ខេត្តកណ្ដាល ៖ បុរសម្នាក់ស្លាប់ក្នុងថ្លុកឈាមយ៉ាងអាណោចអាធ័ម ខណៈបើកបរម៉ូតូត្រូវរថយន្តដឹកសសរបុកគ្រឹះរបស់ក្រុមហ៊ុន ស្តើង ខារី បើកថយក្រោយបណ្ដាលឲ្យបុរសរងគ្រោះជាអ្នកបើម៉ូតូបុកជាមួយនឹងសសរគ្រឹះដែលនៅលើរថយន្ត ដួលបោកក្បាលទៅនឹងផ្លូវស្លាប់ភ្លាមៗ។ ហេតុការណ៍នេះបានកើតឡើងកាលពីថ្ងៃទី២៧ ខែកុម្ភៈ…
ខេត្តកណ្ដាល ៖ បុរសម្នាក់ស្លាប់ក្នុងថ្លុកឈាមយ៉ាងអាណោចអាធ័ម ខណៈបើកបរម៉ូតូត្រូវរថយន្តដឹកសសរបុកគ្រឹះរបស់ក្រុមហ៊ុន ស្តើង ខារី បើកថយក្រោយបណ្ដាលឲ្យបុរសរងគ្រោះជាអ្នកបើម៉ូតូបុកជាមួយនឹងសសរគ្រឹះដែលនៅលើរថយន្ត ដួលបោកក្បាលទៅនឹងផ្លូវស្លាប់ភ្លាមៗ។ ហេតុការណ៍នេះបានកើតឡើងកាលពីថ្ងៃទី២៧ ខែកុម្ភៈ ឆ្នាំ២០២១ វេលាម៉ោង៥ និង៤០នាទីល្ងាច ត្រង់ចំណុចខាងមុខបុរីសិរីមង្គល ស្ថិតនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្ដាល។
មន្ត្រីនគរបាលចរាចរណ៍ក្រុងតាខ្មៅបានឲ្យដឹងថាជនរងគ្រោះស្លាប់ឈ្មោះ ញៀម តាំងឃឹម ភេទប្រុស អាយុ៥៤ឆ្នាំ ស្នាក់នៅភូមិស្វាយជួរ ឃុំកោះខែ ស្រុកស្អាង ខេត្តកណ្តាល បើកបរម៉ូតូម៉ាកហុងដា គុបជ្រុង ធុន៩០ ពាក់ស្លាក លេខ កណ្តាល 1X-5728។ ចំណែករថយន្តបង្កម៉ាកហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3E-3294 បើកបរដោយជនមិនស្គាល់អត្តសញ្ញាណ(រត់គេចខ្លួន)។
ប្រភពដដែលបន្តថា នៅមុនពេលកើតហេតុសាក្សីបានឃើញរថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E-3294 ដឹកសសបុកគ្រឹះ បានថយចេញពីការដ្ឋានស្របពេលជាមួយគ្នានោះ ក៏មានម៉ូតូមួយគ្រឿងបើកបរក្នុងទិសដៅពីជើងទៅត្បូង រួចក៏បុកចំចុងសសរថ្មគ្រឹះក្រោយរថយន្ត បណ្តាលឲ្យអ្នកបើកម៉ូតូស្លាប់តែម្ដង។ បន្ទាប់ពីមានហេតុការណ៍កើតឡើង សមត្ថកិច្ចជំនាញក្រុងតាខ្មៅ បានចុះដល់កន្លែងកើតហេតុ រួចធ្វើការពិនិត្យវាស់វែង កសាងឯកសារដកហូតមធ្យោបាយពាក់ព័ន្ធទាំង២គ្រឿងយកមកអធិការដ្ឋាននគរបាលក្រុងដើម្បីចាត់ការតាមនីតិវិធីច្បាប់។ ចំណែកសាកសពជនរងគ្រោះ ត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅចាត់ចែងធ្វើបុណ្យតាមប្រពៃណី៕ ដោយ ៖ ប៉ឹង ឆដា
ចែករំលែកព័តមាននេះ