ប្រទេសមីយ៉ាន់ម៉ា ៖ ថ្មីៗនេះ លោក Paing Takhon តារាសម្តែងនិងជាតារាម៉ូដែលដ៏ល្បីឈ្មោះនិងប្រទេសមីយ៉ាន់ម៉ា បានចេញមុខអំពាវនាវដល់មហាជននិងអន្តរជាតិ ឱ្យជួយប្រទេសមីយ៉ាន់ម៉ា តាយរយៈការជួយផ្សព្វផ្សាយនូវរឿងពិតប្រាកដ…
ប្រទេសមីយ៉ាន់ម៉ា ៖ ថ្មីៗនេះ លោក Paing Takhon តារាសម្តែងនិងជាតារាម៉ូដែលដ៏ល្បីឈ្មោះនិងប្រទេសមីយ៉ាន់ម៉ា បានចេញមុខអំពាវនាវដល់មហាជននិងអន្តរជាតិ ឱ្យជួយប្រទេសមីយ៉ាន់ម៉ា តាយរយៈការជួយផ្សព្វផ្សាយនូវរឿងពិតប្រាកដ ដែលបានកើតឡើងក្នុងប្រទេសលោក ក្រោយការធ្វើរដ្ឋប្រហារទំលាក់លោកស្រី អ៊ុងសាង ស៊ូជី កាលពីថ្ងៃទី ១ ខែ កុម្ភៈ ឆ្នាំ ២០២១មក ។
ការអំពាវនាវរបស់បុរសសង្ហាសាច់ដុំមាំធំៗនេះត្រូវបានធ្វើឡើង នៅក្នុងបណ្តាញសង្គម Instagram របស់លោក Paing Takho បន្ទាប់ពីលោកក៏បានចូលរួមធ្វើបាតុកម្មតវ៉ា ប្រឆាំងរបបយោធាដែលកំពុងគ្រប់គ្រងប្រទេសម៉យ៉ាន់ម៉ាតាមរយៈការធ្វើរដ្ឋប្រហារនោះ។
លោក Paing Takhoដែលជាតារាសម្តែងនិងតារាម៉ូឌែល ដែលល្បីល្បាញមួយរូបក្នុងប្រទេសមីយ៉ាន់ម៉ា បានសរសេរថា ជូនចំពោះ មិត្តជាទីស្រឡាញ់ទាំងអស់ដែលនៅជុំវិញពិភព លោកថា «ខ្ញុំសូមការស្នើសុំជំនួយពីអ្នកទាំងអស់គ្នា។ សូមអ្នកទាំងអស់គ្នាប្រាប់និងចែករំលែកព័ត៌មានពិតទៅកាន់ពិភពលោក ប្រសិនបើក្នុងប្រទេសរបស់ខ្ញុំត្រូវបានកាត់ផ្តាច់នូវប្រព័ន្ធអ៉ីនធើណេតទូទាំងប្រទេសនោះ។ ប្រទេសរបស់យើង មីយ៉ាន់ម៉ា មិនមានសុវត្ថិភាពទៀតទេ។ យើងតែងតែមានក្តីបារម្ភជានិច្ចកាល រៀងរាល់រាត្រីដែលអ្វីមួយអាចកើតឡើងបានគ្រប់ពេល ព្រោះខណៈដែលយើងមិនមានមេដឹកនាំល្អម្នាក់។ យើងធ្លាប់មានក្តីសង្ឃឹមទៅលើវីរៈនារីរបស់យើង គឺលោកស្រី អ៊ុងសាង ស៊ូជី ប៉ុន្តែគាត់ត្រូវបានឃុំខ្លួនដោយពួកយោធាមីយ៉ាន់ម៉ា ដែលពួកគេនេះបានធ្វើរដ្ឋប្រហា កាលពីថ្ងៃទី ១ ខែ កុម្ភៈ ឆ្នាំ ២០២១មក» ។
លោកបានបន្តថា «ពួកយើងមិនអាចគេង និងមានអារម្មណ៍ថាមិនមានសុវត្ថិភាពដូចមុនទៀតទេ ពីព្រោះពួកយោធា បានដោះលែងអ្នកទោស ដើម្បីមកបៀតបៀនប្រជាពលរដ្ឋស្លូតត្រង់ ដូចជាការដុតភ្លើង វាយបំបែកនិងកំទេចផ្ទះនៅពេលរាត្រី មានខ្លះទៀតបានដាក់ថ្នាំបំពុលក្នុងទឹកសម្រាប់ទទួលទាន ។ ប្រជាជនមីម៉ាន់ម៉ា មិនមានសុវត្ថិភាពដូចមុននោះទេ ពួកយើងមិនមានអារម្មណ៍ថាមានសុវត្ថិភាពនៅពេលយប់ផងដែរ។ សូម្បីតែប៉ូលីស និងយោធា គឺកំពុងធ្វើទុកបុកម្នេញ ទៅលើប្រជាជនមីយ៉ាន់ម៉ា និងពួកយើងអាចនឹងបាត់បង់ក្តីសង្ឃឹមផងដែរ។ ខ្ញុំមិននឹកស្មានថា ពួកគេអាចធ្វើបែបនេះដាក់ប្រជាជនខ្លួនឯងនោះទេ។ វាបានធ្វើឱ្យបេះដូងរបស់ខ្ញុំខ្ទេចខ្ទាំខ្លាំង» ។
លោកបានសំណូមពរ ថាសូមជួយចែករំលែកជាមួយនឹងការដាក់ hashtag of (What is happening in Myanmar) ដើម្បីព័ត៌មានទាំងនេះបានដល់មេដឹកនាំអ្នកគ្រប់គ្នា។ យើងពិតជាត្រូវការការជួយនិងប្រតិកម្មភ្លាមៗ ពីមេដឹកនាំនៃប្រទេសអ្នកគ្រប់គ្នា។
លោកបន្ថែមថា ៖ «ការជួយរបស់អ្នកគឺមិនមែនត្រឹមតែជួយខ្ញុំនោះទេ គឺជួយដល់ប្រជាជនមីយ៉ាន់ម៉ាទូទាំងប្រទេស។ សូមជួយសង្គ្រោះប្រទេសមីយ៉ាន់ម៉ា នេះជាការអង្វរកររបស់ខ្ញុំ»។
គួរបញ្ជាក់ផងដែរថា ថ្មីៗនេះបានលេចលឺដំណឹងថាលោក Paing Takhoបានបាត់ខ្លួន ក្រោយគ្រួសាររបស់លោកបានប្រកាសស្វែងរកដំណឺងលោក។ ខាងគ្រួសាររបស់លោកបានប្រកាស ឱ្យមហាជនជួយប្រាប់ពីដំណឹងរបស់លោកផង ប្រសិនជាមាននរណាម្នាក់បានដឹងថា គាត់នៅទីណា។ ការស្វែងរកនេះត្រូវបានធ្វើឡើង ក្រោយបានបាត់ការទាក់ទងកាលពីម្សិលមិញ៕
ចែករំលែកព័តមាននេះ