ខេត្តស្ទឹងត្រែង ៖ កម្លាំងជំនាញនៃការិយាល័យព្រហ្មទណ្ឌកម្រិតស្រាល ក្រោមការបញ្ជាពីលោកឧត្តមសេនីយ៍ត្រី ម៉ៅ តារា ស្នងការនគបាលខេត្តស្ទឹងត្រែង កាលពីវេលាទៀបភ្លឺថ្ងៃទី០៣ តុលា ២០១៥ នេះ បានធ្វើការចុះត្រួតពិនិត្យអាវុធជាតិផ្ទុះនៅកំណាត់ជាតិលេខ៧ ដើម្បីការពារសន្តិសុខ ក្នុងនោះត្រូវកម្លាំងឃាត់ខ្លួនជនសង្ស័យបានម្នាក់ ត្រង់ចំណុចគីឡូម៉ែត្រលេខ៨ ក្នុងភូមិរាជានុកូល សង្កាត់ស្ទឹងត្រែង ។
ប្រភពបានឱ្យដឹងថា ជនសង្ស័យឈ្មោះម៉េង សារ៉ាត់ ភេទប្រុស អាយុ៣១ឆ្នាំ មានទីលំនៅនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ព្រមទាំងដកហូតម៉ូតូ១គ្រឿង និងសោអក្សរតេ១ដើម ខណៈជននោះទើបធ្វើសកម្មភាពកាច់សោម៉ូតូបានសម្រេច ។
បច្ចុប្បន្ន កម្លាំងជំនាញបានកសាងសំណុំរឿងបញ្ជូនទៅសាលាដំបូងហើយ ។
ចែករំលែកព័តមាននេះ