នៅក្នុងខ្លឹមសារអភិណ្ហប្បច្ចវេក្ខិតព្វដ្ឋានសូត្របានពន្យល់ថា ធម៌ទាំងឡាយ៥ប្រការ ដែលស្ត្រីក្តី បុរសក្តី គ្រហស្ថក្តី បព្វជិតក្តី គប្បីពិចារណារឿយៗ ព្រោះជាធម៌មានន័យជ្រៅទៅដោយខ្លឹមសារបញ្ហាជីវិត ដើម្បីកាត់បន្ថយការភ័យខ្លាចតក់ស្លុតរន្ធត់ចិត្តចំពោះជីវិតដែលជុំជិតទៅដោយជំងឺសកលដែលកំពុងរាតត្បាតឥតស្រាកស្រាន្តដូចសព្វថ្ងៃនេះ ។ ធម៌៥យ៉ាងនោះគឺ:
១- ជរា សេចក្តីចាស់គ្រាំគ្រា ។
២- ព្យាធិ ការឈឺថ្កាត់ ។
៣- មរណៈ គឺសេចក្តីស្លា.ប់ ។
៤- សេចក្តីព្រាត់ប្រាសនិរាសចាកសត្វនិងសង្ខារជាទីស្រឡាញ់ពេញចិត្ត ។
៥- មនុស្ស-សត្វ គ្រប់រូបមានកម្មជារបស់ខ្លួន ជាអ្នកឱ្យផល ជាកំណើត ជាផៅពង្ស ជាទីពំនាក់អាស្រ័យ ។ ទោះបីជា បុគ្គលសាងកម្មល្អក្តី អាក្រក់ក្តី បុគ្គលអ្នកសាងនោះរមែងជាអ្នកទទួលនូវផលនៃកម្មនោះពុំខានឡើយ ។
ហេតុនេះសូមសាធុជនសាងតែសេចក្តីល្អ ឈរលើសុចរិតធម៌ជានិច្ច ព្រោះជីវិតមនុស្សយើងសព្វថ្ងៃ ជាជីវិតប្រឈមនឹងហានិភ័យច្រើនប្រៀបបាននឹងកំពុងឈរនៅមាត់ជ្រោះព្រោះជំងឺសកលកំពុងតែរាតត្បាតនោះឯង ៕ សាន សារិន
ចែករំលែកព័តមាននេះ