តាមលក្ខខណ្ឌពុទ្ធប្បញ្ញត្តិបានហាមប្រាមបុគ្គល១១ពួកមិនអនុញ្ញាតឱ្យបួសនៅក្នុងព្រះពុទ្ធសាសនាបានឡើយ បើទោះជាបុគ្គលនោះមានចិត្តជ្រះថ្លាចង់សាងផ្នួសបួសជាសង្ឃក៏ដោយ ។
បុគ្គលទាំង១១ពួកនោះ ១- ខ្ទើយ ២- បុគ្គលលួចភេទ គឹបួសមិនត្រឹមត្រូវទៅតាមធម៌វិន័យ ៣- ភិក្ខុចូលអន្យតិរ្ថិយ ៤- សត្វតិរច្ឆាន ៥- បុគ្គលសម្លាប់មាតា ៦- បុគ្គលសម្លាប់បិតា ៧- បុគ្គលសម្លាប់ព្រះអរហន្ត ៨- បុគ្គលរំលោភភិក្ខុនី ៩- បុគ្គលបំបែកសង្ឃ ១០- បុគ្គលប្រទូសរ៉ាយព្រះពុទ្ធ និង១១- បុគ្គលមានអវយវៈពីរភេទ ។
ហេតុអ្វីបានជាបុគ្គលទាំង១១ពួកនេះបួសមិនបាន ? ព្រោះថាបើបុគ្គលទាំងនេះបួសនឹងនាំឱ្យព្រះពុទ្ធសាសនាអាប់ឱនកិត្តិយសព្រោះតែពាក្យនិន្ទា សម្តីរិះគន់អំពីពួកអ្នកស្រុក ។ ហេតុនោះទើបព្រះមានព្រះភាគហាមប្រាមមិនឱ្យបុគ្គលទាំង១១ពួកនេះបួសក្នុងសាសនារបស់ព្រះអង្គ ៕ សាន សារិន
ចែករំលែកព័តមាននេះ