បន្ទាយមានជ័យ ៖ ពលករខ្មែរត្រឡប់ពីប្រទេសថៃចូលកម្ពុជា ដែលត្រូវធ្វើចត្តាឡីស័កមានចំនួន២១.៥៣៣នាក់ នៅថ្ងៃនេះ មានចំនួន១៦៩នាក់វរហូតដល់ល្ងាច ថ្ងៃទី២៥ ខែកុម្ភៈ ឆ្នាំ២០២១ តាមច្រកអូរបីជាន់ស្រុកអូរជ្រៅ…
បន្ទាយមានជ័យ ៖ ពលករខ្មែរត្រឡប់ពីប្រទេសថៃចូលកម្ពុជា ដែលត្រូវធ្វើចត្តាឡីស័កមានចំនួន២១.៥៣៣នាក់ នៅថ្ងៃនេះ មានចំនួន១៦៩នាក់វរហូតដល់ល្ងាច ថ្ងៃទី២៥ ខែកុម្ភៈ ឆ្នាំ២០២១ តាមច្រកអូរបីជាន់ស្រុកអូរជ្រៅ ។
លោក លី សុវណ្ណារិទ្ធ អភិបាលស្រុកអូរជ្រៅ បានប្រាប់ថា នៅថ្ងៃទី២៥ ខែកុម្ភៈ ឆ្នាំ២០២១នេះ មានពលករខ្មែរដែលត្រឡប់ពីប្រទេសថៃចូលមណ្ឌលសំចោតព្រំដែនអូរបីជាន់ស្រុកអូរជ្រៅ ដើម្បីទទួលពិនិត្យមានចំនួន១៦៩នាក់ ស្រី៧១នាក់ បើប្រៀបធៀបនៅថ្ងៃទី២៤ ខែកុម្ភៈ ឆ្នាំ២០២១មានចំនួន២០៨នាក់ ស្រី១០០នាក់ និងថ្ងៃទី២៣ ខែកុម្ភៈ ឆ្នាំ២០២១ មានចំនួន២៧៤នាក់ ស្រី១២៨នាក់ ក្រោយពេលទទួលពិនិត្យហើយត្រូវបានដឹកជញ្ជូនតាមរថយន្ត ក្រសួងការពារជាតិដាក់តាមមណ្ឌលធ្វើចត្តាឡីស័ក រយៈពេល១៤ថ្ងៃ នៅក្នុងខេត្តបន្ទាយមានជ័យ ។
លោកវេជ្ជៈបណ្ឌិត រឿន សុធី អនុប្រធានមន្ទីសុខាភិបាលខេត្តបន្ទាយមានជ័យ បានប្រាប់ថា រហូតដល់ថ្ងៃទី២៥ ខែកុម្ភៈ ឆ្នាំ២០២១នេះ ពលករខ្មែរដែលត្រឡប់ពីប្រទេសថៃចូលមកកម្ពុជាវិញ តាមច្រកភូមិសាស្គ្រខេត្តបន្ទាយមានជ័យ ដែលទទួលដាក់មណ្ឌលរហូតពេលនេះ មានចំនួន១៣មណ្ឌល ដែលត្រូវបានធ្វើចត្តាឡីស័កមានចំនួន២១,៥៣៣នាក់ ស្រី៩,៥៩៧នាក់ ហើយត្រូវបានយកសំណាក់ចំនួន២១,៥៥៩នាក់ស្រី៩,៦៦២នាក់ ហើយត្រូវបានបញ្ជូនចេញមានចំនួន១៦,៨៣៣នាក់ ស្រី៧,៥២២នាក់ អ្នកដែលធ្វើចត្តាឡីស័ករយៈពេល១៤ថ្ងៃ មានចំនួន១៣,៦១៥នាក់ ស្រី៦,១៣៨នាក់ ដែលកំពុងធ្វើចត្តាឡីស័កបន្តនៅសល់៤,៧០០នាក់ ស្រី២,០៧៨នាក់៕
ចែករំលែកព័តមាននេះ