រាជធានីភ្នំពេញ ៖ ផ្អែកតាមរបាយការណ៍របស់រដ្ឋបាលខណ្ឌមានជ័យអោយដឹងថា ៖ សម្រាប់ភូមិសាស្ត្រខណ្ឌមានជ័យ នៅថ្ងៃទី០៧ ខែមេសា ឆ្នាំ២០២១ មានអ្នកវិជ្ជមានកូវីដ១៩ សរុបចំនួន២៣នាក់…
រាជធានីភ្នំពេញ ៖ ផ្អែកតាមរបាយការណ៍របស់រដ្ឋបាលខណ្ឌមានជ័យអោយដឹងថា ៖ សម្រាប់ភូមិសាស្ត្រខណ្ឌមានជ័យ នៅថ្ងៃទី០៧ ខែមេសា ឆ្នាំ២០២១ មានអ្នកវិជ្ជមានកូវីដ១៩ សរុបចំនួន២៣នាក់ ។
អ្នកវិជ្ជមានកូវីដ១៩ ទាំង២៣នាក់ ត្រូវបានក្រុមគ្រូពេទ្យបញ្ចូនទៅកាន់មន្ទីរពេទ្យ « ហ្លួងម៉ែ » ស្ថិតក្នុងខណ្ឌដង្កោ និងសណ្ឋាគារ The Great Duke ស្ថិតក្នុងខណ្ឌបឹងកេងកង ដើម្បីធ្វើការព្យាបាល ។ ចំពោះលំនៅឋានរបស់ពួកគេហ៊ុំព័ទ្ធខ្សែបិទជាបណ្តោះអាសន្ន ប៉ុន្តែទន្ទឹមនឹងនោះក្នុងករណីបើក្នុងផ្ទះមានសមាជិករស់នៅជាមួយ គឺតម្រូវអោយធ្វើចត្តាឡីស័កនៅក្នុងផ្ទះទាំងអស់ ដើម្បីរងចាំក្រុមគ្រូពេទ្យធ្វើការយកសំណាកតេស្តិ៍រកមេរោគកូវីដ១៩ ។
ដោយឡែកចំពោះផ្ទះណាដែលគ្មានមនុស្សនៅ ពោលមានតែអ្នកជម្ងឺរស់នៅម្នាក់ឯង គឺត្រូវបានចាក់សោឃ្លុំប៉េបណ្តោះអាសន្ន ដោយពុំមានកម្លាំងអាជ្ញាធរយាមកាមឡើយ ។
គួរបញ្ជាក់ថា សម្រាប់ភូមិសាស្ត្រខណ្ឌមានជ័យ គិតចាប់តាំងពីព្រិត្តិការណ៍សហគមន៍២០ កុម្ភៈ រហូតមកទល់នឹងថ្ងៃទី០៧ ខែមេសា ឆ្នាំ២០២១ មានអ្នកកើតជម្ងឺកូវីដ១៩សរុប ១៦០នាក់ហើយ ដោយមានជនបរទេស០៧នាក់ ក្នុងនោះដែរ អ្នកជម្ងឺ០២នាក់ ( ស្រីម្នាក់ ) បានជាសះ និងអ្នកជម្ងឺ០៦នាក់ ( ស្រីម្នាក់ ) បានស្លាប់ ។
ដោយឡែក សម្រាប់ទីតាំងចត្តាឡីស័ក គិតត្រឹមថ្ងៃ០៧ គឺមាន៩១ទីតាំង ដោយក្នុងនោះ ៣៦ទីតាំង បានបើកអោយដំណើរការវិញ , ០៨ទីតាំងត្រូវឡុកដោន ( ផ្ទះដែលមានអ្នកកើតជម្ងឺ ប៉ុន្តែត្រូវបានចាក់សោ គ្មានអ្នកយាម ) ដូច្នេះហើយនៅសល់តែ៤៧ទីតាំងប៉ុណ្ណោះ ដែលកំពុងជាប់ធ្វើចត្តាឡីស័ក ( មានអ្នកជាប់ចត្តាឡីស័កសរុប៥០៣នាក់ បរទេស៦៩នាក់ ) ដោយមានកងកម្លាំងសាធារៈចូលរួមការពារសន្តិសុខតាមគោលដៅនីមួយៗផងដែរ ៕
ចែករំលែកព័តមាននេះ