អ្នកទស្សនវិជ្ជាពុទ្ធសាសនាបានពន្យល់ថា ចិត្តដែលនាំឱ្យបុគ្គលម្នាក់ជេរប្រមាថបុគ្គលដទៃទៀតមិនមែនជាចិត្តប្រកបដោយព្រហ្មវិហារធម៌គឺ មេត្តា ករុណា មុទិតា និងឧបេក្ខាឡើយ ។ ចិត្តបែបហ្នឹងជាចិត្តស្រាលប្រកបដោយបដិឃៈជាចិត្តចង្អៀតចង្អល់ ចិត្តថ្នាំងថ្នាក់, លោភៈ សេចក្តីលោភលន់, ទោសៈ សេចក្តីក្តៅក្រហាយ ការប្រទូស្ត និងមោហៈ ភាពល្ងង់ខ្លៅមិនដឹងទិសតំបន់ ។
លោកពន្យល់ថា ប៉ុន្តែមិនជាអ្វីទេ ទង្វើបែបហ្នឹងហើយទើបគេហៅថា ចិត្តមនុស្សបុថុជ្ជន មនុស្សគឺបែបហ្នឹង ស្រឡាញ់ ស្អប់ និន្ទា សរសើរ ជារឿងធម្មតារបស់បុថុជ្ជនទៅហើយ ។
ប៉ុន្តែបើយើងដឹងច្បាស់ថា ខ្លួនជាបុគ្គលបុថុជ្ជន ជាសាមញ្ញជន មិនមែនជាព្រះអរិយបុគ្គលនោះ យើងគ្រប់គ្នាគួរព្យាយាមសម្អាតនូវលោភៈ ទោសៈ និងមោហៈឱ្យស្អាតចេញពីចិត្តរបស់យើងបន្តិចម្តងៗ និងព្យាយាមហ្វឹកហាត់ដើម្បីអាចគ្រប់គ្រងចិត្តយើងបាន នោះជាឱកាសដែលបុថុជ្ជនគួរប្រតិបត្តិឱ្យបានល្អប្រសើរ ៕ សាន សារិន
ចែករំលែកព័តមាននេះ