សហរដ្ឋអាមេរិក ៖ ទីភ្នាក់ងារឱសថអាមេរិកអះអាងនាថ្ងៃទី២៤ កុម្ភៈ ពីប្រសិទ្ធភាពនៃវ៉ាក់សាំង
ប្រឆាំងវីរុស COVID-19 របស់ក្រុមហ៊ុន JOHNSON&JOHNSON ដែលចាក់តែមួយលើកនិងងាយទុកដាក់ត្រឹមសីតុណ្ហភាពក្នុងទូទឹកកក ។
វ៉ាក់សាំងនោះមានប្រសិទ្ធចំពោះវីរុសទម្រង់ថ្មីៗផងដែរ ត្រៀមអនុញ្ញាតឲ្យប្រើក្នុងពេលដ៏ឆាប់
ខាងមុខនេះនៅសហរដ្ឋអាមេរិក ។ ប្រសិទ្ធភាពរបស់វ៉ាក់សាំងនោះមាន៨៥,៩% ប្រឆាំងរូបភាព
ធ្ងន់ធ្ងរនៃជំងឺនៅសហរដ្ឋអាមេរិក ហើយវាក៏មានប្រសិទ្ធភាពផងដែរ ប្រឆាំងវីរុសដែលឆ្លងលឿន
ទម្រង់ថ្មីទាំងនោះដល់ទៅ៨១,៧%នៅអាហ្វ្រិក និង៨៧,៦%នៅប្រេស៊ីល ដែលនៅទីនោះបណ្ដាវីរុសទម្រង់ថ្មីកំពុងឆ្លងរាតត្បាតខ្លាំងក្លា ។
ទីភ្នាក់ងារឱសថអាមេរិក FDA បានសិក្សាដោយឯករាជ្យបណ្ដាលទ្ធផលនៃការសាកល្បងគ្លីនិក ដែលធ្វើលើមនុស្សប្រមាណជា៤០.០០០នាក់ក្នុងប្រទេសជាច្រើន និងបានចេញផ្សាយឯកសារមួយចំនួន២ថ្ងៃមុនកិច្ចប្រជុំរបស់គណៈកម្មាធិការពិគ្រោះយោបល់សម្រាប់ពិនិត្យការអនុញ្ញាតឲ្យប្រើក្នុងគ្រាបន្ទាន់នៃវ៉ាក់សាំងនោះនៅសហរដ្ឋអាមេរិក ។
វ៉ាក់សាំងនោះប្រមាណជា៣លានដូសបានត្រៀមចែកចាយ ចាប់ពីសប្ដាហ៍ខាងមុខនេះទៅ ។
ក្រុមហ៊ុន JOHNSON&JOHNSON អះអាងដែរថា មានបំណងផ្ដល់នូវវា់ក់សាំងរបស់ខ្លួនសរុប២០លានដូសរហូតដល់ខែមិថុនា ។ តែរដ្ឋាភិបាលអាមេរិកនិយាយថាធ្វើការជាមួយសហគ្រាសនោះ ដើម្បីជម្រុញសង្វាក់ផលិតកម្ម ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ