ខេត្តក្រចេះ ៖ បើតាមសេចក្តីរាយការណ៍បានឱ្យដឹងថា ស្ត្រីវ័យ៥០ឆ្នាំម្នាក់បានស្លា.ប់ ដោយសារផឹកថ្នាំកណ្តុរច្រឡំថាជាស្រា បង្កឱ្យមានការភ្ញាក់ផ្អើលកាលពីព្រឹកថ្ងៃទី១០ ខែមេសា ឆ្នាំ២០២១ ស្ថិតនៅស្រុកសំបូរ។ លោក…
ខេត្តក្រចេះ ៖ បើតាមសេចក្តីរាយការណ៍បានឱ្យដឹងថា ស្ត្រីវ័យ៥០ឆ្នាំម្នាក់បានស្លា.ប់ ដោយសារផឹកថ្នាំកណ្តុរច្រឡំថាជាស្រា បង្កឱ្យមានការភ្ញាក់ផ្អើលកាលពីព្រឹកថ្ងៃទី១០ ខែមេសា ឆ្នាំ២០២១ ស្ថិតនៅស្រុកសំបូរ។
លោក ជ្រិន សុធា អធិការនគរបាលស្រុកសំបូរ បានឲ្យដឹងថា ៖ ករណីពុលថ្នាំកណ្តុរនេះ បានកើតឡើងនៅចំណុចអូរស្ទឹងឆ្លាំង ស្ថិតក្នុងភូមិវឌ្ឍនះ ឃុំវឌ្ឍនះ ស្រុកសំបូរ ខេត្ដក្រចេះ ដោយជនរងគ្រោះ មានឈ្មោះ ហួត ជីម ភេទស្រី អាយុ៥០ឆ្នាំ ជាជនជាតិខ្មែរ មានទីលំនៅចំណុចកើតហេតុខាងលើ បានច្រឡំយកដបថ្នាំកណ្តុរ ស្មានតែជាដបស្រា រួចក៏យកមកចាក់ផឹក បណ្តាលឲ្យពុលស្លា.ប់តែម្តង។ ហើយចំពោះមូលហេតុ គឺដោយសារតែជនរងគ្រោះជាមនុស្សផឹកស្រាស្រវឹងជាប្រចាំថ្ងៃ។
លោកអធិការបញ្ជាក់ថា៖ ក្រោយពីសមត្ថកិច្ចទទួលព័ត៌មានបានភ្លាមៗ ក៏បានចាត់កម្លាំងប៉ុស្តិ៍ឃុំវឌ្ឍនះចុះទៅពិនិត្យដល់កន្លែងកើតហេតុ និងពិនិត្យលើសាកស.ពជនរងគ្រោះឃើញថា ពិតជាបានស្លា.ប់ដោយសារយកថ្នាំកណ្តុរផឹកពិតប្រាកដមែន។ បន្ទាប់មកសាកស.ពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារធ្វើបុណ្យតាមប្រពៃណី។
ចែករំលែកព័តមាននេះ