រាជធានីភ្នំពេញ ៖ យុវជនម្នាក់ជិះម៉ូតូមួយគ្រឿងសង្ស័យបើកបរក្នុងល្បឿនលឿន ក៏រេចង្កូតជ្រុលទៅបុករបងផ្ទះវិឡាមួយកន្លែងយ៉ាងពេញទំហឹង បណ្តាលឲ្យបោកក្បាលស្លា.ប់ភ្លាមៗនៅកន្លែងកើតហេតុ កាលពីវេលាម៉ោង១២និង៥នាទីរំលងអាធ្រាត្រឈានចូលថ្ងៃទី៥ ខែមីនា ឆ្នាំ២០២១ ត្រង់ចំណុចផ្ទះវីឡាមួយកន្លែង តាមបណ្ដោយផ្លូវបេតុង ស្ថិតក្នុងភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
ជនរងគ្រោះឈ្មោះ សំ ពិសី ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅភូមិវាលស្បវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ មានស្រុកកំណើតនៅភូមិព្រៃជីក ស្រុកពៃប្រសព្វ ខេត្តក្រចេះ ជាអ្នកបើកបរម៉ូតូមួយគ្រឿងម៉ាកហុងដាស្គូភី ស៊េរីឆ្នាំ២០១២ ពណ៌ក្រហម ពាក់ស្លាកលេខ ភ្នំពេញ 1BB-9244 ។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញយុវជនរងគ្រោះជិះម៉ូតូមួយគ្រឿង ធ្វើដំណើរតាមបណ្ដោយផ្លូវបេតុង ក្នុងទិសដៅពីត្បូងទៅជើងក្នុងល្បឿនយ៉ាងលឿន ឆ្ពោះទៅផ្លូវជាតិលេខ១ លុះដល់ចំណុចកើតហេតុ ស្រាប់តែម៉ូតូនោះបានរេចង្កូតទៅខាងស្ដាំ រួចក៏ជ្រុលទៅបុករបងផ្ទះវីឡា បណ្តាលលឲ្យយុវជនរងគ្រោះដួលបោកក្បាលនឹងរបងថ្មបែកក្បាលស្លា.ប់ភ្លាមៗយ៉ាងអាណោចអាធ័ម។ ចំណែកឯម៉ូតូបានរងការខូចយ៉ាងដំណំ រីឯរបងផ្ទះវីឡាបានរងការខូចខាតបន្តិចបន្តួច។ បន្ទាប់មកក៏មានប្រជាពលរដ្ឋដែលនៅជុំវិញកន្លែងកើតហេតុបានចេញមកមើល និងរាយការណ៍ទៅកម្លាំងសមត្ថកិច្ចមូលដ្ធានឲ្យចុះមកជួយធ្វើការអន្តរាគមន៍ភ្លាមៗផងដែរ។
ក្រោយពេលកើតហេតុ សមត្ថកិច្ចមូលដ្ឋាននិងសមត្ថកិច្ចជំនាញក៏បានស្រាវជ្រាវស្វែងរកសាច់ញាតិជនរងគ្រោះ និងយកស.ពយុវជនរងគ្រោះទៅតម្កល់ទុកនៅវត្តព្រែកឯងដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពែណី។ ដោយឡែកម៉ូតូត្រូវបានសមត្ថកិច្ចជំនាញយកទៅរក្សាទុកនៅអធិការដ្ឋាននគរបាលខណ្ឌច្បារអំពៅរង់ចាំប្រគល់ទៅឲ្យក្រុមគ្រួសារជនរងគ្រោះវិញនៅពេលក្រោយជាបន្តទៀត៕
ចែករំលែកព័តមាននេះ