ADផ្ទាំងផ្សព្វផ្សាយពាណិជ្ជកម្ម

Picture

រសៀលនេះ! ស្ថានភាពចរាចរណ៍​លើ​​ស្ពាន​ព្រះ​មុន្នី​វង្ស​ចាស់កកស្ទះ​ ក្រោយបិទ ​ដើម្បី​ជួសជុល​

2 ឆ្នាំ មុន
  • ភ្នំពេញ

រាជធានី​ភ្នំពេញ ៖ គិត​ត្រឹម​តាំងពី​វេលា​ព្រឹក​ថ្ងៃ​ទី​៨ ខែមេសា ឆ្នាំ​២០២១ ដល់​វេលា​សៀ​ល​ថ្ងៃខែ​ដដែល ស្ថានភាព​ចរាចរណ៍​ធ្វើ​ដំណើរ​ដែល​ត្រូវ​ឆ្លងកាត់​ស្ពាន​ព្រះ​មុន្នី​វង្ស គឺ​ហាក់​មាន​សភាព​កកស្ទះ​ខ្លាំង​គួរសម ពិសេស​នៅ​តាម​បណ្តោយ​ផ្លូវជាតិ​លេខ​១ ត្រើយ​ខាងកើត​ស្ពាន…

រាជធានី​ភ្នំពេញ ៖ គិត​ត្រឹម​តាំងពី​វេលា​ព្រឹក​ថ្ងៃ​ទី​៨ ខែមេសា ឆ្នាំ​២០២១ ដល់​វេលា​សៀ​ល​ថ្ងៃខែ​ដដែល ស្ថានភាព​ចរាចរណ៍​ធ្វើ​ដំណើរ​ដែល​ត្រូវ​ឆ្លងកាត់​ស្ពាន​ព្រះ​មុន្នី​វង្ស គឺ​ហាក់​មាន​សភាព​កកស្ទះ​ខ្លាំង​គួរសម ពិសេស​នៅ​តាម​បណ្តោយ​ផ្លូវជាតិ​លេខ​១ ត្រើយ​ខាងកើត​ស្ពាន ស្ថិត​ក្នុង​ខណ្ឌ​ច្បារ​អំពៅ និង​ចំណុច​ច្រមុះជ្រូក​ក្បាលថ្នល់ ស្ថិត​ក្នុង​ខណ្ឌមានជ័យ ព្រុំប្រទល់​គ្នា​ជាមួយ​ខណ្ឌចំការមន ជាដើម ។

ចំពោះ​មូលហេតុ នៃ​ការ​កកស្ទះ​ចរាចរណ៍ គឺ​ដោយសារ​អាជ្ញាធរ​រាជធានី​ភ្នំពេញ បាន​បិទ​ការ​ធ្វើ​ដំណើរ​ឆ្លងកាត់​ស្ពាន​ព្រះ​មុន្នី​វង្ស​ចាស់​ទាំងស្រុង ដើម្បី​ធ្វើការ​ជួសជុល​កម្រាល​ស្ពាន ដោយ​ត្រូវ​កាយ​បក​កៅស៊ូ​ចាស់​ចេញ ។

ទន្ទឹម​នឹង​ការ​បិទ​ចរាចរណ៍​ធ្វើ​ដំណើរ​ឆ្លងកាត់​ស្ពាន​ព្រះ​មុន្នី​វង្ស​ចាស់​ខាងលើ រដ្ឋបាល​រដ្ឋបាល​រាជធានី​ភ្នំពេញ កាលពី​ល្ងាច​ថ្ងៃ​ទី​៧ ខែមេសា ឆ្នាំ​២០២១ ក៏​បាន​ចេញ​នូវ​សេចក្តីជូនដំណឹង​អំពី​ការ​ពង្វាង​ចរាចរណ៍​នៅ​ចំណុច​ស្ពាន​ព្រះ​មុន្នី​វង្ស​ចាស់​ផង​ដែរ ដើម្បី​ធ្វើការ​ជួសជុល​កម្រាល​កៅស៊ូ​លើ​ស្ពាន ។ ដំណើរការ​ជួសជុល​នោះ គឺ​ត្រូវ​ប្រើ​ពេលវេលា​រយះ​ពេល ៣​ថ្ងៃ គិត​ចាប់ពី​វេលា​ម៉ោង​៨​ព្រឹក​ថ្ងៃ​ទី​៨ ដល់​ថ្ងៃ​ទី​១០ ខែមេសា ទើប​បញ្ចប់​ការ​ជួសជុល ហើយនឹង​បើក​អោយ​បងប្អូន​ពលរដ្ឋ​ចរាចរណ៍​ឆ្លងកាត់​ធម្មតា​វិញ​ផង​ដែរ ។

ជាក់ស្តែង ការ​បិទ​ចរាចរណ៍​ឆ្លងកាត់​ស្ពាន​ព្រះ​មុន្នី​វង្ស​ចាស់​ខាងលើ គេ​ស​ង្គេ​ត​ឃើញ កម្លាំង​អាជ្ញាធរ​មូលដ្ឋាន មាន​ប្រជា​ការពារ និង​នគរបាល​ចរាចរណ៍ ក៏​បាន​ឈរ​នៅ​លើ​ដងផ្លូវ​ដើម្បី​សម្រួល​ចរាចរណ៍​ធ្វើ​ដំណើរ​ផង​ដែរ ដោយ​បងប្អូន​អ្នកដំណើរ​ត្រូវធ្វើ​ដំណើរ​ទាំង​ទៅ​ទាំង​មក ត្រូវ​ឆ្លងកាត់​ស្ពាន​ព្រះ​មុន្នី​វង្ស​ថ្មី រួម​គ្នា ៕

អត្ថបទសរសេរ ដោយ

កែសម្រួលដោយ