រាជធានីភ្នំពេញ ៖ ក្មេងស្រីអាយុ៣ឆ្នាំម្នាក់បានស្លា.ប់បាត់បង់ជីវីតនៅពេលបញ្ជូនទៅមន្ទីរពេទ្យរ៉ូយ៉ាល់ភ្នំពេញ បន្ទាប់ពីជិះម៉ូតូជាមួយឪពុកម្តាយមកពីទិញទឹកដោះគោ ហើយក៏ត្រូវម៉ូតូមួយគ្រឿងទៀតដឹកអីវ៉ាន់លក់តាមអនឡាញមកបុកពីក្រោយតែម្តង។ គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោងប្រមាណ១១និង៣០នាទីព្រឹក ថ្ងៃទី១៨ ខែមេសា ឆ្នាំ២០២១…
រាជធានីភ្នំពេញ ៖ ក្មេងស្រីអាយុ៣ឆ្នាំម្នាក់បានស្លា.ប់បាត់បង់ជីវីតនៅពេលបញ្ជូនទៅមន្ទីរពេទ្យរ៉ូយ៉ាល់ភ្នំពេញ បន្ទាប់ពីជិះម៉ូតូជាមួយឪពុកម្តាយមកពីទិញទឹកដោះគោ ហើយក៏ត្រូវម៉ូតូមួយគ្រឿងទៀតដឹកអីវ៉ាន់លក់តាមអនឡាញមកបុកពីក្រោយតែម្តង។ គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោងប្រមាណ១១និង៣០នាទីព្រឹក ថ្ងៃទី១៨ ខែមេសា ឆ្នាំ២០២១ នៅតាមបណ្តោយមហាវិថីសហព័ន្ធរុស្ស៊ី មុខមន្ទីរពេទ្យ រ៉ូយ៉ាល់ភ្នំពេញ ស្ថិតនៅក្នុងភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ។
ក្មេងស្រីរងគ្រោះខាងលើពុំត្រូវស្គាល់អត្តសញ្ញាណឡើយ មានអាយុប្រមាណ៣ឆ្នាំ បានស្លា.ប់បាត់បង់ជីវីតនៅពេលបញ្ជូនទៅសង្គ្រោះ ហើយបានជិះម៉ូតូម៉ាក ViVa ពណ៌ខ្មៅ ស្លាកលេខ ភ្នំពេញ១F-6640មួយគ្រឿង ជាមួយឪពុកម្តាយ។ ចំណែកជនបង្កគ្រោះថ្នាក់ចរាចរណ៍ ជិះម៉ូតូម៉ាកស្តុបពីពណ៌ស ពាក់ស្លាកលេខ កំពង់ឆ្នាំង 1H-6576 ជាអ្នកបើកបរ ដឹកម្ហូមអាហារតាមអនឡាញ ហើយក៏ត្រូវបាននគរបាលឃាត់ខ្លួនផងដែរ ។
តាមព័ត៌មានអោយដឹងថា នៅមុនពេលកើតហេតុ គេឃើញក្មេងស្រីរងគ្រោះជិះម៉ូតូជាមួយឪពុកម្តាយ ធ្វើដំណើរក្នុងទិសដៅពីលិចទៅកើត ស្រាប់តែមានម៉ូតូដឹកអីវ៉ាន់តាមអនឡាញបើកបរក្នុងល្បឿនលឿនស្របទិសគ្នា រួចក៏មកបុកពីក្រោយពេញទំហឹង បណ្តាលឱ្យម៉ូតូរងគ្រោះដួល ហើយក្មេងស្រីរងគ្រោះក៏ដួលបោកក្បាលរងរបួសធ្ងន់ និងត្រូវបានក្រុមគ្រួសារនាំយកទៅសង្គ្រោះនៅមន្ទីរពេទ្យ រ៉ូយ៉ាល់តែក្រោយមកក៏បានស្លា.ប់បាត់បង់ជីវីតតែម្តង ។
បើតាមសាក្សីបានអោយដឹងថា គ្រោះថ្នាក់ខាងលើនេះ គឺបណ្តាលមកពីអ្នកលក់អីវ៉ាន់តាមអនឡាញអាងផ្លូវស្ងាត់បើកបរក្នុងល្បឿនលឿន និងមើលទូរស័ព្ទក៏ជ្រុលចង្កូតទៅបុកម៉ូតូដែលក្មេងស្រីរងគ្រោះជិះ ទើបបង្កជាគ្រោះថ្នាក់តែម្តង ។ ក្រោយពេលកើតហេតុម៉ូតូទាំង២គ្រឿង ព្រមទាំងអ្នកបើកបរបង្កត្រូវបាននគរបាលបញ្ជូនទៅកាន់ការិយាល័យចរាចរណ៍ផ្លូវគោក ដើម្បីចាត់ការតាមច្បាប់៕
ចែករំលែកព័តមាននេះ