ខេត្តកណ្តាល ៖ លោកនូវ សាវឿន ជាមេបញ្ជាការរងកងរាជអាវុធហត្ថស្រុកលើកដែក បានបើករថយន្តធ្លាក់ផ្លូវ ក៏បណ្តាលឱ្យស្លា.ប់នៅក្នុងរថយន្តខ្លួនតែម្តង ដែលហេតុការណ៍នេះ បង្កការភ្ញាក់ផ្អលកើតឡើងនៅថ្ងៃទី២៩ មីនា ឆ្នាំ២០២១ វេលាម៉ោង០៤ទៀបភ្លឺ ស្ថិតនៅលើផ្លូវជាតិលេខ១ ចន្លោះគីឡូម៉ែត្រ៤៣-៤៤ ក្នុងភូមិព្រែកត្រែង ឃុំសំរោងធំ ស្រុកកៀកស្វាយ ខេត្តកណ្តាល ។
បើតាមរបាយការណ៍របស់សមត្ថកិច្ចដែលទទួលបានបញ្ជាក់ថា នៅវេលាម៉ោងកើតហេតុខាងលើ មានរថយន្ត០១គ្រឿងម៉ាក CAMRYពណ៌ស ស្លាកលេខកណ្តាល 2A-2895 ដែលអ្នកបើកបរមានមុខងារជាមេបញ្ជាការរងអាវុធហត្ថស្រុកលើកដែកខេត្តកណ្តាល ឈ្មោះ នូវ សាវឿន ភេទប្រុស ឣាយុ៥៧ឆ្នាំ មានទីលំនៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានី ភ្នំពេញ (ស្លាប់ក្នុងរថយន្ត) តែរថយន្តមិនខូចខាតទេ ។ តាមការពិនិត្យ គាត់បានបើកបរមានទិសដៅពីអ្នកលឿង ទៅភ្នំពេញ ពេលបើកមកដល់ចំណុចកើតហេតុ ស្រាប់តែបើករថយន្តធ្លាក់ផ្លូវដោយខ្លួនឯង និងបណ្តាលអោយស្លា.ប់នៅកន្លែងកើតហេតុតែម្តង
ទៅ។
លោកវរសេនីយ៍ឯក ព្រុំ សំណាង អធិការនគរបាលស្រុកកៀនស្វាយ បានប្រាប់អោយដឹងថា លោក នូវ សាវឿន ជាមេបញ្ជាការរងកងរាជអាវុធហត្ថស្រុកលើកដែក ធ្លាប់មានជំងឺលើសឈាម និងជំងឺបេះដូង ។ បច្ចុប្បន្ន សាកសព ត្រូវបានសាចិញាត្តិយកទៅធ្វើបុណ្យតាមប្រពៃណី ។ ដោយ៖ ឆ ដា
ចែករំលែកព័តមាននេះ