សហរដ្ឋអាមេរិក ៖ យានអវកាសសម្រាប់ពេលអនាគតរបស់ក្រុមហ៊ុនអាមេរិក SPACEX គឺយាន STARSHIP អាចចុះដល់ដីកាលពីថ្ងៃទី៣ មីនា នៅតិចសាស់ មុនពេលវាផ្ទុះឆេះប៉ុន្មាននាទីក្រោយមក ។ យាន២ទៀតរបស់ក្រុមហ៊ុននោះធ្លាប់បានផ្ទុះឆេះពេលចុះកាលពីខែធ្នូ និងបន្ទាប់មកនាដើមខែកុម្ភៈ ។
យានសាកល្បងសម្រាប់អនាគតយានអវកាស STARSHIP របស់ក្រុមហ៊ុន SPACEX ដែល២គ្រឿងមុនធ្លាក់ជាមួយភ្លើងឆាបឆេះពេលចុះលើកនេះអាចចុះមកដល់ដីតែផ្នែកមួយមុនពេលផ្ទុះ ។ យាន STARSHIP SN10 បានមកដល់ដីមុនមានការផ្ទុះ ។ នេះជាការអះអាងរបស់ស្ថាបនិក SPACEXលោកELON MUSK ។
អណ្ដាតភ្លើងត្រូវបានមើលឃើញនៅជើងយាន ដែលកំពុងពន្លត់ដោយក្រុមនៅនឹងកន្លែង ។ ប៉ុន្មាននាទីក្រោយមកមានការផ្ទុះដ៏ខ្លាំងដែលបំផ្លោងយាននោះទៅលើអាកាសមុនពេលធ្លាក់មកវិញ ។ ពុំមានការពន្យល់ណាមួយត្រូវបានធ្វើក្នុងពេលភ្លាមៗឡើយ ។
យាននោះជាការជ្រើសរើសរបស់ SPACEX ដើម្បីនាថ្ងៃណាមួយហោះទៅកាន់ភពព្រះអង្គារ ។
យាននេះត្រូវបានបាញ់បង្ហោះសាកនាវេលាម៉ោង២៣និង២០នាទីម៉ោងសកលចេញពី BOCA CHICA រដ្ឋតិចសាស់សម្រាប់ការសាកល្បងលើកទី៣ ។
យាននោះបានហោះទៅលើមេឃដោយសារម៉ាស៊ីនជម្រុញ៣ដែលរលត់ម្ដងមួយៗ ហើយយានបានហោះផ្ដេកវិញ ។ វាហោះហើរក្នុងកម្ពស់១០គីឡូម៉ែត្រដោយកាំជ្រួចមួយមុនពេលចាប់ផ្ដើមចុះមកវិញ ។ យាននោះបន្ទាប់មកបានហោះត្រង់វិញ និងអាចចុះដល់ដីដំបូងពុំមានបញ្ហានៅកន្លែងមួយដែលបានកំណត់ទុក ។
ការសាកល្បងយានទាំងនោះត្រូវបានធ្វើក្នុងតំបន់គ្មានមនុស្សរស់នៅមួយ ដែលជួលដោយ SPACEX នាចុងខាងត្បូងរដ្ឋតិចសាស់ជិតព្រំដែនជាមួយម៉ិកស៊ិក និងនៅមាត់ឈូងសមុទ្រម៉ិកស៊ិកជាតំបន់ដែលការផ្ទុះឆេះមិនបង្កគ្រោះថ្នាក់ដល់មនុស្សនិងទ្រព្យសម្បត្តិ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ