ខេត្តព្រះវិហារ ៖ សាលាដំបូងខេត្តព្រះវិហារ បានសម្រេចឃុំខ្លួននៅពន្ធនាគារខេត្តព្រះវិហារ ចំពោះជនសង្ស័យម្នាក់ក្នុងករណីហិង្សាពន្ធប៉ងប៉នរំលោ.ភសេពសន្ថវៈតែមិនបានសម្រេច ដែលប្រព្រឹត្តនៅភូមិសាឡុងជ័យ ឃុំរក្សាស្រុករវៀង ខេត្តព្រះវិហារ។ បើតាមលោកវរសេនីយ៍ឯក ខាត់…
ខេត្តព្រះវិហារ ៖ សាលាដំបូងខេត្តព្រះវិហារ បានសម្រេចឃុំខ្លួននៅពន្ធនាគារខេត្តព្រះវិហារ ចំពោះជនសង្ស័យម្នាក់ក្នុងករណីហិង្សាពន្ធប៉ងប៉នរំលោ.ភសេពសន្ថវៈតែមិនបានសម្រេច ដែលប្រព្រឹត្តនៅភូមិសាឡុងជ័យ ឃុំរក្សាស្រុករវៀង ខេត្តព្រះវិហារ។
បើតាមលោកវរសេនីយ៍ឯក ខាត់ ហ៊ុន នាយការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាល បានឱ្យដឹងនាថ្ងៃទី១៩ ខែមេសា ឆ្នាំ២០២១នេះថា ក្រោយពីទទួលបានពាក្យបណ្ដឹងពីម្ដាយនារីរងគ្រោះនៅប៉ុស្តិ៍នគរបាល ឃុំរក្សា កាលពីថ្ងៃទី១៧ ខែមេសា ឆ្នាំ២០២១ ដោយបានប្ដឹងចោទប្រកាន់ទៅលើជនសង្ស័យមានឈ្មោះ ប៊ួរ ជាន អាយុ២៥ឆ្នាំ រស់នៅភូមិសាឡុងជ័យ ឃុំរក្សាស្រុករវៀង ខេត្តព្រះវិហារ ថា បានប្រព្រឹត្តអំពើអសីលធម៌ ដោយប្រើហិង្សា និងប៉ុនប៉ងរំលោ.ភសេពសន្ថវៈលើនារីរងគ្រោះអាយុ១៧ឆ្នាំ ។
យោងតាមបណ្ដឹងខាងលើ នារីរងគ្រោះបានបន្តថា មុនពេលកើតហេតុនៅថ្ងៃទី១៦ ខែមេសា ឆ្នាំ២០២១ នារីរងគ្រោះបានទៅលេងមិត្តភក្កិនៅក្បែរផ្ទះរបស់ខ្លួន លុះរហូតដល់ម៉ោង៧និង៤៥នាទីយប់ថ្ងៃដដែល នារីរងគ្រោះក៏បានដើរត្រឡប់មកផ្ទះវិញតាមផ្លូវតែម្នាក់ឯង ក៏ស្រាប់តែជួបនឹងយុវជន (ជនសង្ស័យ) ខាងលើ ហើយក៏បានប្រើហិង្សាប្រវាយប្រតប់ និងចាប់បង្ខំបម្រុងរំលោ.ភ ប៉ុន្តែមិនបានសម្រេច ដោយសារតែនារីរងគ្រោះរើបម្រះទាន់ រួចក៏រត់ទៅផ្ទះប្រាប់ម្ដាយអំពីហេតុការណ៍នោះតែម្តង ។
លោកវរសេនីយ៍ឯក ខាត់ ហ៊ុន បានបន្តថា ក្រោយពីទទួលបណ្ដឹងខាងលើភ្លាម កម្លាំងរបស់លោកក៏បានចុះទៅឃាត់ខ្លួនជនសង្ស័យខាងលើមកសាកសួរ និងបានបញ្ជូនទៅកាន់អធិការនគរបាលស្រុករវៀងតែម្តង បន្ទាប់មកក៏បានកសាងសំណុំរឿងបន្តបញ្ជូនមកកាន់ស្នងការដ្ឋាននគរបាលខេត្តព្រះវិហារ ដើម្បីមានចំណាត់ការបន្តទៀត ។
ជាមួយគ្នានេះ លោក វុធ សាវី ព្រះរាជអាជ្ញារងតំណាងអយ្យការអមសាលាដំបូងខេត្ត បានឲ្យដឹងថា ជនសង្ស័យឈ្មោះ ប៊ួរ ជាន ក្រោយពីមានការសាកសួរពីតំណាងអយ្យការរួច ជនសង្ស័យរូបនេះក៏បានសារភាពថា ខ្លួនពិតជាបានប្រព្រឹត្តដូចការចោទប្រកាន់មែន ។
លោកបន្តថា ក្រោយសាកសួរ លោកក៏បានធ្វើដីកាសន្និដ្ឋាន រួចបញ្ជូនរឿងឲ្យស៊ើបសួរទៅចៅក្រមស៊ើបសួរ ដើម្បីមានចំណាត់ការបានបន្ត ។ លុះរហូតមកដល់ល្ងាចថ្ងៃទី១៨ ខែមេសា ចៅក្រមស៊ើបសួរក៏បានសម្រេចឃុំខ្លួនជនសង្ស័យបណ្ដោះអាសន្ននៅពន្ធនាគារខេត្តព្រះវិហារ ដើម្បីរង់ចាំការស៊ើបអង្កេតបន្តទៀត ។
សូមបញ្ជាក់ថា ជនសង្ស័យខាងលើនេះ ក៏មានប្រពន្ធ និងមានកូនម្នាក់ រស់នៅភូមិសាឡុងជ័យ ឃុំរក្សា ស្រុករវៀង ខេត្តព្រះវិហារ និងត្រូវជាបងប្អូនថ្លៃជនរងគ្រោះផងដែរ ។
ចែករំលែកព័តមាននេះ