លេច​វត្តមាន ពេជ្រ ច័ន្ទ​បរ​មី មក​ភ្ជាប់ពាក្យ​កូនស្រី​ចាន់ តារា​ទី​ស្ងាត់​ៗ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

លេច​វត្តមាន ពេជ្រ ច័ន្ទ​បរ​មី មក​ភ្ជាប់ពាក្យ​កូនស្រី​ចាន់ តារា​ទី​ស្ងាត់​ៗ

1 ខែ មុន
  • Phnom Penh

រាជធានី​ភ្នំពេញ ៖ មាន​មនុស្ស​តិច​បំផុត នៅ​ក្នុង​ចង្កោម​សិល្បៈ​ដែល​បានដឹង​ថា អ្នកស្រី ចាន់ តារា​ទី បាន​ភ្ជាប់ពាក្យ​កូនស្រីរបស់អ្នកនាងយ៉ាង​រីករាយ​ជាមួយ​សាច់ញាតិ​ទាំង​សងខាង ជាពិសេសនោះ​សូម្បីតែអតីតស្វាមីដែលជាមន្ត្រីធំក្នុងជួររាជរដ្ឋាភិបាលក៏បានមកចូលរួមផងដែរ ។…

រាជធានី​ភ្នំពេញ ៖ មាន​មនុស្ស​តិច​បំផុត នៅ​ក្នុង​ចង្កោម​សិល្បៈ​ដែល​បានដឹង​ថា អ្នកស្រី ចាន់ តារា​ទី បាន​ភ្ជាប់ពាក្យ​កូនស្រីរបស់អ្នកនាងយ៉ាង​រីករាយ​ជាមួយ​សាច់ញាតិ​ទាំង​សងខាង ជាពិសេសនោះ​សូម្បីតែអតីតស្វាមីដែលជាមន្ត្រីធំក្នុងជួររាជរដ្ឋាភិបាលក៏បានមកចូលរួមផងដែរ ។

Picture

ដោយសារតែមានមនុស្សតិចតួចបំផុតបានដឹងអំពីពិធីមង្គលរបស់កូនស្រីតារាសម្តែងស្រីចាស់វស្សានេះ ម្ល៉ោះហើយ​គ្រប់​គ្នា​សុទ្ធតែ​បង្ហាញ​នូវ​អារម្មណ៍​ភ្ញាក់ផ្អើល​នៅ​ពេល​ដឹង​ថា កូនស្រី​តារា​សម្តែង​ជើង​ចាស់ ដែលមានទម្រងមុខដូចតួកុនឥណ្ឌា បានភ្ជាប់ពាក្យ ហើយបើ​និយាយ​ពី​រូប​សម្រស់​វិញ គឺកូនស្រីរបស់តារាសម្តែងឆ្នើមរូបនេះ គឺពិតជា​ស្អាត​ផូរផង់ ចង់​លើស​តារា​មួយ​ចំនួន ។

ពិធី​ភ្ជាប់ពាក្យកូនស្រីរបស់អ្នកនាង ចាន់ តារាទី បាន​ធ្វើ​ឡើង កាលពី​ព្រឹក​ថ្ងៃ​ទី​២៧ កុម្ភៈ ឆ្នាំ​២០២១ ក្នុង​បុរី​ពិភព​ថ្មី​ច​ម្លា​រ​ដូង ។ អ្វី​ដែល​គេ​ដឹង​នោះ គឺ​ក្រៅពី​មាន​វត្តមាន អ្នកស្រី ចាន់ តារា​ទី ជា​ម្តាយបង្កើត​ចូលរួម​ត្រេកអរ និង​ជូនពរ​កូន គឺ​ឃើញ វត្តមាន​អតីត តារា​សម្តែង​ជា​កំពូល សម្រស់ស្រស់សោភា អ្នកនាង ​ពេជ្រ ច័ន្ទ​បរ​មី មក​ចូលរួម​ជាមួយ​ស្វាមី ឯកឧត្តម កែវ វណ្ណ​ថន ( ឯកឧត្តម កែវ វណ្ណ​ថន គឺជា​អតីត​ស្វាមី​អ្នកស្រី ចាន់ តារា​ទី ) មក​ភ្ជាប់ពាក្យ​កូនលោក​ជាមួយនឹង​អតីត​ភរិយា និងបណ្តើរ​ភរិយា​បច្ចុប្បន្ន គឺអ្នកនាង ពេជ្រ ច័ន្ទបរមី មកក្នុងពីធីយ៉ាង​រាក់ទាក់ ហើយ​ចងដៃ​ជូន​កាដូទៀត ។

Picture

ម្ល៉ោះហើយ ពិធី​ទាំងមូល ញាំ​ង​បរិយាកាស​កាន់តែ​ចាប់អារម្មណ៍ ពេល​ឃើញ​វត្តមាន ម្តាយ​ខាង​ស្រី សុ​ទ្ឋ​តែ​ជា​អ្នក​ល្បីឈ្មោះក្នុងវិស័យសិល្បៈ ។ អ្វី​ដែល​មហាជន​សរសើរ គឺ​ឯកឧត្តម កែវ វណ្ណ​ថន ពិតជា​មាន​ភាព​ជា​ឪពុក នៅ​តែ​គ្រប់គ្រង តាំងពី​ដើម​ហើយ មិន​ចោល​កូនៗឡើយ ។ ឯ​អ្នកនាង ពេជ្រ ច័ន្ទ​បរ​មី ជា​ភរិយា​ក្រោយ​ ក៏​មានចិត្ត​ទូលាយ​ហើយ រាប់អាន​ដូច​ជា​កូនបង្កើត ។

Picture

កូនស្រី ចាន់ តារា​ទី ដែលបានភ្ជាប់ពាក្យនេះ គឺជា​កូន​ទី​២ ដែល​មានឈ្មោះ ថន រាជ​នី កូនបង្កើត​ឯកឧត្តម នាយ​ឧត្តមសេនីយ៍​កែវ វណ្ណ​ថន មាន​តួនាទី ជា​អគ្គ​ន​យក​រង​នៃ​អគ្គនាយកដ្ឋាន​អន្តោរ​ប្រវេសណ៍ ។ កូន​ៗ របស់​ឯកឧត្តម ទាំង​៣​នាក់ សុទ្ធតែ​មាន​សម្រស់​ស្រស់​ស្អាត ស្រស់​សោភា ដូច​តារា ប៉ុន្តែ​កូនប្រុស​ស្រី​របស់​លោក មិន​បាន​ចូល​សិល្បៈ​ទេ ខ្លះ​បម្រើ​ការងារ​ផ្នែក​រាជការ ។

Picture
Picture

យ៉ាងណា​គេ​នៅ​មិន​ទាន់​ដឹង អំពី​កាល​វេលា ចូល​រោងការ​ក្នុង​ខែ​ណា​ទេ ខណៈ​រឿង​មួយ​នេះ អ្នក​ណា​ក៏​ភ្ញាក់ផ្អើល​៕

Picture
Picture
Picture
Picture
Picture
Picture