ខេត្តស្វាយរៀង ៖ បុរសម្នាក់ស្លាប់ភ្លាមៗនៅនឹងកន្លែង រីឯអ្នករួមដំណើរម្នាក់ទៀតរងរបួសធ្ងន់ បន្ទាប់ពីបើកម៉ូតូក្នុងល្បឿនលឿន និងខ្វះការប្រុងប្រយ័ត្ន ពេលកំពុងភ្លៀង កាលពីវេលាម៉ោង១១និង៥០នាទីយប់ថ្ងៃទី៨
ខេត្តស្វាយរៀង ៖ បុរសម្នាក់ស្លាប់ភ្លាមៗនៅនឹងកន្លែង រីឯអ្នករួមដំណើរម្នាក់ទៀតរងរបួសធ្ងន់ បន្ទាប់ពីបើកម៉ូតូក្នុងល្បឿនលឿន និងខ្វះការប្រុងប្រយ័ត្ន ពេលកំពុងភ្លៀង កាលពីវេលាម៉ោង១១និង៥០នាទីយប់ថ្ងៃទី៨ កញ្ញា ២០១៥ ស្ថិតក្នុងភូមិដើមពោធិ៍ ឃុំស្វាយតាយាន ស្រុកកំពងរោទិ៍ ។
មន្ត្រីសមត្ថកិច្ច បានឱ្យដឹងថា យុវជនរងគ្រោះដែលស្លាប់ឈ្មោះ សុខ ចន្ទ្រា អាយុ២៥ឆ្នាំ ជាសន្តិសុខ មានទីលំនៅក្នុងភូមិចំបក់កោង ឃុំកំពង់ចក ស្រុករំដួល និងយុវជនរួមដំណើរដែលរងរបួសធ្ងន់ឈ្មោះ ឡាត់ ចន្ថា អាយុ២២ឆ្នាំ មានទីលំនៅក្នុងសង្កាត់បាទី ក្រុងបាវិត ។
សាក្សីនៅកន្លែងកើតហេតុ បាននិយាយថា មុនពេលកើតហេតុ ខណៈភ្លៀងកំពុងធ្លាក់យ៉ាងខ្លាំង ស្រាប់តែមានយុវជន២នាក់ជិះម៉ូតូមួយគ្រឿងម៉ាកវីស្តុន ពណ៌ខៀវ អត់ស្លាកលេខ ធ្វើដំណើរលើផ្លូវជាតិលេខ១ ពីលិចទៅកើត ក្នុងល្បឿនលឿន គោលបំណងឆ្ពោះទៅក្រុងបាវិត លុះមកដល់ចំណុចកើតហេតុស្រាប់តែឮសូរសំឡេងដូចជាមានម៉ូតូដួល នៅពេលពួកគាត់ចេញមកមើល ក៏ឃើញមនុស្សនិងម៉ូតូដួលនៅលើផ្លូវតែម្ដង ។
ហើយអ្នកឃើញហេតុការណ៍ក៏បានរាយការណ៍ទៅសមត្ថកិច្ចនគរបាលមូលដ្ឋានដើម្បីចុះអន្តរាគមន៏ និងដឹកជនរងគ្រោះទៅកាន់មន្ទីពេទ្យបង្អែកខេត្ត ប៉ុន្តែអកុសលបុរសឈ្មោះ សុខ ចន្ទ្រា រងរបួសបែកក្បាលធ្ងន់ពេកក៏បានស្លាប់នៅកន្លែងកើតហេតុ ។
សពត្រូវបានសមត្ថកិច្ចនគរបាលប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ