តើ​អ្នក​ធ្លាប់​ឮ​អំពី​ជំងឺ​ពុក​ឆ្អឹង​ដែរ​ឬទេ? តើ​វា​មាន​ផលវិបាក​អ្វីខ្លះ? – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

តើ​អ្នក​ធ្លាប់​ឮ​អំពី​ជំងឺ​ពុក​ឆ្អឹង​ដែរ​ឬទេ? តើ​វា​មាន​ផលវិបាក​អ្វីខ្លះ?

1 ខែ មុន
  • Phnom Penh

រាជធានី​ភ្នំពេញ ៖ ជំងឺ​ពុក​ឆ្អឹង ជា​ជំងឺ​រ៉ាំរ៉ៃ បណ្តាល​មក​ពី​ការ​ថយ​ចុះ​នូវ​កំហាប់​ឆ្អឹង ដែល​ធ្វើ​ឱ្យ​អ្នកជំងឺ​ងាយ​រង​នូវ​ការ​បាក់ឆ្អឹង​ជាង​មនុស្ស​ទូទៅ​។ នេះ​ជា​ការ​លើក​ឡើង​របស់​លោក​វេជ្ជបណ្ឌិត វណ្ណ វិចិត្រ ឯកទេស​វេជ្ជសាស្ដ្រ​ទូទៅ​នៃ​មន្ទីរពេទ្យ​កាល់​ម៉ែ​ត…

រាជធានី​ភ្នំពេញ ៖ ជំងឺ​ពុក​ឆ្អឹង ជា​ជំងឺ​រ៉ាំរ៉ៃ បណ្តាល​មក​ពី​ការ​ថយ​ចុះ​នូវ​កំហាប់​ឆ្អឹង ដែល​ធ្វើ​ឱ្យ​អ្នកជំងឺ​ងាយ​រង​នូវ​ការ​បាក់ឆ្អឹង​ជាង​មនុស្ស​ទូទៅ​។ នេះ​ជា​ការ​លើក​ឡើង​របស់​លោក​វេជ្ជបណ្ឌិត វណ្ណ វិចិត្រ ឯកទេស​វេជ្ជសាស្ដ្រ​ទូទៅ​នៃ​មន្ទីរពេទ្យ​កាល់​ម៉ែ​ត ។

លោក​វេជ្ជបណ្ឌិត វណ្ណ វិចិត្រ បាន​ឲ្យ​ដឹង​ទៀត​ថា ៖ ជំងឺ​នេះ​ច្រើន​កើត​លើ​មនុស្ស​អាយុ​ច្រើន​ចាប់ពី​៥០​ឆ្នាំ​ឡើង​ទៅ និង​ក្រុម​ស្ត្រី​ក្រោយ​អស់​រដូវ​។ យើង​ក៏​ជួប​ផង​ដែរ លើ​មនុស្ស​វ័យក្មេង ដោយសារ​កត្តា​តំណរ​ពូជ និង​កត្តា​ផ្សេង​ៗ ដែល​ធ្វើ​ឱ្យ​កំហាប់​ឆ្អឹង​ថយ​ចុះ ដូច​ជា ៖

Picture
  • កង្វះ​អ័រម៉ូន អ៊ឺ​ស្ត្រូ​ហ្សែ​ន
  • កត្តា​ហ្សេ​នេ​ទិច
  • ស្គម
  • មិនសូវ​ហាត់​កីឡា
  • បរិភោគ​អាហារ​ដែល​មាន​សារជាតិ​កាល់ស្យូម​តិច
  • ការ​ជក់បារី និង​ពិសារ​ស្រា ។
Picture

១) ហេតុ​អ្វី​យើង​គួរ​ស្វែង​យល់​ពី​ជំងឺ​នេះ?

  • វា​បង្ក​ឱ្យ​មានការ​ឈឺចាប់
  • វា​ងាយ​នឹង​បាក់ឆ្អឹង
  • វា​បង្ក​ពិការ​ភាព​យូរអង្វែង ។

២) រោគ​សញ្ញា​សំខាន់​ៗ ៖

  • បាក់ឆ្អឹង ក្រោយ​ពី​រងគ្រោះថ្នាក់​ស្រាល
  • ឈឺ​ឆ្អឹង​កង​ចង្កេះ (​ឈឺ​បន្តិច​ម្ដង​ៗ ច្រើន​ខែ​)
  • បាក់​ក្បាល​ឆ្អឹងភ្លៅ ក្រោយ​រអិល​ដួល​តិចតួច រឺ​បាក់​កដៃ​ក្រោយ​ច្រត់ ឬ​ទប់ខ្លួន
  • ប៉ុន្តែ​ពាក់កណ្ដាល​នៃ​ករណី អ្នកជំងឺ​ពុំ​មាន​រោគ​សញ្ញា​គួរ​ឱ្យ​ចាប់អារម្មណ៍​ទេ ។
Picture

៣) ការ​ធ្វើ​រោគវិនិច្ឆ័យ ៖

  • ធើ្វ​រោគវិនិច្ឆ័យ ដោយ​ម៉ាស៊ីន​វាស់​កំហាប់​ឆ្អឹង
  • ថត​កាំរស្មី​ពិនិត្យ​ឆ្អឹង
  • ពិនិត្យ​ឈាម (​កំរិត​ជាតិ​កាល់ស្យូម កំរិត​ជាតិ​ផូស​ស្វ័​រ អ័រម៉ូន​ទី​រ៉ូ​អ៊ី​ត ប៉ា​រ៉ា​ទី​រ៉ូ​អ៊ី​ត​…
  • ពិគ្រោះ​យោបល់​ជាមួយ​គ្រូពេទ្យ​ឯកទេស ។

៤) តើ​យើង​អាច​ការពារ និង​ព្យាបាល​ជំងឺ​នេះ​បាន​ដែរ​ឬទេ?

  • ជំងឺ​នេះ​អាច​ការពារ និង​ព្យាបាល​បាន ដោយ​ទទួល​ការ​ណែនាំ និង​ពិសារ​ថ្នាំ
  • ការ​ព្យាបាល​ទៅ​តាម​មូលហេតុ​របស់​វា ។
Picture

៥) ការ​ណែនាំ​សំរាប់​អ្នកជំងឺ​ឆ្អឹង​ពុក ៖

  • បរិភោគ​អាហារ​ដែល​សំបូរ​ជាតិ​កាល់ស្យូម វីតាមីន D3 (​កូន​ត្រី​តូច​ៗ ទឹកដោះគោ​ស្រស់ អាហារ​បំប៉ន​….)
  • ទទួល​នូវ​កំ​ដៅ​ថ្ងៃ​បាន​គ្រប់គ្រាន់
  • ឈប់​ពិសារ​ស្រា និង​បារី
  • ព្យាបាល​ជំងឺ​រួម​ផ្សំ ដែល​បណ្តាល​អោយ​កំហាប់​ឆ្អឹង​ថយ
  • ជៀសវាង​ការ​ដួល បុក ប៉ះទង្គិច
  • ជៀសវាង​ការ​ប្រើ​ថ្នាំ​ផ្តេសផ្តាស (​ស្តេ​រ៉ូ​អ៊ី​ត​) ។

លោក​វេជ្ជបណ្ឌិត វណ្ណ វិចិត្រ ឯកទេស​វេជ្ជសាស្ដ្រ​ទូទៅ​នៃ​មន្ទីរពេទ្យ​កាល់​ម៉ែ​ត ក៏​បាន​រំលឹក​ដល់​លោក​អ្នក​បើ​មាន​បញ្ហា​ដូច​បាន​រៀបរាប់​ខាងលើ សូម​លោក​អ្នក​អញ្ជើញ​មក​ពិគ្រោះ​ជាមួយ​គ្រូពេទ្យ​ឯកទេស នៃ​មន្ទីរពេទ្យ​កាល់​ម៉ែ​ត ដើម្បី​ទទួល​បាន​នូវ​ការ​ការពារ និង​ព្យាបាល​ដ៏​មាន​ប្រសិទ្ធភាព និង​ប្រកបដោយ​គុណភាព ៕