ខេត្តសៀមរាប ៖ នាថ្ងៃទី៩ ខែមេសា ឆ្នាំ២០២១ លោក ទៀ សីហា អភិបាលនៃគណៈអភិបាលខេត្តបានចុះពិនិត្យការធ្វើចត្តាឡីស័កនៅតាមមណ្ឌល និងពិនិត្យសកម្មភាពក្រុមការងារចម្រុះបិទការចេញ-ចូលចេញនៅតាមព្រំប្រទល់រវាងខេត្តសៀមរាបជាមួយនឹងខេត្តជុំវិញ ។
ជាមួយនឹងការចុះពិនិត្យនេះ លោកបានយល់ពីការហត់នឿយរបស់មន្ត្រីពាក់ព័ន្ធដែលចេញប្រតិបត្តិការតាំងពីព្រឹកទល់យប់រៀងរាល់ថ្ងៃ ដើម្បីព្យាបាលមើលថែរក្សាការពារសុវត្ថិភាពជូនបងប្អូនប្រជាពលរដ្ឋយើង ។
ក្នុងឱកាសនេះដែរ លោកអភិបាលខេត្តបានអំពាវនាវឱ្យបន្តចូលរួមអនុវត្តវិធានការសុខាភិបាល ប្រឆាំងនឹងជំងឺកូវីដ-១៩ទាំងអស់គ្នាដើម្បីការពារខ្លួនឯង និងក្រុមគ្រួសារព្រមទាំងសហគមន៍យើង ។
ទន្ទឹមនឹងនេះ លោកអភិបាលខេត្តក៏បានធ្វើការលើកទឹកចិត្តដល់ កងកម្លាំង និងក្រុមការងារសុខាភិបាលទាំងអស់ដែលបានយក ចិត្តទុកដាក់អនុវត្តគោលការណ៍នានារបស់រាជរដ្ឋាភិបាល បទ បញ្ជាគណៈបញ្ជាការឯកភាពរដ្ឋបាលខេត្ត និងសកម្មភាពតាមដាននិងស្វែងរកអ្នកពាក់ព័ន្ធផងដែរ ។
ត្រូវអនុវត្ត៣ការពារ: ត្រូវពាក់ម៉ាស់, ត្រូវលាងដៃ, ត្រូវគម្លាតបុគ្គល ។ ៣កុំ: កុំនៅបន្ទប់បិទជិត, កុំនៅកន្លែងកុះករ, កុំនៅប៉ះពាល់គ្នា។ ការពារខ្លួនឯងស្មើនឹងការពារក្រុមគ្រួសាររបស់លោកអ្នក ៕
ចែករំលែកព័តមាននេះ