ខេត្តបន្ទាយមានជ័យ ៖ នគរបាលក្រុងប៉ោយប៉ែតបាននាំយកអំណោយរបស់លោកឧត្តមសេនីយ៍ អាត់ ខែម ស្នងការខេត្តចែកជូនសិស្សស្រីម្នាក់មិនបានប្រឡងឆ្នាំនេះដោយសារកើតជម្ងឺរបេងស្គមរីងរៃនៅមន្ទីរពេទ្យ
ខេត្តបន្ទាយមានជ័យ ៖ នគរបាលក្រុងប៉ោយប៉ែតបាននាំយកអំណោយរបស់លោកឧត្តមសេនីយ៍ អាត់ ខែម ស្នងការខេត្តចែកជូនសិស្សស្រីម្នាក់មិនបានប្រឡងឆ្នាំនេះដោយសារកើតជម្ងឺរបេងស្គមរីងរៃនៅមន្ទីរពេទ្យ។
ការនាំយកអំណោយចែកជូនសិស្សស្រីនេះធ្វើឡើងនៅម៉ោង១១ព្រឹក ថ្ងៃទី១ តុលា ២០១៥ នៅមន្ទីរពេទ្យបង្អែកក្រុងប៉ោយប៉ែត។
សិស្សស្រីកើតជម្ងឺរបេងខាងលើឈ្មោះទត ធីតា អាយុ២១ឆ្នាំ រៀនថ្នាក់ទី១២ នៅវិទ្យាល័យទួលប្រាសាទ ក្នុងភូមិទួលប្រាសាទ សង្កាត់ប៉ោយប៉ែត និងមានទីលំនៅភូមិចាន់គិរី សង្កាត់ប៉ោយប៉ែត។
សិស្សស្រីរូបនេះបានទទួលអំណោយរបស់លោកស្នងការខេត្តបន្ទាយមានជ័យតាមរយៈលោកអ៊ុំ សុផល អធិការនគរបាលក្រុងប៉ោយប៉ែតចំនួន២០ម៉ឺនរៀល និងអង្ក១ការុងស្មើ៥០គីឡូក្រាម។
ក្រៅពីសិស្សស្រីខាងលើ លោកសៅ សារឿន នាយផ្នែកនគរបាលចរាចណ៍សណ្តាប់ធ្នាប់សាធារណៈក្រុងក៌បានផ្តល់ថវិកាជូនអ្នកផ្ទុកមេរោគអេដស៍ និងរបេង៨នាក់ផ្សេងទៀតដែលកំពុងសម្រាកព្យាបាលជម្ងឺក្នុងមន្ទីរពេទ្យដដែលនះផងដែរ៕
ចែករំលែកព័តមាននេះ