ឆ្មាញីសម្បុរ៣ឈ្មោះ TAMA នៅខេត្តរ៉ាកាយ៉ាម៉ា ប្រទេសជប៉ុន ទើបតែអស់ជីវិតកាលពីពេល ថ្មីៗកន្លងមកនេះ ។ ឆ្មាញី TAMA មានឈ្មោះល្បីល្បាញដោយសារបានជួយឱ្យវិស័យទេសចរណ៍របស់មូលដ្ឋានអាចរកប្រាក់
ឆ្មាញីសម្បុរ៣ឈ្មោះ TAMA នៅខេត្តរ៉ាកាយ៉ាម៉ា ប្រទេសជប៉ុន ទើបតែអស់ជីវិតកាលពីពេល ថ្មីៗកន្លងមកនេះ ។ ឆ្មាញី TAMA មានឈ្មោះល្បីល្បាញដោយសារបានជួយឱ្យវិស័យទេសចរណ៍របស់មូលដ្ឋានអាចរកប្រាក់បានជិត៩លានដុល្លារអាមេរិកក្នុង មួយឆ្នាំៗ ។ ព្រោះតែដូច្នេះទើបកាលពីឆ្នាំ២០០៧ ឆ្មាញី TAMA បានទទួលឋានៈជាប្រធានស្ថានីយរថភ្លើង Kishi ជាមួយទឹកមុខគួរស្រទ្បាញ់ ដំណើរទន់ភ្លន់ រហ័សរហួន ពាក់មួកបុគ្គលិកផ្លូវដែក ដែលគេផលិតពិសេសសម្រាប់វា ។
នាងប្រធានស្ថានីយរថភ្លើងជើង៤រូបនេះ តែងអង្គុយត្រង់ទ្វារពិនិត្យសំបុត្រអ្នកដំណើរ ដើម្បីធ្វើគារវកិច្ចសម្តែងការគួរសមចំពោះអ្នកដំណើរដែលទ្បើងជិះរថភ្លើង រួចហើយជូនគេទៅកន្លែងអង្គុយ ។ ព្រោះតែចេះគ្រប់បែបយ៉ាងដូចមនុស្ស TAMA ត្រូវបានអ្នកទេសចរពេញចិត្តពេញថ្លើម នាំគ្នាទៅលេងមូលដ្ឋានដែលវារស់នៅកាន់តែ ច្រើនទ្បើងៗក្នុងបំណងតែម្យ៉ាងប៉ុណ្ណោះ គឺចង់ឃើញមុខវា ។ ពីមុននៅ Kishi ស្ងាត់អ្នកដំណើរពីក្រៅ តែតាំងពីមានវត្តមានរបស់ TAMA អ្នកដំណើរទៅពីក្រៅមានច្រើនកុះកររហូត ។ TAMA ក្រៅពីបានទទួលការបំពាក់ឋានៈជាប្រធានស្ថានីយរថភ្លើង Kishi ថែមទាំងបានទទួលនិមិត្តសញ្ញា «កិត្តិយសមួយជីវិត» ទៀត ។
ពេលឈានចូលវ័យ១៦ឆ្នាំ សុខភាព TAMA កាន់តែ ខ្សោយទៅៗ ហើយវាក៏អស់ជីវិត ។ សព TAMA ត្រូវបានបញ្ចុះក្នុងស្តូបមួយ ដែលគេសាងសង់ក្បែរស្ថានីយរថភ្លើង Kishi ដើម្បីឱ្យអ្នកពេញចិត្តពេញថ្លើមTAMA ងាយស្រួលទៅសម្តែងការនឹករលឹក និងស្រណេះអាល័យរបស់ខ្លួន ។ ពេលរៀបចំបុណ្យសព TAMA មនុស្សជាង៣០០០នាក់ចូលរួមយ៉ាងគគ្រឹកគគ្រេង ។ ក្នុងពិធីបុណ្យនោះ លើតុសម្រាប់ដោតធូបឱ្យ TAMA អ្នកចូលរួមយកផ្កា និងទៀនដាក់សែនពោរពាស ខ្លះសែនត្រីខ ប្រអប់ដែល TAMA កាលនៅរស់ចូលចិត្តស៊ីទៀតផង ៕
ចែករំលែកព័តមាននេះ