កម្មអាក្រក់បីយ៉ាង ឬហៅថាទុច្ចរិតកម្មដូច្នេះក៏បាន មានបីយ៉ាងគឺ កាយទុច្ចរិត ប្រព្រឹត្តអាក្រក់តាមផ្លូវកាយ១, វចីទុច្ចរិត ប្រព្រឹត្តអាក្រក់តាមផ្លូវវាចា១ និងមនោទុច្ចរិត ប្រព្រឹត្តអាក្រក់តាមផ្លូវចិត្ត១ ។…
កម្មអាក្រក់បីយ៉ាង ឬហៅថាទុច្ចរិតកម្មដូច្នេះក៏បាន មានបីយ៉ាងគឺ កាយទុច្ចរិត ប្រព្រឹត្តអាក្រក់តាមផ្លូវកាយ១, វចីទុច្ចរិត ប្រព្រឹត្តអាក្រក់តាមផ្លូវវាចា១ និងមនោទុច្ចរិត ប្រព្រឹត្តអាក្រក់តាមផ្លូវចិត្ត១ ។
ទង្វើអាក្រក់តាមផ្លូវកាយ វាចា និងចិត្តនេះ បណ្តាលឲ្យកើតមានសេចក្តីទុក្ខសព្វប្រការនៅក្នុងចិត្ត តែប្រសិនបើយើងលាងជម្រះទង្វើកខ្វក់អាក្រក់នេះចេញចាកសន្តានយើងបាន សេចក្តីទុក្ខក៏អស់ទៅដែរ ។ របៀបនៃការលាងជម្រះទុច្ចរិតទាំងបីនេះគឺ តាមផ្លូវកាយនិងវាចាត្រូវលាងសម្អាតដោយសីល លាងសម្អាតទង្វើអាក្រក់តាមផ្លូវចិត្តបានដោយការសម្រួមឥន្ទ្រិយ សតិសម្បជញ្ញៈ និងសមាធិ លាងសម្អាតទង្វើកខ្វក់នៃសន្តានឆោតល្ងង់បានដោយបញ្ញា ។
ពេលនោះយើងក៏ស្អាតបរិសុទ្ធរួចផុតចាកទង្វើកខ្វក់អាក្រក់ផ្សេងៗ សល់តែកាយវាចាចិត្តដែលស្អាត បន្ទាប់ពីនោះ សេចក្តីសុខដ៏បរិសុទ្ធមិនប្រែប្រួលក៏កើតឡើងឯង ។ បុគ្គលបែបនេះទើបព្រះមានព្រះភាគពោលថា ជាមនុស្សមានសេចក្តីសុខពេញលេញដោយបរិបូណ៌ ៕ សាន សារិន
ចែករំលែកព័តមាននេះ