ភ្នំពេញ៖ នៅយប់ថ្ងៃទី១១ ខែមេសានេះ រដ្ឋបាលរាជធានីភ្នំពេញ បានប្រកាសអត្តសញ្ញាណ​​អ្នកជំងឺកូវីដ១៩ ចំនួន ១៣នាក់ ដែល​ធ្វើតេស្ត ចេញលទ្ធផល​កើតកូវីដ១៩ហើយ តែដាក់អាសយដ្ឋាន​ និងលេខទូរស័ព្ទ​មិនត្រឹមត្រូវ នាំ​ឲ្យពេទ្យរកមិនញឃើញ​។​

សេចក្ដីជូនដំណឹងរបស់រដ្ឋបាលរាជធានីភ្នំពេញ បង្ហាញថា នៅថ្ងៃទី០៩ ខែមេសា ឆ្នាំ២០២១ ករណីវិជ្ជមានកូវីដ-១៩ ចំនួន ១៣រូប ដែលជាករណីឆ្លងក្នុងសហគមន៍ ក្រុមគ្រូពេទ្យពុំទាន់រកទីតាំងឃើញ ព្រោះពួកគាត់ ពុំបានផ្ដល់នូវព័ត៌មានលម្អិត ដូចជា​លេខទូរស័ព្ទ និងអាសយដ្ឋានពិតប្រាកដ។ អ្នកទាំងនោះ ជាអាជីវករផ្សារអូរឫស្សី និងជា​កម្មកររោងចក្រកាត់ដេរ ឌីន ហាន​។ អ្នកទាំង ១៣ នាក់ គឺជាអ្នកជំងឹចំនួន៥៦នាក់ ក្នុងសហគមន៍ដែលពុំបានដាក់អាស័យដ្ឋានច្បាស់លាស់​ តែអាជ្ញាធរបានស្រាវជ្រាវរកជាបន្តបន្ទាប់ រហូតនៅសល់ ១៣នាក់នេះ ។

រដ្ឋបាលរាជធានីភ្នំពេញ បានប្រកាស​អំពាវនាវ​ដល់សាច់ញាតិ ឬអ្នកដែលស្គាល់អ្នកជំងឺខាងក្រោម សូមជូនដំណឹង​ដល់ពួកគាត់អោយទៅទទួលការព្យាបាល។