ខេត្តកណ្តាល ៖ ក្មេងទំនង២ក្រុម ម្ខាងមានគ្នាជាង១០នាក់ និងម្ខាងទៀតមានគ្នាប្រហែល៧ទៅនាក់ បានជិះម៉ូតូប្រសាចដេញឌឺដងបម្រុងធ្វើសកម្មភាពវាយតប់គ្នា តាមដងផ្លូវសាធារណៈត្រូវកម្លាំងសមត្ថកិច្ចនគរបាលស្រុកលើកដែក ខេត្តកណ្តាល ក្របួចបាន៥នាក់យកមកសួរនាំ និងធ្វើការអប់រំ ។
លោកវរៈសេនីយ៍ឯក អាំ ធូ អធិការនគរបាលស្រុកលើកដែក បានប្រាប់អោយដឹងថា នៅថ្ងៃទី២១ ខែមីនា ឆ្នាំ២០២១ វេលាម៉ោង១៥និ៣០នាទី មានក្មេងទំនើង២ក្រុម មួយក្រុមមានបក្ខពួកគ្នាជាង១០នាក់ និងមួយក្រុមទៀតមានបក្ខពួកគ្នាប្រហែល៧ទៅ៨នាក់ បានជិះម៉ូតូប្រសាចដេញគ្នាលឿនៗ ហើយឌឺដងបម្រុងវាយតប់គ្នាតាមផ្លូវកៅស៊ូលេខ១៤ ចាប់ពីឃុំពាមរាំងដល់ឃុំព្រែកដាច់ នាំអោយប៉ះពាល់បាត់បង់សណ្តាប់ធ្នាប់សង្គម និងធ្វើអោយប្រជាពលរដ្ធមានការភ័យខ្លាចក្នុងដំណាក់ការជំងឺកូវីដ-១៩កំពុងរីករាលដាល ក៏រាយការណ៍មកប្តឹងសមត្ថកិច្ចនគរបាល ។
ភ្លាមនោះដោយមានការណែនាំពីលោក ចាប ច័ន្ទវិទ្យា អភិបាលស្រុកលើកដែក និងជាប្រធានគណៈបញ្ជាការឯកភាពស្រុក និងដឹកនាំកម្លាំងបញ្ជាផ្ទាល់ពីលោកវរសេនីយ៍ឯក អាំ ធូ អធិការនគរបាលស្រុក ចុះអន្តរាគមន៍ស្ទាក់ចាប់បានក្រុមក្មេងទំនើងចំនួន៥នាក់ មានឈ្មោះដូចខាងក្រោម៖
១.ឈ្មោះ លី សុខហេង ភេទប្រុសអាយុ១៧ឆ្នាំ ជនជាតិខ្មែរ ជាសិស្ស មានទីលំនៅភូមិកំពង់ពោធិ៍ ឃុំកំពង់ភ្នំ ស្រុកលើកដែក។ ២.ឈ្មោះ ហួត សុជា ភេទប្រុសអាយុ១៦ឆ្នាំជនជាតិខ្មែរ ជាសិស្ស មានទីលំនៅភូមិក្បាលជ្រោយ ឃុំកំពង់ភ្នំ។
៣.ឈ្មោះ សំបួរ វិច្ឆិកា ភេទប្រុសអាយុ១៦ឆ្នាំ ជនជាតិខ្មែរ ជាសិស្ស មានទីលំនៅភូមិក្បាលជ្រោយ ឃុំកំពង់ភ្នំ។
៤.ឈ្មោះ សុភ័ក្រ ចាន់ណារី ភេទប្រុសអាយុ១៦ឆ្នាំជនជាតិខ្មែរ ជាសិស្ស មានទីលំនៅភូមិក្បាលជ្រោយ ឃុំកំពង់ភ្នំ។
៥.ឈ្មោះ រ៉ា គីមហេង ភេទប្រុសអាយុ១៨ឆ្នាំជនជាតិខ្មែរ ជាសិស្ស មានទីលំនៅភូមិក្បាលជ្រោយ ឃុំកំពង់ភ្នំ។
រួមជាមួយវត្ថុតាងសមត្ថកិច្ចរឹមអូសបានរួមមាន ៖ ម៉ូតូ២គ្រឿង ១គ្រឿងម៉ាក HONDA DREAM ស៊េរីឆ្នាំ២០១៧ ពណ៌ខ្មៅពាក់ស្លាកលេខ ភ្នំពេញ1GC.2502 ។ ២.ម៉ូតូម៉ាក HONDA C.125 ស៊េរីឆ្នាំ2014 ពណ៌ខ្មៅពាក់ស្លាកលេខភ្នំពេញ 1AB.2502 ។ មួកបារ៉ាចំនួន២ ពណ៌ក្រហម១ និងពណ៌ការ៉ូ១ ខ្សែក្រវ៉ាត់១ និងទូរស័ព្ទដៃចំនួន៥គ្រឿង។
លោក អធិការបញ្ជាក់ថា ករណីនេះ គឺផ្តើមចេញពីភាគីខាងក្រុមក្មេងទំនើងដែលមានគ្នាប្រហែល៧ ទៅ៨នាក់ ជិះម៉ូតូឌឺដង និងចង្អុលមុខ និងបក់ដៃហៅ ភាគីខាងក្រុមក្មេងទំនើងដែលមានគ្នាជាង១០នាក់ ទើបមានការជិះម៉ូតូលឿនៗ ប្រដេញតាមបម្រុងវាយគ្នាត្រូវសមត្ថកិច្ចក្របួចបាន៥នាក់ រីឯបក្ខពួកជាច្រើនទៀត ជិះម៉ូតូគេចចូលព្រៃបាត់អស់ ។ ទោះយ៉ាងណា ភាគីទាំងសងខាងមិនទាន់បង្កអោយអោយមានរបួសស្នាមទេ ហើយលោក អធិការ ក៏សូមគោលការណ៍ថ្នាក់លើ អោយធ្វើការស្រាវជ្រាវរកអ្នកដែលពាក់ព័ន្ធដែលរត់គេចខ្លួនរួច ទាំងអ្នកដែលឃាត់ខ្លួន ធ្វើកិច្ចសន្យាណែនាំអប់រំ និងអោយឪពុកម្តាយ អាណាព្យាបាល មកទទួលយកកូនទៅផ្ទះរៀងៗខ្លួនវិញ ដើម្បីចងក្រងកំណត់ហេតុទុកជាឯកសារ បើថ្ងៃក្រោយមិនរាងចាលសមត្ថកិច្ចនិងបន្តនីតិវិធីច្បាប់ ៕
ចែករំលែកព័តមាននេះ