ប្រទេសមីយ៉ាន់ម៉ា ៖ យោងតាមមន្ត្រីផ្លូវការឲ្យដឹងថា តំបន់ឧស្សាហកម្មមួយដែលស្ថិត ក្រោមគម្រោងអភិវឌ្ឍន៍នៅក្នុងរដ្ឋKayin ប្រទេសមីយ៉ាន់ម៉ាត្រូវបានគេរំពឹងថា នឹងចាប់ ផ្តើមបើកឲ្យដំណើរការនៅក្នុងឆ្នាំ២០១៧ ។
តំបន់ឧស្សាហកម្ម Myawaddy ត្រូវបានសាងសង់ឡើងលើផ្ទៃដីទំហំ២០១អាដែលស្ថិតនៅចន្លោះទីក្រុងមីយ៉ាវ៉ាឌី និង Thingan Nyi Naung ត្រឹមតែ១១គីឡូម៉ែត្រប៉ុណ្ណោះពីព្រំប្រទល់រវាងប្រទេសថៃនិងមីយ៉ាន់ម៉ា ។
រដ្ឋមន្ត្រីឧស្សាហកម្មរបស់រដ្ឋKayin លោក Saw Kyi Lin បានប្រាប់កាសែតមីយ៉ាន់ម៉ាថែមស៍ថា «រដ្ឋាភិបាលរដ្ឋសាមីមិនបានកំណត់ពេលវេលានៅលើគម្រោងនេះឡើយ ប៉ុន្តែភាគច្រើននោះគឺវានឹងរួចរាល់នៅឆ្នាំ២០១៦ទៅ២០១៧ខាងមុខ »។
នៅពេលដែលរដ្ឋាភិបាលក្នុងស្រុកបានអនុញ្ញាតឲ្យក្រុមហ៊ុន Nyi Naung Oo ជួលដីកាលពីឆ្នាំ២០១៣ក្នុងការសាងសង់នៅតំបន់នោះ វាគឺត្រូវបានគេរៀបចំប្រើប្រាស់សម្រាប់ឧស្សាហកម្មក្នុងតំបន់ ។
ទោះជាយ៉ាងណា ចាប់តាំងតែពីតំបន់នោះត្រូវបានគេចាត់ឡើងវិញជាតំបន់សេដ្ឋកិច្ចមួយនៅការផ្តល់សេចក្តីណែនាំរបស់គណៈកម្មការវិនិយោគមីយ៉ាន់ម៉ា(MIC) ដោយសារតែទីតាំងនោះគឺស្ថិតនៅក្បែរខាងជាមួយនឹងព្រំប្រទល់នៃប្រទេសថៃ ។
ជ្រកក្រោមច្បាប់វិនិយោគបរទេសឆ្នាំ២០១២ គឺការប្រកបជំនួញបរទេសត្រូវបានហាមឃាត់នៅក្នុងរយៈចម្ងាយ១០ម៉ាយនៃព្រំដែនរបស់មីយ៉ាន់ម៉ា ជាមួយនឹងបណ្តាប្រទេសជិតខាង លើកលែងតែនៅក្នុងតំបន់ឧស្សាហកម្មមួយដែលត្រូវបានអនុម័តយល់ស្របដោយគណៈកម្មការវិនិយោគមីយ៉ាន់ម៉ា(MIC)។
លោក Saw Kyi Lin បានលើកឡើងថាតំបន់នេះត្រូវបានគេសម្លឹងឃើញរាប់ពីលំហូរចូលនៃការស្ម័គ្រចិត្តពីសំណាក់ប្រទេសថៃដែលភាគច្រើនស្ថិតក្នុងភាពជាដៃគូជាមួយនឹងបណ្តាក្រុមហ៊ុនក្នុងស្រុកដែលមានមូលដ្ឋានក្នុងទីក្រុងមីយ៉ាវ៉ាឌីផ្ទាល់តែម្តង ។
គួរបញ្ជាក់ថា ព្រំប្រទល់ក្បែរខាងនៃក្រុង Mae Sot របស់ថៃ គឺជាតំបន់ពាណិជ្ជកម្មដែនគោគដ៏មមាញឹកជាងគេបំផុតទី២របស់មីយ៉ាន់ម៉ា បន្ទាប់ពីច្រករបៀងនៅក្នុងរដ្ឋ Shan ដែលស្ថិតនៅជាប់ព្រំដែនជាមួយនឹងប្រទេសចិន។ ចំណែកអ្នកគ្រប់គ្រងគម្រោងរបស់ក្រុមហ៊ុន Nyi Naung Oo លោក Kyaw Tint បានថ្លែងថា មូលដ្ឋានដែលជាទីគាប់ចិត្តនានាក្នុងតំបន់នោះគឺបានបញ្ចប់ការសាងសង់រួចរាល់៩០%ហើយ។ លោកបានបន្ថែមថា ក្បាលដី៤៥០ឡូត៍ត្រូវបានដាក់ឲ្យនៅដោយឡែក ហើយយ៉ាងហោចក៏មានម្ចាស់រោងចក្រចំនួន១៥បានដាក់ពាក្យស្នើសុំហើយភាគច្រើនគឺជាវិស័យកាត់ដេរ និងទំនិញប្រើប្រាស់ ។
លោកបានឲ្យដឹងទៀតថា រោងចក្រស្បែកជើង រោងចក្រផលិតគ្រឿងបន្លាស់រថយន្តនិងរោងចក្រផលិតដែកសន្លឹកសំណប៉ាហាំងគឺស្ថិតក្នុងចំណោមរោងចក្រដែលគេរំពឹងថា នឹងចាប់ផ្តើមប្រកបអាជីវកម្មនៅតំបន់នោះ ។
Myawaddy គឺស្ថិតក្នុងចំណោមគម្រោងតំបន់ឧស្សាហកម្ម៣នៅក្នុងរដ្ឋ Kayin ស្របជាមួយនឹងតំបន់ឧស្សាហកម្ម Payathonsu និងតំបន់ឧស្សាហកម្ម Hpa-an ដែលជាឧទ្យានឧស្សាហកម្មមួយគ្របដណ្តប់លើផ្ទៃដី១០០អាដែលបានបើកដំណើរការដល់បណ្តាវិនិយោគិនបរទេសកាលពីដើមឆ្នាំ២០១៥នេះ ។
គម្រោងនេះដែរត្រូវបានគេតាំងចិត្តថា នឹងបញ្ចប់ក្នុងរយៈពេល៥ឆ្នាំ ប៉ុន្តែត្រូវបានពន្យារពេលដោយសារតែកង្វះខាតនៃថាមពលអគ្គិសនីនិងអស្ថិរភាពក្នុងតំបន់ទៅវិញ ។
លោករដ្ឋមន្ត្រី Saw Kyi Lin បានបញ្ចប់ក្តីបារម្ភអំពីហេដ្ឋារចនាសម្ព័ន្ធនៅតំបន់ឧស្សាហកម្មMyawaddy នឹងលុបបំបាត់ចោលដោយលើកឡើងថា វាទទួលបានគុណប្រយោជន៍ពីថាមពលអគ្គិសនី២៤ម៉ោងពីប្រទេសជិតខាងថៃ ។
លោកបានថ្លែងថា «អគ្គិសនីរបស់ថៃគឺប្រសើរជាងមីយ៉ាន់ម៉ា ហើយនឹងមានការធានាបានពីការផ្គត់ផ្គង់២៤ម៉ោង »។
លោកKyaw Tint បានថ្លែងថា ក្រុមហ៊ុន Nyi Naung Oo បានដាក់ពាក្យស្នើសុំការអនុញ្ញាតពី MIC ដើម្បីទិញអគ្គិសនីពីថៃ ហើយក៏ស្ថិតក្នុងការចរចាជាមួយនឹងក្រុមហ៊ុន Enova Power របស់ថៃដែលជាអ្នកផ្គត់ផ្គង់អគ្គិសនីនៅតំបន់នោះទាំងមូលផងដែរ ។
ក្រុមហ៊ុនអភិវឌ្ឍន៍នេះបានចាប់ផ្តើមលក់ក្បាលដីជាច្រើនកាលពីឆ្នាំទៅ ហើយក៏ផ្តល់នូវការជួលដល់ជនបរទេស ស្របពេលដែលពួកគេមិនអាចមានសិទ្ធិទិញអចលនទ្រព្យស្របតាមច្បាប់ជាធរមានរបស់មីយ៉ាន់ម៉ា ៕
ចែករំលែកព័តមាននេះ