រាជធានីភ្នំពេញ ៖ នៅមុននេះបន្តិច ក្រុមគ្រួសារសពឧក្រិដ្ឋជនម្នាក់ទៀតបានមកទទួលយកសពកូនទៅធ្វើបុណ្យ ខណៈសព២នាក់ ដែលបានស្គាល់អត្តសញ្ញាណបូជាជាបន្តបន្ទាប់រួចហើយ ។ សពជនសង្ស័យដែលស្គាល់អត្តសញ្ញាណម្នាក់នេះ គឺជាជនទី៣ហើយ មានឈ្មោះ…
រាជធានីភ្នំពេញ ៖ នៅមុននេះបន្តិច ក្រុមគ្រួសារសពឧក្រិដ្ឋជនម្នាក់ទៀតបានមកទទួលយកសពកូនទៅធ្វើបុណ្យ ខណៈសព២នាក់ ដែលបានស្គាល់អត្តសញ្ញាណបូជាជាបន្តបន្ទាប់រួចហើយ ។
សពជនសង្ស័យដែលស្គាល់អត្តសញ្ញាណម្នាក់នេះ គឺជាជនទី៣ហើយ មានឈ្មោះ ម៉ូវ ផានិត អាយុ២៣ឆ្នាំមុខរបរជាងរថយន្ត ស្នាក់នៅផ្ទះជួលនៅក្រោយវត្តតាខ្មៅ ក្រុងតាខ្មៅ ខេត្តកណ្តាល និងមានស្រុកកំណើតនៅភូមិព្រៃពង្រ ឃុំរការកោះស្រុកកងពិសី ខេត្តកំពង់ស្ពី ។
ពេលនេះយើងបានស្គាល់អត្តសញ្ញាណសពឧក្រិដ្ឋជនម្នាក់ទៀតហើយ ដែលជាជនទី៣ ដែលត្រូវបានឪពុកម្តាយមកយកនៅវត្តទឹកថ្លាហើយ ។ ម្តាយឪពុកគ្រាន់តែឃើញសពកូនភ្លាមក៏បានយំសោកយ៉ាងខ្លាំង ហើយគាត់និយាយថា នឹងរៀបចំបូជាសពនៅវត្តនេះ ហើយយកធាតុទៅផ្ទះធ្វើបុណ្យ ។
គួរបញ្ជាក់ថា ជនសង្ស័យ២នាក់ ត្រូវបានលោកតាអាចារ្យបានបូជាសពរួចហើយ ក្នុងនោះឧក្រិដ្ឋជនម្នាក់ឈ្មោះ រី ពិសី គឺត្រូវបានក្រុមគ្រួសារបូជាសពរួចហើយ ប៉ុន្តែនៅជនទី២ អត់ទាន់ស្គាល់អត្តសញ្ញាណហើយត្រូវបានបូជា តែមិនទាន់បានរើសធាតុឡើយ ហើយគ្រោងនឹងបូជាជនទី៣ ឈ្មោះ ម៉ូវ ផានិតនេះ បន្តទៀតនេះ បន្ទាប់ពីរើសធាតុជនទី២ រួច ។
ម្តាយឪពុកសពជនទី៣ បាននិយាយថា គាត់ទើបបានមើលឃើញក្នុងបណ្តាញសង្គម និងបានដឹងដំណឹងនៅវេលាម៉ោង១១ព្រឹកនេះ រួចក៏បានធ្វើដំណើរមកវត្តទឹកថ្លាតែម្តង ។
បើតាមស្ត្រីជាម្តាយបានប្រាប់ថា «មេជាងនៅកន្លែងធ្វើឡានបានតេទៅគាត់ថា អត់ឃើញកូនរបស់គាត់ទៅធ្វើការ ទើបផ្អើលឆោឡោ ពេលមើលបណ្តាញសង្គមទៅ គឺជាកូនរបស់ខ្លួនដែលបានស្លាប់ ។
រហូតមកដល់ម៉ោងនេះ សព២នាក់បានបូជារួចហើយ ដែលសពទី១ ឈ្មោះ រី ពិសី ដែលក្រុមគ្រួសារមកទទួលតាំងពីព្រឹក និងសពទី២ មិនទាន់ស្គាល់អត្តសញ្ញាណនោះត្រូវបានលោកតាអាចារ្យកំពុងបូជា និងបន្តទៀតនេះត្រូវបានបូជាសពទី៣ ដែលឪពុកម្តាយមកទទួលហើយ ។ ចំណែកសពទី៤ មិនទាន់ឃើញមានអ្នកមកទទួលទេ និងមិនទាន់បានបូជាដែរ ៕
ចែករំលែកព័តមាននេះ