សហរដ្ឋអាមេរិក ៖ ជារឿងរ៉ាវមួយដែលកើតមានដោយស្មានមិនដល់ នៅទីក្រុង CHICKASHA ជាទីក្រុងតូចមួយនៃរដ្ឋអូក្លាហូម៉ា សហរដ្ឋអាមេរិក។ នៅទីនោះនាពេលថ្មីៗនេះ ជាកន្លែងកើតមានរឿងផ្តាច់ជីវិតមនុស្សគួរឲ្យខ្លាច៣នាក់ នៅក្នុងផ្ទះ២ផ្សេងគ្នានៃសង្កាត់តែមួយ។…
សហរដ្ឋអាមេរិក ៖ ជារឿងរ៉ាវមួយដែលកើតមានដោយស្មានមិនដល់ នៅទីក្រុង CHICKASHA ជាទីក្រុងតូចមួយនៃរដ្ឋអូក្លាហូម៉ា សហរដ្ឋអាមេរិក។ នៅទីនោះនាពេលថ្មីៗនេះ ជាកន្លែងកើតមានរឿងផ្តាច់ជីវិតមនុស្សគួរឲ្យខ្លាច៣នាក់ នៅក្នុងផ្ទះ២ផ្សេងគ្នានៃសង្កាត់តែមួយ។
ជនរងគ្រោះទាំង៣នាក់ ម្នាក់ជានារីអាយុ៤១ឆ្នាំ លោកស្រី ANDREA LYNN BLANKENSHIP, បុរសម្នាក់អាយុ៦៧ឆ្នាំ លោក LEON PYE និងចៅស្រីអាយុ៤ឆ្នាំ នាងKAEOS YATES ។ ចំណែកអ្នករងរបួសធ្ងន់ គឺភរិយារបស់លោក LEON PYE នៅរស់រានមានជីវិត។
សោកនាដកម្មនោះ កើតមានតាំងពីថ្ងៃទី៩ ខែកុម្ភៈម៉្លេះ ហើយលទ្ធផលដំបូងៗនៃការស៊ើបអង្កេត ហាក់គូសបញ្ជាក់ថា មនុស្សតែម្នាក់គត់ដែលជាអ្នកផ្តាច់ជីវិតមនុស្សទាំង៣នាក់នោះ ដែលជនដៃដល់រូបនេះ គឺជាបុរសអាយុ៤២ឆ្នាំ មានឈ្មោះថា LAWRENCE ANDERSON។ ជននោះបន្ទាប់ពីជាប់គុក១៥ឆ្នាំ ក្រោយពីការកាត់ទោសជាច្រើនបន្តបន្ទាប់គ្នា ជាពិសេសពីបទរត់ពន្ធគ្រឿងញៀន និងប្រព្រឹត្តអំពើហិហ្សាក្នុងគ្រួសារ ក្រោយមកត្រូវបានដោះលែងវិញកាលពីខែមករា ហើយក៏មករស់នៅផ្ទះឪពុកមាលោក LEON PYE និងម្ដាយមីងលោកស្រី DELSIE PYE។
តាមប្រភពប៉ូលិសដកស្រង់សម្ដីដោយកាសែត THE OKLAHOMAN បានឱ្យដឹងថា កាលពីថ្ងៃទី៩ ខែកុម្ភៈនោះ LAWRENCE ANDERSON បានមកផ្ទះលោកស្រី ANDREA LYNN BLANKENSHIP ស្ថិតនៅតាមវិថីជាមួយគ្នានឹងផ្ទះរបស់ឪពុកមានិងម្ដាយមីងគេ។ ជននោះបានវាយប្រហារនារីរូបនោះ ហើយចាក់ផ្តាច់ជីវិត មុនពេលជននេះពុះទ្រូង រួចទាញយកបេះដូងគាត់។
បន្ទាប់មកជនដៃដល់រូបនោះបានយកបេះដូងនេះ មកកាន់ផ្ទះគ្រួសាររបស់គេវិញ និងធានាខ្លួនជាអ្នកធ្វើម្ហូប។ គេបានយកបេះដូងនារីរងគ្រោះមកចម្អិនជាមួយដំឡូងបារាំងឲ្យគ្រួសាររបស់គេបរិភោគ ដើម្បីបណ្ដេញខ្មោចបិសាច។ នេះជាការអះអាងរបស់ភ្នាក់ងារស៊ើបអង្កេតម្នាក់។
កាសែតក្នុងស្រុកនោះបញ្ជាក់ទៀតថា គឺជនសង្ស័យផ្ទាល់ដែលបានសារភាពប្រាប់ដល់បណ្ដាអ្នកស៊ើបអង្កេត។ ក្រោយព្រឹត្តិការណ៍នោះ LAWRENCE ANDERSON បានវាយប្រហារដោយកាំបិត ឪពុកមា និងម្ដាយមីងរបស់គេ ព្រមទាំងចៅស្រីរបស់អ្នកទាំង២ដែលនៅផ្ទះ។ ពេលប៉ូលិសទៅដល់ផ្ទះនោះ លោក LEON PYE បានបាត់បង់ជីវិតទៅហើយ ចំណែកភរិយាគាត់ និងចៅស្រីរងរបួសជាទម្ងន់។ ក្រោយមកកុមារី (ត្រូវជាចៅជនរងគ្រោះ) បានបាត់បង់ជីវិតនៅក្នុងរថយន្តសង្គ្រោះ ចំណែកជីដូន អាចត្រូវបានជួយសង្គ្រោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ