ខេត្តកំពត ៖ ដោយក្តីអាណិតអាសូរលោកយាយឯម ចង ជាពន់ពេក ដែលមានព្រះជន្ម៨៤ឆាំ្នទៅហើយនៅតែដើររើសអេតចាយនៅក្នុងខេត្តកំពត ក៏ត្រូវបានទទួលអំណោយជាថវិកាចំនួន១០០ដុល្លាររបស់លោកជំទាវ វិញ ហួរ តាមរយៈកោះសន្តិភាព ។
លោកយាយឯម ចង មានស្រុកកំណើតរស់នៅជិតផ្សារតន់ហន់ ឃុំព្រែកក្រឹស ស្រុកកំពង់ត្រាច។ អំណោយទាំងនោះ ត្រូវបានភ្នាក់ងារប្រចាំការនៅខេត្តកំពតយកទៅប្រគល់ជូនលោកយាយឯម ចង កាលីព្រឹកថ្ងៃទី២៦ កុម្ភៈ នៅសាលាឃុំព្រែកក្រឹស ដោយមានលោកក្លូ មើយ មេឃុំស្ដីទី និងលោកហ៊ន សារ៉ាន់ ក្រុមប្រឹក្សាឃុំព្រែកក្រឹសផងដែរ ។
លោកស្រីហ៊ន សារ៉ាត់ ក្រុមប្រឹក្សាឃុំបាននិយាយថា លោកយាយឯម ចង គឺអាជ្ញាធរបានឧបត្ថមជូមជាហូរហែ ក្នុងនោះលោកយាយក៏មានបណ្ណ័សំធម៌ពីរាជរដ្ឋាភិបាលផងដែរហើយបើកប្រាក់ក្នុង1ខែៗបាន16មុឺនរៀល។
សម្រាប់ប្រាក់ចំនួន១០០ដុល្លារ ដែលលោកជំទាវវិញ ហ៊ួរ ឧបត្ថមដល់លោកយាយឯមចង នេះ ត្រូវបានប្រគល់ជូនដល់ដៃសាច់ប្រាក់២៨ម៉ឺនរៀល និងទិញគ្រឿងបរិភោគមានទឹកត្រី-មី-ទឹកដោះគោឆៅ-ត្រីងៀត-និងត្រីខ ។
លោកយាយឯម ចង ក៏បានប្រសិទ្ធិពរជ័យជួនដល់លោកម្ចាស់ទានអោយជួបប្រទះតែសេចក្ដីសុខ និងចម្រុងចម្រើនដល់ក្រុមគ្រួសារលោកឧកញ៉ាវិញ ហ៊ួរ ។
ចែករំលែកព័តមាននេះ