ខេត្តបន្ទាយមានជ័យ ៖ លោកតាអាយុ៨៣ឆ្នាំ គ្មានប្រពន្ធ-កូន រស់នៅជាមួយចៅស្រីសតិមិនគ្រប់ម្នាក់ក្នុងខ្ទមដ៏តូចមួយប្រក់ស្បូវនិងស្លឹកត្នោត ស្ថិតនៅភូមិប៉ោយតាអុង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បានទទួលផ្ទះមួយខ្នងទំហំ៣ម៉ែត្រ គុណ៤ម៉ែត្រ ដែលជាអំណោយរបស់លោក កែ គឹមយ៉ាន តាមរយៈលោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយ
ខេត្តបន្ទាយមានជ័យ ៖ លោកតាអាយុ៨៣ឆ្នាំ គ្មានប្រពន្ធ-កូន រស់នៅជាមួយចៅស្រីសតិមិនគ្រប់ម្នាក់ក្នុងខ្ទមដ៏តូចមួយប្រក់ស្បូវនិងស្លឹកត្នោត ស្ថិតនៅភូមិប៉ោយតាអុង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បានទទួលផ្ទះមួយខ្នងទំហំ៣ម៉ែត្រ គុណ៤ម៉ែត្រ ដែលជាអំណោយរបស់លោក កែ គឹមយ៉ាន តាមរយៈលោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ ហើយនៅថ្ងៃទី៣០ កញ្ញា ២០១៥ នេះ ត្រូវបានកងកម្លាំងនគរបាលជួយធ្វើការសាងសង់ជូន ។
ពេលជួបជាមួយនិងអ្នកយកព័ត៌មានយើង លោកតាបានប្រាប់ថា គាត់ឈ្មោះឈិត មាឃ អាយុ៨៣ឆ្នាំ រស់នៅភូមិប៉ោយតាអុង ឃុំប៉ោយចារ ស្រុកភ្នំស្រុក ប្រពន្ធឈ្មោះ ឡុក តែបានស្លាប់នៅក្នុងរបបវាលពិឃាត នាសម័យ៣ឆ្នាំ៨ខែនិង២០ថ្ងៃ ហើយគាត់គ្មានកូនចៅនោះទេ ។ ចៅស្រីដែលនៅជាមួយនឹងលោកតាសព្វថ្ងៃនេះ គឺជាចៅដែលឪពុកម្តាយនាងជាប់សាច់ឈាមជាកូនក្មួយ តែនាងមិនសូវគ្រប់ទឹកនោះទេ ហើយសព្វថ្ងៃនេះ គឺរស់បានអាស្រ័យដោយកូនក្មួយ និងអ្នកជិតខាងគេជួយឧបត្ថម្ភ ដើម្បីរស់កំដរថ្ងៃស្លាប់ប៉ុណ្ណោះ ។
នាឱកាសនោះដែរ លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យបានជម្រាបជូនលោកតាថា ក្រោយពីទទួលបានព័ត៌មានពីការរស់នៅរបស់លោកតាជួបនូវបញ្ហាលំបាក រស់នៅក្នុងខ្ទមដ៏សែនកំសត់នោះ លោកឧបនាយករដ្ឋមន្ត្រីកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិ បានឧបត្ថម្ភផ្ទះមួយខ្នងជូនលោកតា មានទំហំ៣ម៉ែត្រ X ៤ម៉ែត្រ ធ្វើអំពីឈើប្រក់ស័ង្កសី ដើម្បីឱ្យលោកតារស់នៅបានសមរម្យ ក្នុងនោះដែរលោកក៏ឧបត្ថម្ភអង្ករចំនួន៥០គីឡូក្រាម និងថវិកាចំនួន១០ម៉ឺនរៀលផងដែរ។
នៅថ្ងៃដដែល លោកឧត្តមសេនីយ៍ត្រី អាត់ ខែម ស្នងការនគរបាលខេត្ត ក៏បាននាំយកថវិកា ដែលជាអំណោយរបស់ ឯកឧត្តម ឧបនាយករដ្ឋមន្ត្រីកែ គឹមយ៉ាន ចំនួន៣០ដុល្លារ ទៅឧបត្ថម្ភជូនដល់លោកស្រីឆេន សាលន់ អាយុ៥៣ឆ្នាំ ដែលស្វាមីរបស់គាត់ឈ្មោះអឿ ម៉ាន អាយុ៥៦ឆ្នាំ មេភូមិប៉ោយតាអុង ទទួលមរណភាពនោះផងដែរ ៕
ចែករំលែកព័តមាននេះ