រាជធានីភ្នំពេញ ៖ យោងតាមការចែករំលែក មិនចេះរីងស្ងួតរបស់អ្នកជំនាញម្នាក់ ថ្មីៗនេះបានធ្វើការចែករំលែកផ្ទាល់មកកាន់សារព័ត៌មាន «កោះសន្តិភាព» អំពីមុខរបរជាច្រើនដែលយើងម្នាក់ៗ សុទ្ធតែអាចឆ្លៀតរកបានក្នុងសម័យកាលកូវីដ ១៩ ។ជាការពិតគ្នាយើងខ្លះប្រាកដជាបានស្គាល់លោក…
រាជធានីភ្នំពេញ ៖ យោងតាមការចែករំលែក មិនចេះរីងស្ងួតរបស់អ្នកជំនាញម្នាក់ ថ្មីៗនេះបានធ្វើការចែករំលែកផ្ទាល់មកកាន់សារព័ត៌មាន «កោះសន្តិភាព» អំពីមុខរបរជាច្រើនដែលយើងម្នាក់ៗ សុទ្ធតែអាចឆ្លៀតរកបានក្នុងសម័យកាលកូវីដ ១៩ ។
ជាការពិតគ្នាយើងខ្លះប្រាកដជាបានស្គាល់លោក ស៊ាន ធនិន ជាអគ្គនាយកក្រុមហ៊ុន CEO Master Club Investment តាមរយៈការបង្រៀននានា ដែលទាក់ទងនឹងចំណេះដឹងហិរញ្ញវត្ថុ ការវិនិយោគ កិច្ចជំនួញ ។ល។
តាមរយៈការចែករំលែកផ្ទាល់តាមរយៈសារព័ត៌មាន «កោះសន្តិភាព» លោក ស៊ាន ធនិន បាននិយាយថា ៖ «គ្រប់គ្នាសុទ្ធតែមានឱកាសរកលុយបន្ថែម ឬធ្វើការក្រៅម៉ោង ក៏ព្រោះថាមានជំនាញបច្ចេកវិទ្យាជាច្រើនកំពុងត្រូវការអ្នកមានសមត្ថភាពដូចជាខាងផ្នែកឌីជីថលនេះឯង ។ ហើយនៅពេលយើងមានឱកាស យើងត្រូវតែឆ្លៀតធ្វើ កុំខ្លាចហត់កុំខ្លាចនឿយ អ្វីដែលសំខាន់នៅចំពោះមុខ ត្រូវប្រឹងរកចំណូលឱ្យបានកាន់តែច្រើនទៅតាមសមត្ថភាពនិងលទ្ធភាពរបស់យើង តែក៏ត្រូវការការថែរក្សារសុខភាពរបស់យើងដែរ ។ ប្រសិនជាយើងកំពុងមានឳកាសច្រើនហើយ ប៉ុន្តែយើងឈឺ ដូចនេះតើយើងអាចធ្វើការឱ្យបានដែរ ឬទេ ។ អត់ទេ ដូចនេះហើយបានសុខភាពគឺសំខាន់ដែរក្នុងសម័យនេះ» ។
ដូចនេះ តោះ ! មកស្តាប់បន្តិចមើលថា លោកនិយាយអ្វីខ្លះ ពីការងារក្នុងសម័យកូវីដ ១៩ ដែលអ្នកអាចឆ្លៀតធ្វើការបាន ។
នៅក្នុងការស្វែងរកចំណូលបន្ថែម លោកគ្រូ ស៊ាន ធនិន បានបែងចែកប្រភពចំណូលជា ២ ប្រភេទ គឺប្រភេទចំណូលសកម្ម និងចំណូលអកម្ម ប៉ុន្តែនាឱកាសនេះសូមលើកយកប្រភេទចំណូលសកម្ម មកធ្វើការបកស្រាយជាមុនសិន ៖
ទី ១ ប្រភពចំណូលសកម្ម ៖ ជាធម្មតាប្រភពចំណូលនេះ ទាល់តែយើងមានសកម្មភាព ទើបយើងអាចមានចំណូលបាន ហើយនៅខាងក្រោមនេះ ជាកូនចៅរបស់ប្រភេទចំណូលសកម្ម ។
ប្រភពចំណូលទី ១ ៖ បានមកពីប្រាក់ខែ គឺទទួលបានពីការបម្រើការងារជូនអង្គភាព ឬស្ថាប័ន វាគឺជាប្រភពចំណូលគោលមួយ ប៉ុន្តែមានស្ថាប័នខ្លះបានក្ស័យធន មានអាជីវកម្មខ្លះបិទទ្វា និងមានស្ថាប័នខ្លះកាត់បន្ថយបុគ្គលិក ។
ប្រភពចំណូលទី ២ ៖ បានមកពីការធ្វើការបន្ថែមម៉ោងឱ្យគេ ។ នៅពេលយើងមានជំនាញ ខាងផ្នែកឌីស្សាញ កុំព្យូរទ័រ ឬហៅថាឌីជីថល បច្ចេកវិទ្យា ចេះថតរូប និងវីដេអូ ចេះឡាយជាដើម សុទ្ធតែជាការងារដែល ក្នុងសម័យនេះត្រូវការ ។ សម័យនេះ អ្នកចេះបច្ចេកវិទ្យា គឺជាមនុស្សដែលមានអតិភាពមុនហើយ ។ មានក្រុមហ៊ុនខ្លះគេបានកាត់បន្ថយបុគ្គិល តាមរយៈការវិនិច្ឆ័យយ៉ាងល្អិតល្អន់ ក្រុមហ៊ុនខ្លះគ្មានលុយសម្រាប់ជួលយើង ឯក្រុមហ៊ុនខ្លះទៀតគេចំរាញ់យកតែអ្នកចេះបច្ចេកវិទ្យា មិនមែនគ្នាមិនចង់ជួលយើងនោះទេ ។ ប៉ុន្តែប្រសិនយើងធ្វើការងារបន្ថែមម៉ោងនោះ យើងប្រាកដណាស់ថា ត្រូវតែគិតពីសុខភាពជាចំបងមានន័យថាមានការងារធ្វើហើយ តែយើងបែរជាឈឺនោះ វាបែរជាត្រូវខាតបង់ឳកាសទៅវិញ ។
ប្រភពចំណូលទី ៣ ៖ បានមកពីការធ្វេីជាភ្នាក់ងារលក់ផលិតផល និងអចលនទ្រព្យ ដែលជាសេវាកម្មអាចធ្វើបាននៅម៉ោងសម្រាកឬអាចនិយាយបានថាម៉ោងស្អុយនឹង ។
ប្រភពចំណូលទី៤ ៖ ប្រាក់ចំណូលពីការបង្កើតរបរថ្មីៗ ងាយៗតាម Online ។ អ្នកខ្លះគាត់យកទំនិញពីណាពីណៃមកលក់ អ្នកខ្លះគាត់លក់ខ្លួនឯង បង្កើតទំនិញខ្លួនឯងលក់ខ្លួនឯងតែម្តង ។ នៅក្នុងសម័យនេះ មិនមាននរណាម្នាក់ទៅទិញដល់ហាងនោះទេ គេទិញតាមរយៈអនឡាញ អុីចឹងបើទោះបីយើងមិនចេះធ្វើអនឡាញក៏ត្រូវតែចេះដែរ អត់ចេះឡាយក៏ត្រូវតែឡាយដែរ ។
ប្រភពចំណូលទី ៥ ៖ ប្រាក់ចំណូលពីការបំរេីសេវាកម្មផ្សេងៗ ចេញពីជំនាញរបស់អ្នក ដូចជាការប្រឹក្សាយោបល់ វាយអត្ថបទ ការសរសេរអត្ថបទ ថតវីដេអូ កាត់តវីដេអូ ជាដើម ។ល។ ជំនាញថតវីដេអូ ក្នុងសម័យកូវីដ ១៩ ពិតជាត្រូវការអ្នកចេះណាស់ ។ មុខរបរមួយទៀត ប្រសិនជាអ្នកពូកែសរសេរអត្ថបទ ឃ្លាឃ្លោង ដូចនេះអា ធ្វើការងារក្រៅម៉ោងឱ្យគេបានហើយ ។
ប្រភពចំណូលទី ៦ ៖ ការបង្កើតរបរបន្ទាប់បន្សំ ដូចជា កសិកម្មរយៈពេលខ្លី (ដំណាំផលខ្លី រឺចិញ្ចឹមសត្វវត្តខ្លីៗ) រឺជាឈ្មួញកសិផល ហើយលក់តាមបណ្តាញសង្គម និងបណ្តាញមិត្តភក្តិ សមាជិកគ្រួសារគ្រប់គ្នាទាំងអស់ ដែលមានសមត្ថភាព និងលទ្ធភាពបំពេញការងារ ត្រូវតែចូលរួមផលិតចំណូល ។ ដូចគ្រប់គ្នាដឹងស្រាប់ថា បច្ចុប្បន្នមនុស្សចូលចិត្តញ៉ាំបន្លែគ្មានជាតិគីមី គេចូលចិត្តបន្លែបែបធម្មជាតិ ដូចនេះដើម្បីធ្វើអាអស់នឹងបាន ដីដែលយើងមានហើយនៅទំនេរ យើងអាចឆ្លៀតដាំដំណាំទាំងអស់នឹងបាន ។ ចុះសួរថា លក់តាមណា តាមអនឡាញទៀត បងប្អូនឃើញទេថា អ្វីៗគ្រប់យ៉ាងសុទ្ធតែត្រូវការបច្ចេកវិទ្យា និងឌីជីថលនេះណាស់ ។ ប៉ុន្តែត្រូវចាំថា លក់អ្វីក៏ដោយកុំលក់បោកប្រាស់គេ កុំលក់ផលិតផលមិនសុទ្ធហើយស្រែកថាសុទ្ធនោះ ។
សូមជម្រាបជូនផងដែរថា នាឱកាសក្រោយសារព័ត៌មានយើងខ្ញុំនឹងលើកយកចំណុចទី ២ គឺប្រភពចំណូលអកម្មមកផ្សាយជូនប្រិយមិត្តបន្ ត៕
ចែករំលែកព័តមាននេះ