លោកតាកំពុងដេកឈឺក្នុងខ្ទមកំសត់ ហើយក៏កំពុងដង្ហោយរកការសង្គ្រោះជីវិត
- ក្រចេះ
ខេត្តក្រចេះ ៖ លោកអ៊ំ រាជរៀម អាយុ៦៥ឆ្នាំ រស់នៅភូមិកញ្ជ័រ ឃុំកញ្ជ័រ ស្រុកឆ្លូង ខេត្តក្រចេះ រស់នៅតែម្នាក់ឯង…
ខេត្តក្រចេះ ៖ លោកអ៊ំ រាជរៀម អាយុ៦៥ឆ្នាំ រស់នៅភូមិកញ្ជ័រ ឃុំកញ្ជ័រ ស្រុកឆ្លូង ខេត្តក្រចេះ រស់នៅតែម្នាក់ឯង…
ខេត្តក្រចេះ ៖ លោកអ៊ំ រាជរៀម អាយុ៦៥ឆ្នាំ រស់នៅភូមិកញ្ជ័រ ឃុំកញ្ជ័រ ស្រុកឆ្លូង ខេត្តក្រចេះ រស់នៅតែម្នាក់ឯង មានជំងឺប្រចាំកាយដេកឈឺស្ដូកស្ដឹងក្នុងខ្ទមកំសត់ កំពុងដង្ហោយស្វែងរកជំនួយមនុស្សធម៌ពីសប្បុរសជន ។
លោកស្រី ជា ប៉ុណ្ណារី មេឃុំកញ្ជ័របានរៀបរាប់ប្រាប់ឱ្យដឹងថា លោកអ៊ំ រាជ រៀម មានទីលំនៅ ដូបបានរៀបរាប់ខាងលើ ។ សព្វថ្ងៃ រស់នៅម្នាក់ឯង គ្មានទីពឹង គ្មានផ្ទះសម្បែង គ្មានដីធ្លី រស់នៅដោយអាស្រាយអ្នកជិតខាង ដោយបានសង់ខ្ទមឱ្យស្នាក់នៅលើដីរបស់អ្នកស្រុក ។
លោកស្រី មេឃុំ បានបន្តថា ពីមុនមក រូបគាត់ធ្លាប់មានកូនចៅដែរ ប៉ុន្តែកន្លងផុតទៅជាច្រើនឆ្នាំ មិនដឹងថា កូនៗរបស់គាត់រស់នៅទីណា ហើយបាត់ដំណឹងសូន្យឈឹង ។ ពេលដែលឈឺថ្កាត់ម្តងៗ គឺបានអ្នកជិតខាងជួយយកអាសារ និងបានឧបត្ថម្ភនូវគ្រឿងឧបភោគបរិភោគ បាយ សម្លរ ជាដើម ។
ជាក់ស្តែង សព្វថ្ងៃនេះ ស្ថានភាពសុខភាព លោកអ៊ំ រាជ រៀម កំពុងដេកឈឺដុនដាបខ្លាំង ដេកក្រោកមិនរួច ដើរមិនកើត គ្មានលុយព្យាបាលជំងឺ គ្មានកូនចៅនៅក្បែរចាំថែរក្សា ។ លោកស្រី បន្ថែមថា ក្នុងនាមអាជ្ញាធរមូលដ្ឋាន កន្លងមក លោកស្រីបានស្វែងរកសុំជំនួយពីកាកបាតក្រហមកម្ពុជា សាខាខេត្តក្រចេះ មន្ទីរសង្គមកិច្ចខេត្ត និងសប្បុរសជននានា ដើម្បីជួយឧបត្ថម្ភ ជួយសង្គ្រោះដល់រូបគាត់ផងដែរ ។
ជាក់ស្តែង កាលពីថ្ងៃទី០១ ខែមិនា ឆ្នាំ២០២១នេះ កាកបាទក្រហមកម្ពុជា សាខាខេត្តក្រចេះ មន្ទីរសង្គមកិច្ចខេត្ត និងក្រុមការងារគណបក្សប្រជាជនចុះជួយមូលដ្ឋានឃុំកញ្ជ័រ បាននាំយកសម្ភារៈប្រើប្រាស់គ្រឿងឧបភោគ បរិភោគ និងថវិកាមួយចំនួន ប្រគល់ជូនដល់លោកអ៊ំ រាជ រៀម ផងដែរ ជាការឆ្លើយតបផងដែរ ។
ទោះជាយ៉ាងណាក្តី សង្ឃឹមថា មានសប្បុរសជនជាច្រើនជួយឧបត្ថម្ភអំណោយមនុស្សធម៌បន្តដល់រូបគាត់ ដើម្បីព្យាបាលជំងឺ ក៏ដូចជាដើម្បីដោះស្រាយជីវភាពប្រចាំថ្ងៃផងដែរ ៕
ចែករំលែកព័តមាននេះ