លោកជំទាវ ម៉ែន សំអន ជាអធិបតីតំណាងសម្តេច និងសម្តេចកិត្តិព្រឹទ្ធបណ្ឌិត ក្នុងឆ្នាំ២០១៥នេះ ក្រសួងវប្បធម៌បានរៀបចំបុណ្យភ្ជុំបិណ្ឌក្នុងសារមន្ទីរទួលស្លែង ដោយចាប់ផ្តើមធ្វើនៅល្ងាចថ្ងៃសុក្រ ទី៩ តុលា ២០១៥ ត្រូវនឹងថ្ងៃ១២រោច ខែភទ្របទ ពុទ្ធសករាជ២៥៥៩ ចាប់ពីម៉ោង២រសៀលតទៅ រៀបចំពិធីក្រុងពលី សូត្រមន្តព្រះសង្ឃ៧អង្គ និងសម្តែងធម្មទេសនា លុះព្រឹកឡើងថ្ងៃសៅរ៍ ទី១០ តុលា ២០១៥ ត្រូវនឹងថ្ងៃ១៣រោច ខែភទ្របទ ពុទ្ធសករាជ២៥៥៩ ចាប់ពីម៉ោង៧ព្រឹកតទៅ រៀបចំពិធីបង្សុកូល រាប់បាត្រព្រះសង្ឃ៣៦អង្គ ជាកិច្ចបង្ហើយបុណ្យ។
ក្រសួងបញ្ជាក់ថា បានជាប្រារព្ធពិធីបុណ្យភ្ជុំបិណ្ឌមុនកាលកំណត់ ដោយសារទុកឱកាសជូន ឯកឧត្តម លោកជំទាវ លោក លោកស្រី ដែលជាសប្បុរសជន និងមន្ត្រីរាជការទាំងអស់ មានពេលទៅចូលរួមធ្វើបុណ្យភ្ជុំបិណ្ឌជាផ្លូវការជាមួយក្រុមគ្រួសារនៅឯស្រុកកំណើតរៀងៗខ្លួន៕
ចែករំលែកព័តមាននេះ