អន្តរជាតិ ៖ ការប្រកួតប្រដាល់ផ្នែកនារី១គូធ្វើឱ្យមានការភ្ញាក់ផ្អើលយ៉ាងខ្លាំង បន្ទាប់ពីកីឡាការិនីអាល្លឺម៉ង់ Cheyenne Hanson អាយុ២៣ឆ្នាំ រងរបួសហើមក្បាលមួយចំហៀងយ៉ាងធំមើលលែងស្គាល់ ក្រោយការប៉ះទង្គិចក្បាលគ្នាជាមួយនឹងគូប្រកួតរបស់នាង។
កីឡាការិនីអាល្លឺម៉ង់រូបស្រស់ខាងលើ បានប៉ះទង្គិចក្បាលគ្នាយ៉ាងខ្លាំងជាមួយគូប្រកួតរបស់នាងគឺកីឡាការិនី Alina Zaitseva មកពីប្រទេសអ៊ុយក្រែន ដែលបានបង្ខំនាំឱ្យអាជ្ញាកណ្តាលគ្មានជម្រើសផ្សេងក្រៅពីបញ្ឈប់ការប្រកួតរបស់ពួកគេទាំង២។
បើទោះបីជាការប្រកួតត្រូវបានបញ្ឈប់ពាក់កណ្តាលទីក៏ពិតមែន ប៉ុន្តែកីឡាការិនី Hanson ត្រូវបានប្រកាសថាជាអ្នកឈ្នះសម្រាប់ការប្រកួតនេះ បន្ទាប់ពីការបូកពិន្ទុរបស់អាជ្ញាកណ្តាលទាំងអស់។
នេះបើយោងតាមច្បាប់ប្រកួតនៅទីនោះបានចែងថា រាល់ការប្រកួតដែលត្រូវបញ្ឈប់ដោយសារការប៉ះទង្គិចគ្នារវាងអ្នកប្រកួតទាំង២។ នោះការសម្រេចម្ចាស់ជ័យជម្នះគឺដោយការបូកសរុបពិន្ទុ មុនពេលដែលអ្នកប្រកួតទាំង២ប៉ះទង្គិចគ្នា។
ដោយឡែកក្រោយនាងការបង្ហោះរូបភាពមុន និងក្រោយការប្រកួតអ្នកគាំទ្រ Hanson បាននាំគ្នាជូនពរនាងឱ្យឆាប់ជាសះស្បើយ៕ (ដកស្រង់ចេញពី Dailymail)
ចែករំលែកព័តមាននេះ