ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើង នៅវេលាម៉ោង6:00 ព្រឹក ថ្ងៃទី8 ខែមេសា ឆ្នាំ2021 ដោយសារគេបានប្រទះឃើញស្ត្រីម្នាក់បានស្លាប់ផ្កាប់មុខ នៅក្នុងផើងផ្កា…
ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើង នៅវេលាម៉ោង6:00 ព្រឹក ថ្ងៃទី8 ខែមេសា ឆ្នាំ2021 ដោយសារគេបានប្រទះឃើញស្ត្រីម្នាក់បានស្លាប់ផ្កាប់មុខ នៅក្នុងផើងផ្កា ស្ថិតនៅភូមិស្រាងខ្ពស់ ឃុំពង្រ ស្រុករលាប្អៀរ ។
តាមការបញ្ជាក់របស់សមត្ថកិច្ចនគរបាលមូលដ្ឋានបានឲ្យដឹងថា ស្ត្រីដែលបានស្លាប់ខាងលើមានឈ្មោះ ធុន សាម៉ន អាយុ៤៨ឆ្នាំមានប្តីឈ្មោះ សិន រ៉េត អាយុ69 ឆ្នាំ ។
ប្រភពដដែលបានបន្តថា កាលពីយប់ថ្ងៃទី7 ខែមេសា ស្ត្រីរងគ្រោះដេកនៅខាងមុខផ្ទះ ចំណែកប្ដីដេកនៅខាងក្រោយផ្ទះ ។ លុះព្រឹកឡើង ថ្ងៃទី8 ខែមេសា ប្ដីបើកទ្វារផ្ទះបាត់ប្រពន្ធមិនឃើញងាកទៅជ្រុងខាងលិចផ្ទះ បានប្រទះឃើញប្រពន្ធដេកស្លាប់ផ្កាប់មុខក្នុងផើងផ្កាដក់ទឹកបាត់ទៅហើយ និងបានរាយការណ៍ជូនសមត្ថកិច្ចនគរបាល ។
បន្ទាប់មក សមត្ថកិច្ចក៏បានចុះធ្វើកោសល្យវិច្ច័យ និងបានសន្និដ្ឋានថាស្រីខាងលើប្រហែលជាខ្យល់គដួលក្នុងផើងមានទឹក បណ្តាលឱ្យស្លាប់នៅក្នុងផើងផ្កាមានទឹក ។
ប៉ុន្តែបើតាមប្រជាពលរដ្ឋបានឱ្យដឹងថា ស្រីខាងលើជាមនុស្សញៀនស្រាផឹករាល់ថ្ងៃ សង្ស័យស្រវឹងខ្លាំងដើរទៅដួលផ្កាប់មុខហើយពុំមាននរណាដឹងទើបបណ្ដាលឲ្យលង់ទឹកស្លាប់ ។ សពស្ត្រីរងគ្រោះត្រូវបានប្រគល់ឲ្យទៅក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ