តាកែវ៖ ជនសង្ស័យជួញដូរគ្រឿងញៀន ចំនួន ៣នាក់ រួមជាមួយវត្ថុតាងជាក់ស្តែង ត្រូវបានកំលាំងនគរបាលប្រឆាំងការជួញដូរគ្រឿងញៀន បង្ក្រាបខណៈពេលដែលក្រុមជនសង្ស័យ កំពុងធ្វើសកម្មភាពយកគ្រឿងញៀន អោយម៉ូយរបស់ពួកគេ រួចបានកសាងសំណុំរឿង បញ្ជូនមកកាន់ការិយាល័យប្រឆាំងការជួញដូគ្រឿងញៀនខេត្ត ចាត់ការបន្ត។
ហេតុការណ៍នេះ បានកើតឡើង នៅវេលាម៉ោង ១៣:៥០នាទី ថ្ងៃទី១៧ ខែមេសា ឆ្នាំ២០២១ នៅភូមិអង្គរបក្សី ឃុំជាងទង ស្រុកត្រាំកក់ ខេត្តតាកែវ។
លោក វរ:សេនីយ៍ឯក ង៉ែត ចាន់ ធី មេបញ្ជាការរង កងរាជអាវុធហត្ថខេត្ត បានអោយដឹងថា ការចុះបង្ក្រាបករណីជួញដូរគ្រឿងញៀននេះ មានការសម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ទើបជំនាញយើងចុះបង្ក្រាបករណីជួញដូរគ្រឿងញៀន នៅភូមិឃុំខាងលើបាន។
លោកមេបញ្ជាការរងខេត្ត បានបន្តទៀតថា ជនសង្ស័យ ដែលបង្ក្រាបបាន មានចំនួន ០៣នាក់ រួមមាន៖ ១.ឈ្មោះសេន រតនៈ (ហៅណាក់) ភេទប្រុស អាយុ ៣៨ ឆ្នាំ មុខរបរមិនពិតប្រាកដ ជនជាតិខ្មែរ ម្ចាស់ផ្ទះ ជួញដូរ និងប្រើប្រាស់គ្រឿងញៀន។ ដោយអនុវត្តតាមដីកាបង្គាប់ឲចាប់ខ្លួនពីប្រធានក្រុមប្រឹក្សាជុំនំជម្រះ ហុងសុងហ៊ាង លេខ ៣៦” ជ”ចុះថ្ងៃទី១៣ ខែវិច្ឆិកា ឆ្នាំ២០២០ (បទជួញដូរនិប្រើប្រាស់នូវសារញៀន) រស់នៅភូមិអង្គបក្សីឃុំជាងទង ស្រុកត្រាំកក់ ខេត្តតាកែវ។ ២.ឈ្មោះ ស្ងួន ចំរើន (ហៅតឿ) ភេទប្រុស អាយុ ២៨ឆ្នាំ ជនជាតិខ្មែរ ( ជួញដូរនិងប្រើប្រាស់) រស់នៅភូមិអង្គបក្សី ឃុំជាងទងស្រុកត្រាំកក់ ខេត្តតាកែវ។ ៣.ឈ្មោះ នាក់ វឿន ភេទប្រុស អាយុ ២៨ឆ្នាំ ជនជាតិខ្មែរ (ជួញដូរ និងប្រើប្រាស់) រស់នៅភូមិតាមុច ឃុំតាភេម ស្រុកត្រាំកក់ ខេត្តតាកែវ។ ដោយដកហូតក្រាមពណ៌សថ្លា ចំនួន ១២កញ្ចប់ (ធំ០២) ទម្ងន់ ១៧៤,៧០ក្រាម (ថ្លឹងទាំងសំបក់ថង់) ជញ្ជីងថ្លឹងថ្នាំញៀន ចំនួន០១ ទូរស័ព្ទចំនួន ០៥គ្រឿង ( ម៉ាកអិនចុចពិល ០២គ្រឿង ម៉ាកអូប៉ូ ០១គ្រឿង ម៉ាកអាយហ្វូន ០២គ្រឿង)។ ម៉ូតូចំនួន ០២គ្រឿង ម៉ាកនិចកញ្ចាស់ ពណ៌ខ្មៅ ស្លាកលេខ ភ្នំពេញ 1AN 3625 និងម៉ាក ATTIla ពណ៌ស គ្មានស្លាកលេខ សម្ភារៈច្រក និងវេចខ្ចប់ថ្នាំញៀនមួយចំនួន។
នៅចំពោះមុខកំលាំងជំនាញ ក្រុមជនសង្ស័យ បាននិយាយសារភាពថា ពួកគេពិតជាបានរកស៊ីចែកចាយ គ្រឿងញៀនពិតប្រាកដមែន និងយូរមកហើយដែរ។
លោក ហួត បឿន នាយការិយាល័យប្រឆាំងការជួញដូគ្រឿងញៀនខេត្ត បានអោយដឹងថា ជនសង្ស័យ និងវត្ថុតាង ត្រូវបានកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការទៅតាមច្បាប់ នៅថ្ងៃទី១៨ ខែមេសា ឆ្នាំ២០២១៕ ដោយ៖ សេង សុធា
ចែករំលែកព័តមាននេះ