យ៉ាង
ព្រះភគវន្តមុនីបរមគ្រូជាម្ចាស់បានត្រាស់នឹងព្រះអានន្ទថា ឯកំសេនាហំ អានន្ទ អករណីយំ វទាមិ ។ ប្រែថា ម្នាលអានន្ទ! តថាគតហៅ កាយទុច្ចរិត…
ព្រះភគវន្តមុនីបរមគ្រូជាម្ចាស់បានត្រាស់នឹងព្រះអានន្ទថា ឯកំសេនាហំ អានន្ទ អករណីយំ វទាមិ ។ ប្រែថា ម្នាលអានន្ទ! តថាគតហៅ កាយទុច្ចរិត វចីទុច្ចរិត និងមនោទុច្ចរិត ថាជាកិច្ចដែលបុគ្គលមិនគួរធ្វើដោយដាច់ខាត កាលបើបុគ្គលណាមួយជ្រុលកាយ វាចា ចិត្ត ធ្វើអករណីយកិច្ចនោះហើយ ត្រូវដឹងខ្លួនចុះថា មុខជានឹងមានទោស ហើយទោសនោះបើយ៉ាងតិចត្រឹម៥យ៉ាងគឺ៖
១- សូម្បីខ្លួនឯងតិះដៀលខ្លួនឯងបាន
២- លោកអ្នកចេះដឹងរមែងរិះគន់តិះដៀលបាន
៣- កេរ្តិ៍ឈ្មោះអាក្រក់រមែងខ្ចរខ្ចាយឡើង
៤- វង្វេងស្មារតីក្នុងវេលាទៀបស្លាប់
៥- លុះទម្លាយខន្ធទៅ រមែងទៅកើតក្នុងទុគ្គតិភពមិនខាន ។
ព្រោះហេតុនោះ ទើបលោកពោលថា បាបនោះ ជាកិច្ចគឺជនប្រុសស្រីមិនគួរធ្វើសោះឡើយ ។ ការដែលមិនធ្វើបាបនោះ ក៏គឺការសង្រួមក្នុងសីល ឬការលះវៀរចាកទុច្ចរិតស្រេចទៅហើយ ដែលលោកហៅថា វិរតិនោះឯង ៕ សាន សារិន
ចែករំលែកព័តមាននេះ