សហរដ្ឋអាមេរិក ៖ ជាកាយវិការមួយដែលប្រធានាធិបតីទី៤៥ របស់សហរដ្ឋអាមេរិកមិនចេញការប្រកាសប្រាប់ឲ្យគេដឹងជាសាធារណៈថា លោកនិងភរិយាបានចាក់វ៉ាក់សាំងរួចហើយ ។ តែមនុស្សនៅជុំវិញលោកអះអាងប្រាប់ទីភ្នាក់ងារព័ត៌មានបារាំង AFP កាលពីថ្ងៃទី១ មីនា…
សហរដ្ឋអាមេរិក ៖ ជាកាយវិការមួយដែលប្រធានាធិបតីទី៤៥ របស់សហរដ្ឋអាមេរិកមិនចេញការប្រកាសប្រាប់ឲ្យគេដឹងជាសាធារណៈថា លោកនិងភរិយាបានចាក់វ៉ាក់សាំងរួចហើយ ។
តែមនុស្សនៅជុំវិញលោកអះអាងប្រាប់ទីភ្នាក់ងារព័ត៌មានបារាំង AFP កាលពីថ្ងៃទី១ មីនា ថា លោកដូណាល់ ត្រាំ និងភរិយាលោកស្រីមីឡានីញ៉ា បានចាក់វ៉ាក់សាំងប្រឆាំងវីរុសកូវីដ-១៩ រួចហើយតាំងពីអ្នកទាំង២មិនទាន់ចាកចេញពីសេតវិមានមកម្ល៉េះ ។
ពុំមានការបញ្ជាក់ក្រៅពីនោះទៀតឡើយ ។ផ្ទុយទៅវិញប្រធានាធិបតីថ្មី លោកចូ បៃដិន បានចាក់វ៉ាក់សាំងផ្សាយបន្តផ្ទាល់តាមទូរទស្សន៍កាលពីថ្ងៃទី២១ ធ្នូ ប៉ុន្មានសប្ដាហ៍មុនលោកចូលក្នុងសេតវិមាន ខណៈលោកដូណាល់ត្រាំ មិនបានប្រកាសឲ្យដឹងជាសាធារណៈថា លោកបានចាក់វ៉ាក់សាំងរួចហើយ ។
កាលពីថៃ្ងទី២៨ កុម្ភៈ ក្នុងសុន្ទរកថាលើកដំបូងចាប់តាំងពីលោកចាកចេញពីសេតវិមានមក លោកត្រាំវាយតម្លៃថា គ្រប់គ្នាត្រូវតែទៅចាក់វ៉ាក់សាំង ។ សេចក្ដីថ្លែងការណ៍បែបនោះរបស់លោក ធ្វើឡើងពេលអ្នកគាំទ្រលោកមួយចំនួននៅតែមានការរារែកក្នុងការចាក់វ៉ាក់សាំង ។
ធ្វើតេស្តឃើញលទ្ធផលវិជ្ជមាននៃការឆ្លងវីរុសកាលពីដើមខែតុលា លោកត្រាំធ្លាប់ចូលមន្ទីរពេទ្យព្យាបាលជំងឹនោះអស់ច្រើនថ្ងៃ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ