ខេត្តកណ្តាល ៖ កំលាំងផ្នែកប្រឆាំងបទល្មើសគ្រឿងញៀ.នស្រុកស្អាងសហការជាមួយកម្លាំងប៉ុស្តិ៍នគរបាលរដ្ឋបាលស្អាងភ្នំ ធ្វើការឃាត់ខ្លួនជនសង្ស័យពីនាក់ កំពុងដឹកយកគ្រឿងញៀ.នទៅជក់ក្នុងផ្ទះសំណាក់យីហោ ស្វាយតានី ៦១១ ជាមួយនឹងមនុស្សស្រី ប្រុស៧នាក់ទៀតផ្សេងទៀត ដែលដេកចាំរួចជាស្រេច ។ បន្ទាប់ពីធ្វើការឃាត់ខ្លួន សាកសួររួច មនុស្សប្រុសស្រី៧នាក់ មិនមានសារធាតុញៀ.ន ទើបសមត្ថកិច្ចអនុញ្ញាត្តិអោយវិលត្រឡប់ទៅផ្ទះវិញ ។
ហេតុការណ៌ខាងលើនេះបានកើតឡើងកាលពីវេលាម៉ោង១០និង២០នាទីព្រឹកថ្ងៃទី៦ ខែមេសា ឆ្នាំ២០២១ នៅចំណុចភូមិវាល ឃុំស្អាង ស្រុកស្អាង ខេត្តកណ្តាល ។
ជនសង្ស័យទី១-ឈ្មោះ ឆេង សុខឡាយ ភេទប្រុស អាយុ១៦ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ កំពង់ទ្រា ឃុំស្អាងភ្នំ ស្រុកស្អាង ខេត្ត កណ្តាល (ធ្លាប់ជាប់ពន្ធធានាគារយះពេល១ខែ ពីបទជួញដូរ ដោយខុសច្បាប់នូវសារធាតុញៀ.ន ។ ទី២-ឈ្មោះទូច អ៊ីតាន់ ភេទប្រុស អាយុ១៨ឆ្នាំ មុខរបរ មិនពិតប្រាកដ នៅភូមិកំពង់ទ្រា ឃុំស្អាងភ្នំ ស្រុកស្អាង ខេត្តកណ្តាល។
វត្ថុតាងចាប់យករួមមាន ម្សៅក្រាម ពណ៌សថ្លា សង្ស័យជាគ្រឿងញៀ.ន (ម៉ាទឹកកក) ចំនួន៤កញ្ចប់តូច ។ ម៉ូតូចំនួន១គ្រឿងម៉ាក BeAT ពណ៌សលាយខៀវ ពាក់ស្លាកលេខ កណ្តាល 1AG6468 ទូសព្ឌ័ចំនួន១គ្រឿង ម៉ាកអិនចុចពិល ពណ៌ខ្មៅ ។
សមត្ថកិច្ចស្រុកស្អាងបានអោយដឹងថា កំលាំងផ្នែកប្រឆាំងបទល្មើសគ្រឿងញៀ.នស្រុកស្អាងសហការជាមួយ កម្លាំងប៉ុស្តិ៍នគរបាលរដ្ឋបាលស្អាងភ្នំបានធ្វើការចេញល្បាតការពារសន្តិសុខជូនប្រជាពលរដ្ឋក្នុងមូលដ្ឋាន ដល់ចំណុចកើតហេតុ ប្រទះឃើញជនសង្ស័យទាំងពីរខាងលើ កំពុងជិះម៉ូតូលើផ្លូវជាតិលេខ១២១០ ក៏បានឃាត់ធ្វើការត្រួតពិនិត្យរកឃើញម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក) ចំនួន៤កញ្ចប់តូច រួចនាំខ្លួនជនសង្ស័យរួមនឹងវត្ថុតាង បញ្ជូនមកប៉ុស្តិ៍នគរបាល ស្អាងភ្នំ ដើម្បីសាកសួរ ។
នៅចំពោះមុខ ឈ្មោះឆេង សុខឡាយ និងឈ្មោះ ទូច អ៊ីតាន់ សារភាពថា គ្រឿងញៀ.នខាងលើខ្លួនបានទិញពីឈ្មោះសារឹម ពៅ ភេទប្រុស អាយុ១៨ឆ្នាំ នៅភូមិតានូ ឃុំស្អាងភ្នំ ស្រុកស្អាង ខេត្តកណ្តាល៤កញ្ចប់ តូចតំលៃ៣០០០០រៀល (បីម៉ឺនរៀល) ដើម្បីយកទៅប្រើប្រាស់ ។
បន្ទាប់ពីសាកសួររួច ឈានដល់ឃាត់ខ្លួនមនុស្សប្រុស ស្រី ៧នាក់នៅក្នុងផ្ទះសំណាក់ស្វាយតានី ៦១១ ធ្វើការពិនិត្យ មិនមានសារធាតុញៀន ទើបសមត្ថកិច្ចអនុញ្ញាតអោយវិលត្រឡប់ទៅផ្ទះវិញ ។
នៅវេលាម៉ោ១០និង៣០នាទីថ្ងៃដដែល លោកហោ លីណា ព្រះរាជអាជ្ញារងអមសាលាដំបូងខេត្តបានបញ្ជាអោយឃាត់ខ្លួនជនសង្ស័យខាងលើនៅអធិការដ្ឋាននគរបាលស្រុកស្អាងដើម្បីចាត់ការតាមនីតិវិធី។
ប្រជាពលរដ្ឋបានអោយដឹងថា ផ្ទះសំណាក់យីហោ ស្វាយ តានី ៦១១ ដែលស្ថិតនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល ជាផ្ទះសំណាក់លួចលាក់ និងប្រមូលផ្តុំដោយក្រុមគ្រឿងញៀ.ន និងក្រុមក្មេងទំនើង យ៉ាងអាណាធិបតេយផងដែរ ។ មិនតែប៉ុណ្ណោះផ្ទះសំណាក់នោះ ក៌ត្រូវបានសមត្ថកិច្ចចុះបង្ក្រាបក្រុមគ្រឿងញៀ.នច្រើនដងដែរ តែមិនឃើញមានវិធានការសោះ ។
ជុំវិញបញ្ហាខាងលើនេះដែរ ប្រជាពលរដ្ឋសង្ឃឹមថា លោកឧត្តមសេនីយ៌ទោ ឈឿន សុចិត្រ ស្នងការនគរបាលខេត្តកណ្តាល និងពិនិត្យ មានវិធានការចំពោះផ្ទះសំណាក់យីហោ ស្វាយ តានី ៦១១ ។
ដោយឡែកម្ចាស់ផ្ទះសំណាក់យីហោរ ស្វាយ តានី ៦១១ បានប្រាប់តាមទូរសព្ឌ័ដែរថា ពិតជាមានករណីសមត្ថកិច្ចមកឃាត់ខ្លួនក្រុមក្មេង មកដេកផ្ទះសំណាក់គាត់ពិតមែន ។ ពួកក្មេងទាំងនោះដេករួច ចេញចូលៗតែម្តង ។ បន្ទាប់ពីធ្វើការឃាត់ខ្លួនរួច លោកអភិបាលស្រុកស្អាង និងលោកអធិការស្រុកស្អាង បានអោយគាត់ធ្វើកិច្ចសន្យារួចហើយដែរ ៕
ចែករំលែកព័តមាននេះ