ខេត្តកណ្តាល ៖ នារីជនជាតិវៀតណាមដ៏ស្រស់ស្អាតម្នាក់ បានធ្វើអត្ត.ឃាត.ចង.កសម្លា.ប់ខ្លួនឯងនិងចង្រឹងបង្អួចដោយសារតែប្រើប្រាស់គ្រឿង.ញៀនហួសកំរិត និងមានសម្ពាធពីគ្រួសារផង ។ ហេតុការណ៍ដ៏រន្ធត់នេះ កើតឡើងកាលពីយប់ថ្ងៃទី២៨ មីនា ឆ្នាំ២០២១ តែបង្កការភ្ញាក់ផ្អើលនៅព្រឹកថ្ងៃទី២៩ មីនា ឆ្នាំ២០២១ ស្ថិតក្នុងផ្ទះលេខ៨វីឡាបុរីពិភពថ្មី១ ផ្លូវលេខ៨ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។
ប្រភពឱ្យដឹងទៀតថា ជនរងគ្រោះខាងលើ ឈ្មោះង្វៀង ធីធូថាវ (NGUYEN THI THU THAO) ភេទស្រី អាយុ២១ឆ្នាំ ជនជាតិវៀតណាម(Vietnam)។ វត្ថុតាងជាក់ស្តែងមានអាវក្រណាត់ ដៃវែងពណ៌សប្រវែង០.៥១ម៉ែត្រ។
បើតាមរបាយការណ៌របស់សមត្ថកិច្ចបានអោយដឹងថា តាមការបំភ្លឺទី១-ឈ្មោះ ដូ វ៉ាន់យ៉ុង( Do Van Dong) ភេទប្រុស អាយុ៣៧ឆ្នាំ ជនជាតិវៀតណាម ទី២-ឈ្មោះ ង្វៀង ធុយយឿង (NGUYEN THUY DUONG)ភេទស្រី អាយុ១៨ឆ្នាំ ជនជាតិវៀតណាម ទី៣ឈ្មោះ ង្វៀង ធីធូវូយ (NGUYEN THI VUI)ភេទស្រី អាយុ១៨ឆ្នាំ ជនជាតិវៀតណាម ដែលបានជួលផ្ទះនៅជាមួយគ្នាបានអោយដឹងថា៖ ជនរងគ្រោះនិងគ្នា៣នាក់ បានមកជួលបុរីពិភពថ្មី១ នៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល រយៈពេល៤ខែមកហើយ ដែលមកពីខេត្តក្រុងព្រះសីហនុ។
នៅថ្ងៃទី២៨ មីនា ឆ្នាំ២០២១ វេលាម៉ោង១៦និង០០នាទី មិនឃើញជនរងគ្រោះចុះមកក្រោមហូបបាយ ហូបទឹកតាំងព្រឹក បានឡើងទៅលើជាន់ទី៣គោះទ្វារបន្ទប់ហៅជនរងគ្រោះ ប៉ុន្តែជនរងគ្រោះមិនឆ្លើយតបនឹកឃើញថា សង្ស័យជនរងគ្រោះអស់កំលាំងដេកក៏បានចុះមកក្រោមវិញ ។
លុះវេលាម៉ោង២៣និង០០នាទីយប់ ក៏សង្ស័យមិនឃើញជនរងគ្រោះចុះមកក្រោម ហើយក៏ឡើងទៅលើ ដោយមានសោបន្ទប់ បានចាក់ចូលក្នុងបន្ទបឃើញបន្ទប់រយ៉ៃរយ៉ៃពេញ និងបានឃើញជនរងគ្រោះចង.កទៅនិងក្រណាត់ជាប់ទ្វារបន្ទប់ទឹក ដៃជនរងគ្រោះមានឈាម ស្នាម.អារ.ដៃបាននាំគ្នាលើកជនរងគ្រោះមកលើឥដ្ឋក្នុងបន្ទប់ ដោយមានការភ័យខ្លាចបានខលប្រាប់ម្ទាស់ផ្ទះជួល ហើយសន្តិសុខបុរីចុះមក ។ បន្ទាប់មករាយការណ៍អោយសមត្ថកិច្ចជំនាញចុះពិនិត្យ។
តាមការសាកសួរនារីទាំង០២នាក់ខាងលើបានឲ្យដឹងទៀតថា ពួកគេទាំង០៣នាក់(មានជនរងគ្រោះ)រស់នៅប្រទេសវៀតណាម ភាគខាងជើងជាប់ព្រំដែនចិន បានឆ្លងដែន ចូលមកកម្ពុជាតាមច្រករបៀងលួចលាក់(មាត់ជ្រូក)ប្រហែល១ ខែមុនហើយបានមកជួលបន្ទប់ស្នាក់នៅក្នុងរាជធានី ភ្នំពេញ។ បន្ទាប់ពីនារីរងគ្រោះបានស្គាល់បុរសម្ចាស់ផ្ទះ ដែលបានជួល(ផ្ទះកើត ហេតុ)ហើយ ក៏បានមករស់នៅជាមួយគ្នា។
នៅយប់ថ្ងៃទី២៧ មីនា ឆ្នាំ២០២១ ម៉ោងប្រហែល២១ ពួកគេទាំង៤ នាក់បាននាំគ្នាជក់គ្រឿងញៀនរហូតដល់ម៉ោងជិត៥ទៀបភ្លឺបានបែកគ្នាទៅដេកបន្ទប់រៀងខ្លួន(បុរសម្ចាស់ផ្ទះដេកបន្ទប់១, ជនរងគ្រោះដេកបន្ទប់១ និងនារី ២ នាក់ទៀតដេកបន្ទប់១)។នៅក្នុងថ្ងៃទី២៨ ខែមីនា ឆ្នាំ២១ម៉ោងប្រហែល១៩ ដោយពុំឃើញជនរងគ្រោះចេញពីបន្ទប់បុរសម្ចាស់ផ្ទះបានទៅគោះទ្វារបន្ទប់ជនរងគ្រោះតែពុំមានការឆ្លើយតប ក៏ចុះមកវិញ។
លុះដល់ម៉ោងប្រហែល២២ ក៏នៅតែពុំឃើញជនរងគ្រោះចេញពីបន្ទប់មកហូបបាយ ក៏បានឱ្យនារីម្នាក់ក្នុងចំណោម ២នាក់ ទៅហៅនារីរងគ្រោះ ឱ្យចុះមកហូបបាយ ពេលដែលទៅគោះទ្វារបន្ទប់នៅតែពុំមានការឆ្លើយតបតែទ្វារបន្ទប់មានចុចគន្លឹះពីក្នុង។ បុរសម្ចាស់ផ្ទះ ក៏បានយកកូនសោរ ទៅចាក់បើកទ្វារបន្ទប់ស្រាប់តែឃើញជនរងគ្រោះចងកនឹងទ្វារ បន្ទប់ទឹកស្លាប់ទៅហើយ។តាំងពីនារីទាំង៣ រូបមករស់នៅជាមួយបុរសម្ចាស់ផ្ទះនេះគឺបានប្រព្រឹត្តជក់គ្រឿងញៀនចំនួន៣លើក និងមានសំបុត្របណ្ដាំសរសេរ ជាអក្សរវៀតណាមចំនួន១ច្បាប់។ កូនកាំបិតចិតបន្លែនៅក្នុងបន្ទប់ទឹក។ ដោយ៖ ឆដា
ចែករំលែកព័តមាននេះ