ខេត្តស្វាយរៀង ៖ នៅព្រឹកថ្ងៃទី១១ មេសា ឆ្នាំ២០២១ នេះ បន្ទាប់ពីក្រសួងសុខាភិបាលបានបញ្ជាក់ថា ស្ត្រីចំណាស់មួយរូបនៅខេត្តស្វាយរៀង បានបាត់បង់ជីវិតដោយសារជំងឺកូវីដ១៩ រដ្ឋបាលខេត្តស្វាយរៀងបានសម្តែងក្តីសោកស្ដាយជាពន់ពេក…
ខេត្តស្វាយរៀង ៖ នៅព្រឹកថ្ងៃទី១១ មេសា ឆ្នាំ២០២១ នេះ បន្ទាប់ពីក្រសួងសុខាភិបាលបានបញ្ជាក់ថា ស្ត្រីចំណាស់មួយរូបនៅខេត្តស្វាយរៀង បានបាត់បង់ជីវិតដោយសារជំងឺកូវីដ១៩ រដ្ឋបាលខេត្តស្វាយរៀងបានសម្តែងក្តីសោកស្ដាយជាពន់ពេក និងសូមចូលរួមរំលែកនូវមរណទុក្ខដ៏ក្រៀមក្រំជាមួយគ្រួសារស.ព ចំពោះការបាត់បង់សាច់ញាតិជាទីស្រឡាញ់ ។
យោងតាមក្រសួងសុខាភិបាលបានឱ្យដឹងថា ស្ត្រីជនជាតិខ្មែរមួយរូប អាយុ៧២ឆ្នាំ រស់នៅភូមិប្រសប់លាក់ សង្កាត់បាទី ក្រុងបាវិត ខេត្តស្វាយរៀង បានស្លា.ប់បាត់បង់ជីវិតដោយសារជំងឺកូវីដ-១៩ កាលពីវេលាម៉ោង៣និង៣០នាទីរសៀលថ្ងៃទី១០ ខែមេសា ឆ្នាំ២០២១ ។
ក្រសួងបានបន្តថា អ្នកជំងឺមួយរូបខាងលើត្រូវបានរកឃើញវិជ្ជមានកូវីដ-១៩ កាលពីថ្ងៃទី៤ ខែមេសា ឆ្នាំ២០២១ ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកស្វាយជ្រុំ ខេត្តស្វាយរៀង ប៉ុន្តែដោយសារស្ថានភាពជំងឺមានរលាកសួតធ្ងន់ធ្ងរ និងមានជំងឺទឹកនោមផ្អែមរ៉ាំរៃប្រចាំកាយ ទើបតម្រូវឲ្យក្រុមគ្រូពេទ្យប្រើប្រាស់ម៉ាស៊ីនជំនួយដកដង្ហើមតាំងពីថ្ងៃដំបូងដែលចូលសម្រាកព្យាបាលក្នុងមន្ទីរពេទ្យ ទោះបីក្រុមគ្រូពេទ្យបានខិតខំជួយសង្គ្រោះតាមបច្ចេកទេសយ៉ាងណាក៏ដោយ ក៏មិនអាចជួយអ្នកជំងឺរូបនេះបានឡើយ ហើយស្ថានភាពអ្នកជំងឺកាន់តែធ្ងន់ធ្ងរទៅៗ ដែលបណ្តាលឲ្យអ្នកជំងឺបានស្លា.ប់បាត់បង់ជីវិតនៅថ្ងៃទី១០ ខែមេសា ឆ្នាំ២០២១ វេលាម៉ោង៣និង៣០នាទីរសៀល ។
ក្រសួងបានគូសបញ្ជាក់ថា តាមការសន្និដ្ឋានរបស់ក្រុមគ្រូពេទ្យ គឺស្ត្រីជនជាតិខ្មែរ អាយុ៧២ឆ្នាំ មួយរូបខាងលើនេះ បានស្លា.ប់បាត់បង់ជីវិតដោយសារខ្សោយសួតធ្ងន់ធ្ងរ និងរលាកសួតទាំងសងខាង ដោយសារវីរុសកូវីដ-១៩។
ជាមួយគ្នានោះដែរ ក្រសួងសុខាភិបាលបានសម្តែងក្តីសោកស្តាយជាពន់ពេក និងសូមចូលរួមរំលែកទុក្ខយ៉ាងក្រៀមជាមួយក្រុមគ្រួសារស.ពផងដែរ ៕
ចែករំលែកព័តមាននេះ