ឪពុកម្តាយគ្រប់រូបគប្បីបង្ហាត់បង្រៀន បណ្តុះការអប់រំដល់កូនឱ្យមានភាពឆ្លាតវៃ មានឥរិយាបថល្អ ស្មោះសទៀងត្រង់ និងមានភាពជាមនុស្សធម៌ ។ ខាងក្រោមនេះជាគន្លឹះសំខាន់៧ចំណុចអាចជួយឱ្យក្មេងឈរនឹងនៅក្នុងសង្គម ។ ១-ឪពុកម្តាយមិនត្រូវបណ្តោយកូនតាមតែចិត្តចង់នោះទេ ពិសេសការញ៉ាំមិនមែនជារឿងលេងសើចនោះទេ…
ឪពុកម្តាយគ្រប់រូបគប្បីបង្ហាត់បង្រៀន បណ្តុះការអប់រំដល់កូនឱ្យមានភាពឆ្លាតវៃ មានឥរិយាបថល្អ ស្មោះសទៀងត្រង់ និងមានភាពជាមនុស្សធម៌ ។ ខាងក្រោមនេះជាគន្លឹះសំខាន់៧ចំណុចអាចជួយឱ្យក្មេងឈរនឹងនៅក្នុងសង្គម ។
១-ឪពុកម្តាយមិនត្រូវបណ្តោយកូនតាមតែចិត្តចង់នោះទេ ពិសេសការញ៉ាំមិនមែនជារឿងលេងសើចនោះទេ ត្រូវញ៉ាំទៀងទាត់ពេលរាល់ថ្ងៃ។
២-បង្រៀនកូនឲ្យចេះគោរព សុភាពរាបសា និងវៃឆ្លាត ហើយត្រូវឱ្យកុមារសម្រេចចិត្តដោយខ្លួនឯងនូវបញ្ហារបស់ខ្លួន ។
៣-បង្រៀនកូនឲ្យមានចិត្តស្មោះត្រង់ ប្រកាន់យកភាពពិត ចំណែកឪពុកម្តាយមិននិយាយកុហកដាច់ខាត ។
៤-ពេលកុមារឈានចូលអាយុ៥ឆ្នាំ គួរបង្រៀនពីរបៀបចាយប្រាក់ ។ ឱ្យលុយកូនរាល់ថ្ងៃតែមានកំណត់ជានិច្ច ។
៥-ត្រូវបង្រៀនកូនឲ្យចេះក្លាហាន ទទួលតួនាទីរបស់ខ្លួន បង្រៀនក្មេងឱ្យចេះរង់ចាំ បង្រៀនអំពីអត្ថន័យនៃមនុស្សធម៌ ។ ត្រូវតែបង្រៀនកុមារពីជីវិតបើកចិត្តឱ្យទូលាយ ចេះឱ្យរបស់ទ្រព្យដល់គេខ្លះផង និងចេះពីរបៀបទទួលជំនួយពីគេ ហើយបង្រៀនកូនឲ្យចេះពីរបៀបនិយាយស្ដីមានសុជីវធម៌ ។
៦-ត្រូវបង្រៀនឱ្យកុមារយល់ថា ការបរាជ័យគឺជារឿងធម្មតា ដួលគឺត្រូវក្រោកឈរ មិនចាំបាច់ឱ្យអ្នកដទៃអាណិតអាសូរទេ ។
៧-ផ្តល់ឱកាសដល់កុមារ ស្វែងយល់ពីខ្លួនឯង រួចស្វែងយល់ពីពិភពលោកនៅជុំវិញ ។ នោះពិតជាការចាំបាច់ណាស់ ។
ទោះជារវល់យ៉ាងណា ឪពុកម្តាយគ្រប់រូបគួរឆ្លៀតឱកាសលេងជាមួយកូន ព្រោះការលេងនឹងធ្វើឱ្យក្មេងសើចសប្បាយ សំណើចពិតជាសំខាន់ណាស់ គឺជួយឱ្យក្មេងឈរនឹងនៅក្នុងសង្គមបាន ៕ សាន សារិន
ចែករំលែកព័តមាននេះ