វ៉ាស៊ីនតុន ៖ មេដឹកនាំយោធាមីយ៉ាន់ម៉ា បានព្យាយាមផ្ញើរប្រាក់ចេញពី ធនាគារបម្រុងសហព័ន្ធ ក្នុងទីក្រុងញូវយ៉ក សហរដ្ឋអាមេរិក ប្រមាណជាង ១ ពាន់លានដុល្លារ ដែលខ្លួនបានផ្ញើទុកនៅធនាគារនោះ បន្ទាប់មេដឹកនាំយោធាមួយនេះពីបានដណ្តើមអំណាចកាលពីថ្ងៃទី ១ ខែ កុម្ភៈ ឆ្នាំ ២០២១ ពីរដ្ឋាភិបានស្របច្បាប់គឺលោកស្រី អ៊ុងសាង ស៊ូជី។ ប៉ុន្តែយោងតាមប្រភពពី មនុស្ស ៣ នាក់ (មានមន្ត្រីសហរដ្ឋអាមេរិកម្នាក់ដែរ) បាននិយាយថា រដ្ឋមន្ត្រីសហរដ្ឋអាមេរិក បង្កកប្រាក់រួចទៅហើយ ។ នេះបើយោងតាមការចេញផ្សាយសារព័ត៌មាន រ៉យទ័រ នៅថ្ងៃទី ៥ ខែ មីនា ឆ្នាំ ២០២១នេះ។
ប្រភពដដែលពីមន្ត្រីសហរដ្ឋអាមេរិកបានបន្តថា ប្រតិបត្តិការបង្វិលលុយនេះត្រូវបានធ្វើឡើងកាលពីថ្ងៃទី ៤ ខែ កុម្ភៈ ឆ្នាំ ២០២១ ដោយបានប្រើឈ្មោះបង្វិលចូលធនាគារកណ្តាលនៃប្រទេសមីយ៉ាន់ម៉ា ប៉ុន្តែត្រូវបានរារាំងប្រតិបត្តិការនេះ និងអនុញ្ញាតិឱ្យធ្វើប្រតិបត្តិការ ក្រោយលោកប្រធានាធិបតី ចូបៃ ឌិន បានអនុម័តបង្កកនូវចំនួនលុយទាំងនោះដោយស្របច្បាប់ ហើយការបង្កកនេះផងដែរ មិនមានកាលកំណត់នោះទេ។
អ្នកនាំពាក្យរបស់ធនាគារកណ្តាលញូវយ៉ក និងក្រសួងរតនាគារសហរដ្ឋអាមេរិក បានបដិសេធមិនធ្វើអត្ថាធិប្បាយ បង្ហាញអំពីឈ្មោះអ្នកដែលកាន់កាប់គណនីនោះទេ។
ការប៉ុនប៉ងលាក់បាំង និងមិនត្រូវបានគេរាយការណ៍នោះទេ បន្ទាប់ពីយោធាមីយ៉ាន់ម៉ារូបនេះបានធ្វើរដ្ឋប្រហាររួច ភ្លាមៗបានផ្លាស់ប្តូរទេសាភិបាលធនាគារកណ្តាលថ្មី និងបានឃុំខ្លួនមន្ត្រីកំណែទម្រង់ចាស់។
ឧត្តមសេនីយ៍រដ្ឋប្រហារមីយ៉ាន់ម៉ារូបនេះ បានបង្ហាញពីការប្រឹងប្រែងយ៉ាងជាក់ស្តែងមួយ ក្នុងការរឹតត្បិតនៃការផ្សាយទាក់ទងទណ្ឌកម្មអន្តរជាតិ បន្ទាប់ពីពួកគេបានចាប់ខ្លួនមន្ត្រីជាប់ឆ្នោតជាច្រើននាក់ រួមទាំងមេដឹកនាំលោកស្រី អ៊ុងសាង ស៊ូជី ផងដែរ ដែលគណបក្សលោកស្រីបានជាប់ឆ្នោតកាលពីខែវិច្ឆិកា។ ប៉ុន្តែត្រូវបានរបបយោធា បានដណ្តើមអំណាច ហើយចោទប្រកាន់គណបក្សលោកស្រី ថាបានក្លែងបន្លំសន្លឹកឆ្នោត។
អ្នកនាំពាក្យរដ្ឋាភិបាលយោធាមីយ៉ាន់ម៉ា មិនបានឆ្លើយតបនោះទេ បើទោះបីជាសារព័ត៌មានរ័យទ័រព្យាយាម ហៅចូលម្តងហើយម្តងទៀត ដើម្បីសុំការអត្ថាធិប្បាយ ហើយក៏មិនអាចទំនាក់ទំនង ទៅមន្ត្រីនៃធនាគារកណ្តាលបានទេ។
សូមជម្រាបថា ប្រទេសសហរដ្ឋអាមេរិក ប្រទេសកាណាដា សហព័ន្ធអ៉ឺរ៉ុប និងចក្រភពអង់គ្លេស បានដាក់ទណ្ឌកម្មនិងថ្កោលទោសបន្ថែមទៀតដល់ មេដឹកនាំធ្វើរដ្ឋប្រហាររូបនេះ ដែលបានបង្ក្រាប និងសម្លាប់យ៉ាងសាហាវទៅលើក្រុមបាតុករ។ អង្គការសហប្រជាជាតិ បានថ្លែងនៅថ្ងៃ ព្រហស្បតិ៍ នេះថា យ៉ាងហោចណាស់មនុស្ស ជាង ៥៤ នាក់ ត្រូវបានសម្លាប់ចាប់តាំងពីមានរដ្ឋប្រហារមក។ មនុស្សជាង ១៧០០ នាក់ ត្រូវបានចាប់ខ្លួន រួមទាំងអ្នកកាសែត ២៩ នាក់ផងដែរ។
កាលពីថ្ងៃទី ១០ ខែ កុម្ភៈ កន្លងទៅលោក ចូបៃ ឌិន ធ្លាប់បានចេញសេចក្តីប្រកាស ដែលបានដាក់ទណ្ឌកម្មថ្មី ឧត្តមសេនីយ៍រដ្ឋប្រហារ និងអាជីកម្មនានារបស់ពួកគេ ដែលទណ្ឌកម្មនេះ គឺជាការរារាំងឧត្តមសេនីយ៍ ពីការប្រើប្រាស់មូលនិធិ មិនត្រឹមត្រូវ ដែលមានចំនួន ១ពាន់លានដុល្លារ នោះ។
មន្ត្រីសហរដ្ឋអាមេរិក មិនបានពន្យល់លំអិតពីសេចក្តីថ្លែងការណ៍នោះទេ ប៉ុន្តែបញ្ជាប្រតិបត្តិបង្វិលលុយចូលធនាគារកណ្តាលក្នុងប្រទេសមីយ៉ាន់ម៉ានោះ គឺក្រោយឈ្មោះធនាគារកណ្តាលមីយ៉ាន់ម៉ាតែប៉ុណ្ណោះ ដែលធនាគារនេះ ត្រូវបានគេដឹងថា ជាផ្នែកមួយនៃរដ្ឋាភិបាលរបបយោធាមីយ៉ាន់ម៉ា។ បទបញ្ជានេះអនុញ្ញាតឱ្យរឹបអូសទ្រព្យសម្បត្តិរបស់រដ្ឋាភិបាលរបបយោធាមីយ៉ាន់ម៉ា ក្រោយពួកគេធ្វើរដ្ឋប្រហារ។
ប្រភពពីមន្ត្រីសហរដ្ឋអាមេរិក ពីរនាក់បានថ្លែងប្រាប់រ័យទ័រថា បទបញ្ជានេះ គឺអនុញ្ញាតដោយស្របច្បាប់និងផ្តល់សិទ្ធអំណាចដល់ ធនាគារបម្រុងសហព័ន្ធ ក្នុងទីក្រុងញូវយ៉ក ក្នុងការកាន់កាប់លុយមូលនិធិ ១ពាន់លានដុល្លារអាមេរិក ដោយមិនបានកំណត់ពេលវេលាជាក់លាក់ណាមួយនោះទេ៕
ចែករំលែកព័តមាននេះ