ភ្លៀងកក់ខែមួយមេ! ធ្វើឲ្យសំរាមមានការកកស្ទះនៅអូរស្ដេចមឹក(វីដេអូ)
- ព្រះសីហនុ
ខេត្តព្រះសីហនុ ៖ អភិបាលខេត្តព្រះសីហនុ លោក គួច ចំរើន បានឱ្យកោះសន្តិភាពដឹងថា នៅក្រុងព្រះសីហនុ ថ្ងៃទី០១ មីនា…
ខេត្តព្រះសីហនុ ៖ អភិបាលខេត្តព្រះសីហនុ លោក គួច ចំរើន បានឱ្យកោះសន្តិភាពដឹងថា នៅក្រុងព្រះសីហនុ ថ្ងៃទី០១ មីនា…
ខេត្តព្រះសីហនុ ៖ អភិបាលខេត្តព្រះសីហនុ លោក គួច ចំរើន បានឱ្យកោះសន្តិភាពដឹងថា នៅក្រុងព្រះសីហនុ ថ្ងៃទី០១ មីនា ឆ្នាំ២០២១នេះ មានភ្លៀងកក់ខែក្នុងកម្រិតចិត្ត 78.8 ម៉ែត្រ ធ្វើឲ្យសំរាមហូតាមអូរមកជាប់នៅទីតាំងចាប់សំរាមអូរស្ដេចមឹកច្រើនគួរសម ដែលធ្វើអោយមានការស្ទះទឹកតិចតូច ។
លោកបន្តថា ប៉ុន្តែភ្លាមៗនេះ មន្ត្រីជំនាញបានយកគ្រឿងចក្រទៅកាយសំរាម និងសម្រួលប្រព័ន្ធផ្លូវទឹកអោយហូរបានលឿនជាធម្មតាវិញហើយ ។
សូមបញ្ជាក់ថា អូរស្តេចមឹកនេះ គឺជាប្រឡាយមេចុងក្រោយ បន្ទាប់ពីអាងចម្រុះទឹក ដែលទទួលរងពីអូរ ឬប្រឡាយមេធំៗខាងលើប្រមាណ៥ខ្សែ ហើយប្រជាពលរដ្ឋតែងតែបោះសំរាមចោលចូលក្នុងប្រឡាយ ដូច្នេះអោយតែមានភ្លៀងមកម្តងៗ គឺតែងតែមានសំរាមជាប្រចាំ។
ស្របពេលនោះ លោក គួច ចំរើន សូមអំពាវនាវដល់ប្រជាពលរដ្ឋក៏ដូចជា អាជីវករ សូមមេត្តាទុកដាក់សំរាមអោយមានរបៀបរៀបរយ និងវេចខ្ចប់អោយបានស្រួលបួលផង សូមកុំបោះសំរាមចោលពាសវាលពាសកាល ដែលបង្កអោយមានការលិចលង់ និងលំបាក់លំបិនទាំងអស់គ្នា ដូចនេះសុំអោយមានការចូលរួមទាំងអស់គ្នា៕
ចែករំលែកព័តមាននេះ