ខេត្តកណ្តាល៖ រដ្ឋបាលខេត្តកណ្តាល បានសម្រេច ផ្អាកការធ្វើដំណើរចេញ-ចូលបុរីសិរីមង្គល ដែលជាផ្ទះតម្លៃសមរម្យ សម្រាប់មន្ត្រីរាជការ នៅជិតបន្ទាយទួលក្រសាំង ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ។ ការសម្រេចបិទបុរីនេះ ដោយសារតែនៅថ្ងៃទី២៦ ខែមីនានេះ ក្រសួងសុខាភិបាល បានរកឃើញករណីវិជ្ជមានវីរុសកូវិដ-១៩ ចំនួន ០៧នាក់ នៅក្នុងបុរីនេះ។
ក្នុងលិខិត ចុះថ្ងៃទី២៦ ខែមីនា ឆ្នាំ២០២១ លោក គង់ សោភ័ណ្ឌ អភិបាលខេត្តកណ្តាល បានសម្រេចថា ប្រជាពលរដ្ឋរស់នៅក្នុងបុរីសិរីមង្គល អាចអនុញ្ញាតឲ្យចូលស្នាក់នៅ តែមិនអនុញ្ញាតឲ្យចេញទេ ដោយត្រូវធ្វើការគ្រប់គ្រងទីតាំងនេះ រហូតដល់មានការជូនដំណឹងជាថ្មី។
អាជ្ញាធរខេត្តកណ្តាល ក៏បានប្រកាសថា នឹងបន្តធ្វើការស្រាវជ្រាវរកអ្នកពាក់ព័ន្ធ ដែលបានប៉ះពាល់ដោយផ្ទាល់ និងប្រយោលជាមួយអ្នកជំងឺកូវីដ១៩ ដើម្បីយកសំណាកធ្វើតេស្តរកវីរុសកូវីដ១៩ និងដាក់ឲ្យធ្វើចត្តាឡីស័ក តាមវិធានសុខាភិបាល៕
ចែករំលែកព័តមាននេះ