រាជធានីភ្នំពេញ ៖ នៅថ្ងៃទី៦រោជ ខែភទ្របទ ឆ្នាំមមែ សប្តស័ក ព.ស ២៥៥៩ ត្រូវនឹងថ្ងៃសៅរ៍ ទី៣ តុលា ២០១៥ ដែលប្រជាពលរដ្ឋកម្ពុជានៅទូទាំងប្រទេស បានប្រារព្ធពិធីកាន់បិណ្ឌ ហើយត្រូវបិណ្ឌទី៦របស់លោកឧកញ៉ា ថុង អ៊ុយប៉ាង និងលោកជំទាវយីន ផាន្នី ព្រមទាំងបុត្រ ក្រុមគ្រួសារ និងសហការីកាសែតកោះសន្តិភាពទាំងអស់ បានប្រារព្ធពិធីចូលកាន់បិណ្ឌវេនទី៦នៅវត្ត «មុន្នី ប្រសិទ្ធិវង្ស» សម្តេចព្រះឧត្តមវង្សា មួង រ៉ា ស្ថិតនៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
នៅក្នុងឱកាសប្រារព្ធពិធីកាន់បិណ្ឌវេនទី៦នេះ គឺមានការអញ្ជើញចូលរួមជាអធិបតីលោកឧកញ៉ា ថុង អ៊ុយប៉ាង និងលោកជំទាវ
យីន ផាន្នី ព្រមទាំងក្រុមគ្រួសារ សហការីកាសែតកោះសន្តិភាព ភ្ញៀវកិត្តិយស ពុទ្ធបរិស័ទចំណុះជើងវត្តយ៉ាងច្រើនកុះករ ។
លោកឧកញ៉ា ថុង អ៊ុយប៉ាង និងលោកជំទាវ យីន ផាន្នី ព្រមទាំងក្រុមគ្រួសារ បុត្រាបុត្រី សហការីបាននាំយកថវិកា គ្រឿងសម្ភារម្ហូបអាហារ ភេជ្ជៈគ្រប់មុខទៅវេរប្រគេនព្រះសង្ឃក្នុងវត្ត ដែលក្នុងនោះមានបច្ច័យសម្រាប់កសាងវត្តចំនួន៤លាន១សែន៦ម៉ឺនរៀល និងប្រាក់ដុល្លារ២ពាន់២រយ៧០ដុល្លារ ។ បន្ទាប់មក លោកឧកញ៉ា និងលោកជំទាវក៏បានឧបត្ថម្ភដល់លោកតាចារ្យ ដូនជីនូវទឹកប្រាក់ចំនួនផងដែរ ។
ចែករំលែកព័តមាននេះ