ខេត្តបន្ទាយមានជ័យ ៖ ស្ត្រីបម្រើខារ៉ាអូខេម្នាក់ចេញពីផឹកស៊ីជាមួយមិត្តភក្តិពេលល្ងាចលុះព្រឹកឡើងមានអាការៈមិនស្រួលខ្លួន ហើយបានដឹកទៅពេទ្យបណ្តាលឲ្យស្លាប់នៅវេលាម៉ោង៦ព្រឹក ថ្ងៃទី០៧ ខែមីនា ឆ្នាំ២០២១នៅមន្ទីពេទ្យបង្អែកក្រុងប៉ោយប៉ែត។ មន្ត្រីនគរបាលក្រុងប៉ោយប៉ែតបានប្រាប់ថា៖ ស្ត្រីរងគ្រោះមានឈ្មោះ អ៊ិន ស្រីមុំ អាយុ២៣ឆ្នាំ(មុខរបរបម្រើហាងខារ៉ាអូខេ) ស្នាក់នៅបន្ទប់ជួលភូមិមិត្តភាព សង្កាត់/ក្រុងប៉ោយប៉ែត ឪពុកឈ្មោះ ទេព វណ្ណឌី ម្តាយឈ្មោះ អ៊ិន គា រស់នៅភូមិ.ឃុំស្វាយចោរ ស្រុកព្រៃកប្បាស ខេត្តតាកែវ។
មន្ត្រីនគរបាលបានបញ្ជាក់ថា៖ តាមសម្ដីស្ត្រីឈ្មោះ ពេញ ភឿនវណ្ណា ត្រូវជាមិត្តភក្តិ ស្នាក់នៅជាមួយគ្នាបានឲ្យដឹងថា គឺស្ត្រីរងគ្រោះឈ្មោះ អ៊ិន ស្រីមុំ កាលពីល្ងាចថ្ងៃទី០៦ ខែមីនា ឆ្នាំ២០២១ បានទៅផឹកស៊ីជាមួយមិត្តភក្តិ៥ទៅ៦នាក់នៅខារ៉ាអូខេមួយកន្លែងនៅក្រុងប៉ោយប៉ែតរហូតដល់ម៉ោង៤ទៀបភ្លឺបានត្រលប់មកដល់បន្ទប់វិញ។ មន្ត្រីនគរបាលបានបញ្ជាក់ថា៖
ក្រោយពេលស្ត្រីរងគ្រោះឈ្មោះ អ៊ិន ស្រីមុំ ដល់បន្ទប់វិញ វេលាភ្លឺនាងពោលថាមិនស្រួលខ្លួនហើយបញ្ជូនទៅមន្ទីពេទ្យបង្អែកក្រុងប៉ោយប៉ែតបណ្តាលស្លាប់នៅវេលាម៉ោង៦ព្រឹក។ ទោះជាក្រុមគ្រូពេទ្យជួយសង្គ្រោះអស់ពីលទ្ធភាពមិនអាចសង្គ្រោះបាន ត្រូវបានតម្កល់ទុកនៅមន្ទីពេទ្យរង់ចាំសាច់ញាតិមកទទួលយកធ្វើបុណ្យតាមប្រពៃណីយ៕ដោយ ៖ ប៊ុន ធឿន
ចែករំលែកព័តមាននេះ